fbpx

မြန်မာ့ရုပ်ရှင်အရွေ့(သို့) ၂၀၁၈ တနှစ်တာ ထူးခြားထင်ရှား မြန်မာရုပ်ရှင် ၁၀ ကား

ပြီးခဲ့တဲ့ ၂၀၁၈ ခုနှစ်မှာ ပုံမှန်သမားရိုးကျ အခြေအနေတခုကနေ ပြန်လည်ခွဲထွက် ပြီး ထူးခြားတဲ့ တင်ဆက်ပုံတွေနဲ့ ရိုက်ကူးထားတဲ့ မြန်မာရုပ်ရှင်ကားတွေ ထွက်ရှိခဲ့ပါတယ်။
တနှစ်တာကာလအတွင်း ကြည့်ရှုခဲ့ရတဲ့ ရုပ်ရှင်ကားတွေရဲ့ တင်ဆက်ပုံတွေကို ကြည့်ရင် ဒါက မြန်မာ့ရုပ်ရှင်လောကရဲ့ စိန်ခေါ်မှု၊ အခွင့်အလမ်းနဲ့ အရွေ့တခုဆီ ဦးတည်နေတယ်လို့ ဆိုကြရမှာ ဖြစ်ပါတယ်။
တနှစ်လုံး ရုံတင်ပြသခဲ့တဲ့ ရုပ်ရှင်ကား အရေအတွက်ဟာလည်း ၈၃ ကားရှိနေခဲ့ ပြီး ၂၀၁၇ ခုနှစ်မှာတော့ ၅၃ ကားသာ ရှိခဲ့တာမို့ ပိုများလာခဲ့တယ်လို့ ဆိုရမှာပါ။
၂၀၁၈ ခုနှစ် မြန်မာ့ရုပ်ရှင်အကယ်ဒမီထူးချွန်ဆုပေးအပ်ချီးမြှင့်နိုင်ဖို့ အကယ်ဒမီ အကဲဖြတ် စိစစ်ရေးအဖွဲ့ကိုလည်း ပြီးခဲ့တဲ့နှစ် ဒီဇင်ဘာလ ၃ ရက်နေ့မှာ ဖွဲ့စည်းခဲ့ပြီးဖြစ်ကာ ဥက္ကဋ္ဌအဖြစ် ဒါရိုက်တာ ကြည်စိုးထွန်း၊ ဒု-ဥက္ကဋ္ဌ ပန်းချီစိုးမိုး၊ အတွင်းရေးမှူး အဖြစ် ဦးအေးကြူလေး တို့က တာဝန်ယူဆောင်ရွက်သွားမှာပါ။
မြန်မာနိုင်ငံ ရုပ်ရှင်အစည်းအရုံးကနေ အကယ်ဒမီပေးပွဲကို ဦးဆောင်ကျင်းပပြု လုပ်လာတာ ၆ နှစ်ရှိခဲ့ပြီဖြစ်ပြီး အခုနှစ်မှာတော့ အကယ်ဒမီဆု ၁၁ဆု ချီးမြှင့်သွားမှာ ဖြစ် ပါတယ်။
မြန်မာနိုင်ငံ ရုပ်ရှင်အစည်းအရုံး ဥက္ကဋ္ဌ ဦးဇင်ဝိုင်းကလည်း နိုင်ငံခြားရုပ်ရှင်တွေကို ကော်ပီကူးယူထားတဲ့ ရုပ်ရှင်ဇာတ်ကားတွေကို ဇာတ်ကားဆုအကယ်ဒမီ ပေးအပ်သွား မှာမဟုတ်ဘူးလို့ ပြောထားတာမို့ အခုနှစ် မြန်မာ့ရုပ်ရှင်ထူးချွန်ဆုချီးမြှင့်ပွဲကတော့ စိတ် ၀င်စားစရာကောင်းနေခဲ့ပါတယ်။
လက်ရှိမှာတော့ ရုံတင်ပြသခဲ့တဲ့ မြန်မာရုပ်ရှင်ကားတွေကို အကဲဖြတ်စိစစ်ပြီး ရွေးချယ်ဆုချီးမြှင့်မယ့် အကယ်ဒမီဆုချီးမြှင့်ပွဲကလည်း နီးကပ်လာနေတာမို့ တနှစ်တာအတွင်း ထူးခြားတဲ့ မြန်မာရုပ်ရှင်ကား (၁၀) ကားအကြောင်း တစေ့တစောင်း ဖော်ပြပေးလိုက်ပါတယ်။

(၁) လရောင်ဖြာတဲ့ အင်းလေးမှာ
ဝါရင့်သရုပ်ဆောင် မင်းသမီးကြီး ၀ါဝါ၀င်းရွှေစီစဉ်တဲ့ ဒီရုပ်ရှင်ကားကတော့ ၂၀၁၈ နှစ်ဦးပိုင်းမှာ ထွက်ရှိလာခဲ့ပြီး ထက်မြတ်နိုင်ဇင်ရဲ့ ဇာတ်ညွှန်းကို ဒါရိုက်တာ ညွန့်မြန်မာ ညီညီအောင်က ရိုက်ကူးပုံဖော်ပေးထားတာ ဖြစ်ပါတယ်။
လျှို့ဝှက်သည်းဖိုဆန်တဲ့ ဒီရုပ်ရှင်ကားထဲမှာတော့ ညီအစ်ကို ၂ ယောက်ကြားက ချစ်ခြင်းမေတ္တာကို ထူးခြားတဲ့ ဇာတ်လမ်းဇာတ်ကွက်တွေနဲ့ အချစ်၊ အလွမ်း၊ သဲထိတ်ရင် ဖိုဇာတ်လမ်းတခုအနေနဲ့ ပုံဖော်ဖန်တီးထားပြီး သရုပ်ဆောင်မင်းသား နေတိုးက ၂ ကိုယ် ခွဲသရုပ်ဆောင်ထားခဲ့ကာ အင်းလေးဒေသ အလှအပတွေနဲ့ ပရိသတ်တွေက ရှုစား ကြရ မှာပါ။
တခြားသရုပ်ဆောင်တွေအနေနဲ့ ၀ါဇင်၊ ၀တ်မှုန်ရွှေရည်၊ ဆုမြတ်နိုးဦးတို့ကလည်း ပါဝင်ထားကြပြီး နေတိုးကိုယ်တိုင် သီဆိုထားတဲ့ လရောင်ချော့တေး သီချင်းဟာလည်း ပ ရိသတ်တွေကြား ရေပန်းစားခဲ့ပါတယ်။
လျှို့ဝှက်သည်းဖို ဒရာမာ၊ အချစ်ဇာတ်လမ်းဇာတ်ကွက်တွေနဲ့ ဒီရုပ်ရှင်ကားထဲမှာ နေတိုးရဲ့ စရိုက် ၂ မျိုးနဲ့ သရုပ်ဆောင်မှုဟာလည်း ပရိသတ်တွေ သတိပြုမိစေခဲ့ပါတယ်။
ဒီရုပ်ရှင်ကားထဲမှာတော့ သရုပ်မဆောင်တာကြာပြီဖြစ်တဲ့ ဇာတ်ပို့သရုပ်ဆောင် လူမုန်းကို လည်း သဘာဝကျ ကောင်းမွန်တဲ့ သရုပ်ဆောင်မှုတွေနဲ့ ရှုစားကြရမှာဖြစ်ပြီး အသံပိုင်းဆိုင်ရာနဲ့ ဒရုန်းရိုက်ချက်တွေလည်း သေသပ်တဲ့ ရုပ်ရှင်ကားတကားဖြစ်တာမို့ ဖော်ပြပေးလိုက်ပါတယ်။

(၂) သုံးရောင်ခြယ်
နောက်ထပ်ဖော်ပြပေးမယ့် ရုပ်ရှင်ကားကလည်း ပုံစံတမျိုးနဲ့ ထွက်ရှိလာတဲ့ ရုပ်ရှင်ကား တကားဖြစ်ပြီး ဒါရိုက်တာ စတီးလ်(ဒွေးမေတ္တာ)က ပုံဖော်ရိုက်ကူးပေးထားခဲ့တာပါ။
အကြောင်းအမျိုးမျိုးကြောင့် ခန္ဓာကိုယ်ကို ရောင်းစားပြီး ပြည့်တန်ဆာဘ၀ရောက် ကြရတဲ့ မိန်းကလေးတွေရဲ့ ဘ၀ကို ပုံဖော်ရိုက်ကူးပေးထားတဲ့ ဒီကားထဲမှာတော့ နာမည်ကြီး သရုပ်ဆောင် မင်းသား ခန့်စည်သူ၊ မင်းမော်ကွန်း၊ နေမျိုးအောင်တို့နဲ့ အနုပညာပျိုး ခင်းကနေတဆင့် အောင်မြင် လာခဲ့တဲ့ သရုပ်ဆောင်မင်းသမီးတွေဖြစ်ကြတဲ့ အိချောပို၊ ရွှေသမီးတို့က အတွဲညီညီ ပါဝင်ထားခဲ့ ကြတာပါ။
ရိုက်ကူးရေးအများစုကို မြ၀တီနယ်စပ်မြို့မှာ ပုံဖော်ရိုက်ကူးခဲ့တဲ့ ဒီရုပ်ရှင်ကားထဲမှာတော့ မင်းမော်ကွန်းဟာ မိန်းကလေးတွေကို နယ်စပ်ပို့ပြီး မကောင်းမှုလုပ်ဖို့ စေခိုင်း တဲ့ ဗီလိန်ဇာတ်ရုပ်နဲ့ ပါဝင်ထားတာမို့ သူ့ရဲ့ တမူထူးခြားတဲ့ သရုပ်ဆောင်မှုတွေကို ရှုစား ခဲ့ကြရတာ ဖြစ်ပါတယ်။
ခန့်စည်သူ၊ နေမျိုးအောင်နဲ့ အိချောပိုတို့ဟာလည်း ကျတဲ့ ဇာတ်ရုပ်တွေက အံ ၀င်ခွင်ကျ သရုပ်ဆောင်ထားခဲ့တာမို့ ဒီကားဟာလည်း ပရိသတ်အားပေးမှုရရှိခဲ့တဲ့ ဇာတ် ကားတကား ဖြစ်ခဲ့တာပါ။

(၃) ဥပါယ်တံမျဉ်
နောက်ထပ်မိတ်ဆက်ပြောပြပေးချင်တဲ့ ရုပ်ရှင်ကားကတော့ အမျိုးသမီး လူငယ်ဒါရိုက်တာ အသစ်၊ သရုပ်ဆောင်သစ်တွေ အများစုနဲ့ သတ္တိရှိရှိ အသွင်သစ်နဲ့ရိုက်ကူးလာတဲ့ “ဥပါယ်တံမျဉ်” မြန်မာရုပ်ရှင်ကားပါ။
ဒီကားကတော့ ၂၀၁၈ ခုနှစ်ရဲ့ မြန်မာ့ရုပ်ရှင်အရွေ့စတင်တဲ့ ဇစ်မြစ်လို့တောင် ပြောရမယ့် ရုပ်ရှင်ကားတကားဖြစ်ခဲ့ပြီး စံချိန်တင်အောင်မြင်မှုရရှိခဲ့တဲ့ ဇာတ်ကားဖြစ်ပါ တယ်။
ဒီရုပ်ရှင်အပေါ် တချို့ကလည်း အပြုသဘောဆောင်တဲ့ အမြင်နဲ့ မြန်မာ့ရုပ်ရှင်ရဲ့ ကောင်းမွန်တဲ့ အနာဂတ်အလားအလာကို ဖော်ဆောင်နိုင်မယ့် ဇာတ်ကားအဖြစ် ရှုမြင် ကြိုဆိုအားပေးနေကြပြီး တချို့ဝေဖန်မှုတွေလည်း အပြင်းအထန် ထွက်ပေါ်နေတာ ဖြစ်ပါတယ်။
Central Base Productions ရုပ်ရှင်ထုတ်လုပ်ရေးက စီစဉ်ပြီး အမျိုးသမီး လူငယ် ဒါရိုက်တာ ခရစ္စတီးနားခီက ရိုက်ကူးပုံဖော်ပေးထားတဲ့ ဒီရုပ်ရှင်ကားကြီးမှာ ၀ါရင့်သ ရုပ်ဆောင် အကယ်ဒမီမင်းဦးနဲ့ သက်မွန်မြင့်တို့ကလွဲပြီး တခြားနာမည်ကြီး သရုပ် ဆောင်တွေ မပါဘဲ အသစ်တွေကို ပွဲထုတ်ထားတာကလည်း ထူးခြားမှုတခု ဖြစ်နေခဲ့ပါ တယ်။
ဇာတ်လမ်းကျောရိုးအရ ပုံမှန်မြင်တွေ့နေကျ အိမ်ထောင်ရေး ဖောက်ပြန်မှု ဇာတ် လမ်းတပုဒ်သာ ဖြစ်မယ်လို့ ထင်ကြေးပေးခဲ့ကြပေမယ့် တကယ့်ကို ထင်မှတ်မထားတဲ့ လှည့်ကွက်တွေနဲ့ ဖန်တီးထားတဲ့ ရာဇဝတ်ပြစ်မှုဆိုင်ရာ စုံစမ်းထောက်လှမ်းရေးရုပ်ရှင် အမျိုးအစား ဖြစ်နေတာကလည်း ဆွဲဆောင်မှုတခုအဖြစ် ကြည့်ရှုသူတွေကို ဖမ်းစားနိုင်ခဲ့ ပါတယ်။
အဓိကသရုပ်ဆောင်အဖြစ် ပါဝင်လာတဲ့ ဇဏ်ခီ၊ အောင်မြင့်မြတ်တို့ဟာ အ သစ်တွေ ဖြစ်ပေမယ့် ဇာတ်ညွှန်းနဲ့ လိုက်ဖက်တဲ့ သရုပ်ဆောင်ချက်တွေနဲ့ အပိုအလိုမရှိ သရုပ်ဆောင်နိုင်ခဲ့သလို ထိုင်းသရုပ်ဆောင် မင်းသမီး Kaew Korravee ရဲ့ စွဲမက်စရာ သရုပ်ဆောင်ချက်တွေနဲ့ တခြားဇာတ်ပို့ သရုပ်ဆောင်တွေရဲ့ ပံ့ပိုးပေးနိုင်မှုကလည်း ဒီဇာတ်ကားကို ရုပ်လုံးပိုကြွလာစေခဲ့ပါတယ်။
ဒါရိုက်တာ ခရစ္စတီးနားခီကတော့ ဒီရုပ်ရှင်ကားနဲ့ ပတ်သက်ပြီး သူ့ရဲ့ ဖေ့စ်ဘွတ်ခ် အင်တာနက် လူမှုကွန်ရက်စာမျက်နှာပေါ်ကတဆင့် ခုလိုရေးသားခဲ့တာပါ။
“ကိုယ်မအောင်မြင်ခဲ့ရင် ငွေအရမ်းရှုံးလို့ ဆက်ရိုက်ခွင့် မရှိတော့ရင်တောင် လူ သစ်တွေ နေရာရစေချင်ပါတယ်။ ကောင်းမွန်တဲ့ ကြိုးစားစေတနာထားသူ အနုပညာသ မားတိုင်းကို အားပေးပါတယ်။ အသစ် အဟောင်းအားလုံးကိုပါ။ အားပေးနေတဲ့ သူတိုင်း ကို ကျေးဇူးတင်ပါတယ်လို့ ပြောတာနဲ့ မလုံလောက်ပေမယ့် ဘယ်တော့မှ မမေ့ဘူးဆို တာ ယုံပါနော်။”
ကလော၊ ငပလီနဲ့ ရန်ကုန်တို့မှာ အချိန် ၃ လကြာ ပြင်ဆင်ရိုက်ကူးခဲ့တဲ့ ဒီရုပ်ရှင် ကားကို ဇန်နဝါရီ ၁၉ ရက်နေ့မှာ စတင်ပြီး ခက်ခက်ခဲခဲ ရုံတင်ပြသခွင့်ခဲ့တာဖြစ်ပြီး ဒီကား ဟာ ပရိသတ်ကြား လှုပ်ခတ်မှုရှိတဲ့ ဇာတ်ကားတကား ဖြစ်ခဲ့ပါတယ်။

(၄) အနမ်းဝိုင်
နောက်ထပ်ဖော်ပြပေးချင်တဲ့ ရုပ်ရှင်ကားကလည်း ချစ်ခြင်းမေတ္တာအကြောင်း လှလှပပ သီဖွဲ့ဖန်တီးပုံဖော်ထားတဲ့ အနမ်းဝိုင်ရုပ်ရှင်ကား ဖြစ်ပါတယ်။
ဒီကားကိုတော့ စိန်ဌေးရုပ်ရှင်ထုတ်လုပ်ရေးက တင်ဆက်လိုက်တာဖြစ်ပြီး လူငယ် ဒါရိုက်တာ အောင်မြတ်ရဲ့ ပုံဖော်ဖန်တီးမှုနဲ့ ထွက်ရှိလာခဲ့တာပါ။
ဝတ္ထုပေါင်းများစွာကို ရုပ်ရှင်အဖြစ် ပြန်လည်ရိုက်ကူးခဲ့ရတဲ့ စာရေးဆရာမ ပုညခင် ရဲ့ ၀တ္ထုကို ပြန်လည်ရိုက်ကူးတဲ့ ဒီရုပ်ရှင်ကားရဲ့ ဇာတ်ညွှန်းကို သူကိုယ်တိုင်ခွဲထားပေးခဲ့ တာ ဖြစ်ပါတယ်။
တောင်ကြီးတန်ဆောင်တိုင် မီးပုံးပျံပွဲကနေ အစပြုခဲ့တဲ့ အချစ်တခုနဲ့အတူ လူငယ် သဘာဝ ရင်ခုန်စိတ်လှုပ်ရှားဖွယ်ရာ အဖြစ်အပျက်တွေ၊ မိခင်တစ်ယောက်ရဲ့ အတ္တနဲ့ မာ န၊ သာယာလှပတဲ့ စပျစ်ခင်းတွေ၊ ဝက်သစ်ခြဝိုင်စည်တွေကြားက ရင်ခုန်သံတွေ၊ ဝိုင် စက်ရုံထဲမှ စပျစ်အမျိုးမျိုး၊ ဝိုင်နဲ့ ပတ်သက်တဲ့ ဗဟုသုတရစရာတွေကိုပါ ဖန်တီးရေးဖွဲ့ထားတဲ့ ဇာတ်လမ်းဟာ ရုပ်ရှင်အဖြစ် အသက်သွင်းချိန်မှာလည်း လှပသေသပ်နေခဲ့ပါ တယ်။
အဓိက သရုပ်ဆောင်တွေအနေနဲ့ အောင်ရဲလင်း၊ ဝတ်မှုံရွှေရည်၊ စိုးမြတ်သူဇာ၊ မျိုးသန္တာထွန်း၊ မင်းဦးတို့က ပါဝင်သရုပ်ဆောင်ထားခဲ့ကြတဲ့ ဒီကားထဲမှာ လှပတဲ့ ရိုက် ချက်တွေနဲ့ ရှမ်းပြည်နယ် အလှအပတွေကိုပါ ထည့်သွင်းရိုက်ကူးထားတာမို့ ပုံစံတမျိုးနဲ့ အချစ်ကားသန့်သန့် ကြိုက်နှစ်သက်တဲ့ ပရိသတ်ကြား သတိပြုမိစရာ ရုပ်ရှင်ဖြစ်ခဲ့ပါ တယ်။

(၅) ရွှေကြာ
နောက်ထပ်ရွေးချယ်ဖော်ပြပေးချင်တာကတော့ ထွက်မလာခင်ကတည်းက နာမည်ကြီးခဲ့တဲ့ ရုပ်ရှင်ကားတကား ဖြစ်ခဲ့ပြီး ပရိသတ်ကြား ပွဲဆူစေခဲ့တဲ့ ရွှေကြာရုပ်ရှင်ကား ပါ။
ငွေသော်တာ ရုပ်ရှင်ထုတ်လုပ်ရေးက တင်ဆက်လိုက်တဲ့ ဒီရုပ်ရှင်ကားဟာလည်း စာရေးဆရာမ ပုညခင်ရဲ့ အရှေ့တံခါးအ၀င်အမည်ရတဲ့ ၀တ္ထုကို ရုပ်ရှင်အဖြစ် အသက် သွင်းရိုက်ကူးထားခဲ့တာပါ။
ဒီကားကိုတော့ ဒါရိုက်တာ ၀ိုင်းက ရိုက်ကူးပုံဖော်ထားတာဖြစ်ပြီး ဖွေးဖွေးက အဓိ က ဇာတ်ကောင်နေရာမှာပါဝင်ထားခဲ့ပြီး အလင်းရောင်၊ သင်ဇာဝင့်ကျော်တို့လည်း ပါဝင် ထားခဲ့ကြတာ ဖြစ်ပါတယ်။
ပြည့်တန်ဆာ မိန်းကလေးတွေရဲ့ ဘဝတွေကို ပုံဖော်ရိုက်ကူးထားခဲ့တဲ့ ဒီရုပ်ရှင် ကားကို အားပေးတဲ့သူတွေလည်း ရှိခဲ့သလို ဝေဖန်မှုတွေလည်း ရှိခဲ့တဲ့ ဇာတ်ကား ဖြစ်ပါ တယ်။
စာရေးဆရာမ ပုညခင်ကတော့ ဇာတ်ကား အထူးပွဲပြသတဲ့နေ့မှာ ဖွေးဖွေးရဲ့ သရုပ်ဆောင်မှု အပေါ် ခုလို မှတ်ချက်ပြု ရေးသားခဲ့တာကို တွေ့ရပါတယ်။
“ကျမ စာလုံးလေးတွေနဲ့ သီကုံးဖန်တီးရေးဖွဲ့ထားတဲ့ ရွှေကြာကို အပြင်မှာ တွေ့လိုက်ရ သလိုပါပဲ။ ဖွေးဖွေးဟာ တကယ်ကွက်တိ သရုပ်ဆောင်ထားနိုင်လို့ သူ့အနုပညာ မှော်ကို လက်ဖျားခါရတယ်။ ဒါရိုက်တာကလည်း ဝတ္ထုရဲ့ ဆိုလိုရင်း မပျက်အောင် လှလှပပ ဖန်တီး ရိုက်ကူးသွားတယ်။ သင်ဇာကလည်း သူ့အခန်းနည်းတဲ့တိုင် သူ သရုပ်ဆောင်ရမယ့် အခန်းတွေမှာ သရုပ်ဆောင် ပီပြင်လွန်းလို့ စံထားညိုကို အပြင်မှာ တွေ့ရသလိုပါပဲ။ အလင်းရောင်လည်း သူ သရုပ်ဆောင်ရမယ့်နေရာမှာ ပီပီပြင်ပြင် သရုပ်ဆောင်ထားတယ်။ အသစ်တွေထဲမှာ အားထား ရလောက်တဲ့ သရုပ်ဆောင်တယောက် ဖြစ်လာမယ်လို့ မျှော်လင့်တယ်”

(၆) မုဒြာရဲ့ ခေါ်သံ
နောက်ထပ် ဖော်ပြပေးချင်တဲ့ ရုပ်ရှင်ကားကလည်း ပရိသတ်တွေ မစိမ်းတဲ့ ရုပ်ရှင်ကား တကားဖြစ်ပြီး သတိပြုမိစေခဲ့တဲ့ မုဒြာရဲ့ ခေါ်သံရုပ်ရှင်ကား ဖြစ်ပါတယ်။
ဒီကားကိုတော့ Central Base Productions ရုပ်ရှင်ထုတ်လုပ်ရေးက တင်ဆက် လိုက်တာဖြစ်ပြီး အမျိုးသမီးလူငယ် ဒါရိုက်တာ ခရစ္စတီးနားခီက ရိုက်ကူးပုံဖော်ပေးထား ခဲ့တာပါ။
အမေရိကန်နိုင်ငံမှာ ကြီးပြင်းတဲ့ မြန်မာပြည်ဖွား ဂျေဒန်က သူ့ရဲ့ ဇစ်မြစ်ကို ရှာဖွေဖို့ မြန်မာပြည်ကို ပြန်လာချိန်မှာ ထင်မှတ်မထားတဲ့ အမှန်တရားတခုကို တွေ့ခဲ့ရတယ်။ သူဟာ ဂီတမဟာတန်းသုတေသန စာတမ်းတခုအတွက် မြန်မာ့ရိုးရာဂီတနဲ့ အကကို သု တေသနလုပ်ဖို့ မြန်မာပြည်ကို ရောက်လာခဲ့တာပါ။ မြန်မာပြည်မှာ ယဉ်ကျေးမှုတက္ကသို လ်က ရိုးရာဂီတ ဘာသာရပ်နဲ့ ဘွဲ့ရရှိထားတဲ့ နှင်းသူဇာဆိုတဲ့ ကောင်မလေးနဲ့တွေ့ပြီး သူ့မိဘအရင်းနဲ့ ဇစ်မြစ်ကို ရှာဖွေဖို့ ကူညီပေးတဲ့ ဇာတ်လမ်းဖြစ်ပါတယ်။ ဂျေဒန်ရဲ့ မြန်မာပြည်ခရီးတလျှောက် လူသိနည်း နေသေးတဲ့ ဒေသခံတွေရဲ့ ဘ၀ဖြတ်သန်းနေထိုင်မှုတွေ၊ အလှအပတွေကို ထင်ဟပ်မိစေတဲ့ ရုပ်ရှင်ကားတကား ဖြစ်ပါတယ်။
ဇာတ်လမ်းဇာတ်ကွက်နဲ့ ကွက်တိ အပိုအလိုမရှိ သရုပ်ဆောင်မှုတွေနဲ့ ပုံဖော်ရိုက် ကူးထားတဲ့ ဒီရုပ်ရှင်ကားကို နိုင်ငံတကာရုပ်ရှင်ပွဲတော် ၉ ခုမှာ ပြသခဲ့ပြီး ဆု ၂ ဆုရရှိခဲ့ တာပါ။
၂၀၁၄ ခုနှစ်ကတည်းက ရိုက်ကူးခဲ့တဲ့ ဒီရုပ်ရှင်ကားကို မြန်မာပြည်တွင်းမှာ ရုံတင် ပြသနိုင်ဖို့ အချိန် ၄ နှစ်လောက် စောင့်ဆိုင်းခဲ့ရတာဖြစ်ပြီး ခရစ္စတီးနားခီရဲ့ ပွဲဦးထွက်လက်ရာ ဒီရုပ်ရှင် ကားဟာ တနှစ်တာအတွင်းမှာတော့ ပရိသတ်သတိပြုမိစေခဲ့တဲ့ ဇာတ်ကားတကား ဖြစ်နေခဲ့တာ ဖြစ်ပါတယ်။

(၇) ဒုဋ္ဌ၀တီကို လွန်၍
ထပ်ပြီးဖော်ပြပေးချင်တဲ့ ရုပ်ရှင်ကားကတော့ မြင်တွေ့နေကျမဟုတ်တဲ့ ဇာတ်လမ်းဖန်တီးမှု အသစ်တွေနဲ့ ထွက်ရှိလာခဲ့တဲ့ ဒုဋ္ဌ၀တီကို လွန်၍ ဆိုတဲ့ ရုပ်ရှင်ကားပါ။
လူငယ်ဒါရိုက်တာအသစ်၊ ထုတ်လုပ်ရေးအသစ်နဲ့ ထူးထူးခြားခြား ရိုက်ကူးထားတဲ့ ဒီရုပ်ရှင်ဟာ ရုံမတင်ခင်ကတည်းက ၁ မိနစ်စာ trailer နဲ့ နာမည်ကြီးနေခဲ့တာပါ။
သရုပ်ဆောင် မင်းသား နိုင်းနိုင်း၊ ဇော်ဇော်အောင်၊ ဆန်းထွဋ်နဲ့ အဆိုတော် အ မွန်းတို့ ခေါင်းဆောင် ပါဝင်ထားတဲ့ ဒီဇာတ်ကားကို လူငယ် ဒါရိုက်တာ အာကာက ရိုက် ကူးထားပြီး Golden Hour Entertainment နဲ့ Arkar Production တို့က ပူးပေါင်းစီ စဉ်ခဲ့တာ ဖြစ်ပါတယ်။
ဒီကားဟာ ရတနာသိုက်ရှာဖွေတဲ့ ဇာတ်လမ်းကို အခြေခံပြီး စွန့်စားမှု အက်ရှင် ဇာတ်လမ်းပုံစံဖန်တီးထားတာ ဖြစ်ပါတယ်။ ဇာတ်လမ်းနဲ့ ဇာတ်ညွှန်းကတော့ HipHop အဆိုတော် ရဲနောင် ဖြစ်ပါတယ်။ ဒီရုပ်ရှင်ကားကို ပြင်သစ်နိုင်ငံနဲ့ မြန်မာနိုင်ငံ မြို့အ များစုမှာ ရိုက်ကူးထားခဲ့တာ ဖြစ်ပါတယ်။
နာမည်ကြီး Rocker တဦးဖြစ်တဲ့ အဆိုတော် လေးဖြူက သီဆိုပေးထားတဲ့ ရုပ်ရှင် ဇာတ်ဝင်သီချင်းကလည်း လူကြိုက်များခဲ့ပြီး ထူးခြားတဲ့ အက်ရှင်ဇာတ်ဝင်ခန်းတွေ၊ အထူးပြု လုပ်ချက်တွေနဲ့ ရိုက်ကူးတင်ဆက်ထားတာမို့ တနှစ်တာအတွင်း သတိပြုမိစရာ ရုပ်ရှင်ကား ဖြစ်ခဲ့ပါတယ်။

(၈) ဥပါဒါန်
နောက်ထပ်ရွေးချယ်ဖော်ပြပေးမယ့် ရုပ်ရှင်ကားကလည်း မြန်မာပရိသတ်တွေ ကြိုက်နှစ်သက်ကြတဲ့ ဇာတ်လမ်းကျောရိုးနဲ့ ထွက်ရှိအောင်မြင်ခဲ့တဲ့ ဥပါဒါန် ရုပ်ရှင်ကား ဖြစ်ပါတယ်။
ဖြစ်ရပ်မှန်ဇာတ်လမ်းတပုဒ်ကို အခြေပြုပြီး ဖန်တီးပုံဖော်ထားခဲ့တဲ့ ဒီကားဟာ ထူးခြားတဲ့ မြန်မာရုပ်ရှင်ကားတကားဖြစ်ပြီး အကြောင်းကြောင်းတွေကြောင့် ထွက်ရှိဖို့ ကြန့်ကြာနေခဲ့ရပြီး အချိန် ၁၀ နှစ်ကျော်လောက်အကြာမှ ထွက်ရှိလာခဲ့တာ ဖြစ်ပါတယ်။
မောင်အောင်(ရူပဗေဒ)ရဲ့ ဇာတ်လမ်းဇာတ်ညွှန်းကို ဒါရိုက်တာ ဗန်းကြီးက ရိုက်ကူးထားခဲ့တဲ့ ဒီရုပ်ရှင်ကားကတော့ သာသနာကို မြတ်နိုးတန်ဖိုးထားတဲ့ ရဟန်းပျိုတပါးနဲ့ ဘာသာသနာအပေါ် ကြည်ညိုလွန်းခဲ့ပေမယ့် သဒ္ဓါလွန်ကဲပြီး ဆုတောင်းမှားခဲ့တဲ့ မိန်းမ ချောလေးတယောက် အကြောင်းကို ပုံဖော်ရိုက်ကူးထားတာ ဖြစ်ပါတယ်။
ဒီကားကို စိန်ဌေးရုပ်ရှင်ထုတ်လုပ်ရေးက စီစဉ်ပြီး သရုပ်ဆောင်သစ် မင်းသား ခိုင်ထူးသာနဲ့ မင်းသမီး နန်းဆုဦးတို့က ခေါင်းဆောင် ပါဝင်ထားကြတာ ဖြစ်ပါတယ်။
တခြားသရုပ်ဆောင်တွေအနေနဲ့ ၀ါရင့်သရုပ်ဆောင်တွေဖြစ်ကြတဲ့ ခင်ဇာခြည် ကျော်၊ မေသဉ္ဇာဦး၊ ချိုပြုံးနဲ့ တခြားသရုပ်ဆောင်တွေလည်း ပါဝင်ထားကြတာ ဖြစ်ပါ တယ်။
ကောင်းမွန်တဲ့ တင်ဆက်ပုံနဲ့ ရိုက်ကူးထားတဲ့ ဒီရုပ်ရှင်ကားထဲမှာတော့ အဓိက ခေါင်းဆောင်အနေနဲ့ ပါဝင်ထားတဲ့ သရုပ်ဆောင်သစ် ခိုင်ထူးသာကို အားလုံးက သတိပြု မိခဲ့ကြပါတယ်။
အသစ်တယောက်ဖြစ်ပေမယ့် ဇာတ်ရုပ်နဲ့ လိုက်ဖက်ညီစွာ သာသနာ့ဘောင်ဝင်ပြီး ရိုက်ကူးခဲ့တဲ့ ဒီဇာတ်ရုပ်အတွက် အကယ်ဒမီတစ်ကြိုထင်ကြေးပေးနေကြတာတွေလည်း ကြားနေခဲ့ရတာမို့ ရွေးချယ်ဖော်ပြပေးလိုက်ပါတယ်။

(၉) မီ
နောက်ထပ်ရွေးချယ်ဖော်ပြပေးချင်တဲ့ ရုပ်ရှင်ကတော့ နာမည်ကြားလိုက်တာနဲ့ ပရိသတ်တွေ ရင်းနှီးကြပြီးဖြစ်မယ့် မီရုပ်ရှင်ကား ဖြစ်ပါတယ်။
ဒီကားဟာလည်း တနှစ်တာ ကာလအတွင်းမှာ ဥပါယ်တံမျဉ်ရုပ်ရှင်အပြီး ထပ်မံပွဲ ဆူစေခဲ့တဲ့ ရုပ်ရှင်ကားတကား ဖြစ်ခဲ့တာပါ။
ဒီကားကတော့ နာမည်ကြီး စာရေးဆရာမကြီး ကြည်အေးရဲ့ ၀တ္ထုကို ဒါရိုက်တာ ဏကြီးက ကိုယ်တိုင်ဇာတ်ညွှန်းခွဲ၊ ကိုယ်တိုင်ရိုက်ကူးထားတာဖြစ်ပြီး Victoria Film Production က တင်ဆက်လိုက်တာ ဖြစ်ပါတယ်။
၁၉၅၀ ပြည့်လွန်ကာလကို အခြေတည်ရေးဖွဲ့ထားတဲ့ ဒီဇာတ်လမ်းဟာ နားလည် ရခက်တဲ့ မီဆိုတဲ့ မိန်းကလေးတယောက်ကြောင့် ယောက်ျားတွေ အရူးအမူးဖြစ်ကြတဲ့ အကြောင်း၊ ချစ်တဲ့စိတ်တဖက်၊ သံသယစိတ်တဖက်နဲ့ မီကို လက်ထပ်ယူခဲ့တဲ့ အမျိုးသားတယောက် အကြောင်းကို တင်ပြထားခဲ့တာပါ။ ဒီကားထဲမှာတော့ အဲဒီခေတ်ကလို ဘယ်လို အပြင်အဆင်တွေ၊ အထူးပြုလုပ်မှုတွေနဲ့ ရုပ်ရှင်အဖြစ် ပုံပေါ်လာအောင် ရိုက်ကူးထားခဲ့တာ ဖြစ်ပါတယ်။
ဒီကားထဲမှာတော့ အဓိကဇာတ်ကောင် မီနေရာမှာ သရုပ်ဆောင်မင်းသမီး ပိုင်ဖြိုး သုက ခေါင်းဆောင်ပါဝင်ထားပြီး သူနဲ့အတူ သရုပ်ဆောင်မင်းသားတွေဖြစ်ကြတဲ့ နေတိုး၊ ရဲအောင်၊ မင်းဦး၊ သားညီ၊ အောင်ရဲထိုက်တို့က အတွဲညီညီ တွဲဖက်ပါဝင်ထားကြတာ ဖြစ်ပါတယ်။
ဒီရုပ်ရှင်ကားထဲက အဓိကဇာတ်ကောင်မီအဖြစ် သရုပ်ဆောင်တဲ့ ပိုင်ဖြိုးသုဟာ အပိုအလိုမရှိ သရုပ်ဆောင်သွားနိုင်ခဲ့တာမို့ အကယ်ဒမီတစ်ကြိုပေးနေကြသလို ရုပ်ရှင် ကားရဲ့ ပဲ့ကိုင်ရှင် ဒါရိုက်တာ ဏကြီးကိုလည်း ချီးကျူးနေကြပါတယ်။
ဝေဖန်မှုတွေထဲမှာတော့ ကျန်းမာရေးသံတမန်တဦးလည်း ဖြစ်တဲ့အပြင် ဆရာဝန်တဦး လည်း ဖြစ်တဲ့ သရုပ်ဆောင်မင်းသမီး ပိုင်ဖြိုးသုရဲ့ ဇာတ်ဝင်ခန်းတွေထဲမှာ ဆေးလိပ် သောက်တဲ့ အပေါ် ဝေဖန်မှုတွေနဲ့အတူ ပွက်လောရိုက်သွားခဲ့တာပါ။

(၁၀) မုန်းစွဲ
နောက်ဆုံးဖော်ပြပေးချင်တဲ့ ရုပ်ရှင်ကားကလည်း ရုံတင်စံချိန်ချိုးခဲ့တဲ့ မုန်းစွဲရုပ်ရှင် ကား ဖြစ်ပါတယ်။
၂၀၁၈ နှစ်ကုန်ပိုင်းလောက်မှာ ရုံတင်ပြသခဲ့တဲ့ ဒီရုပ်ရှင်ကားဟာ ဖြစ်ရပ်မှန် တရား တော်တပုဒ်ကို ရုပ်ရှင်အဖြစ် ရိုက်ကူးပုံဖော်ထားတာ ဖြစ်ပါတယ်။
ဒီကားကိုတော့ 7th Sense ရုပ်ရှင်ထုတ်လုပ်ရေးက တင်ဆက်လိုက်တာဖြစ်ပြီး လွင်မင်းအံ့ရဲ့ ဇာတ်ညွှန်းကို ဒါရိုက်တာ သြရသက ပုံဖော်ရိုက်ကူးပေးထားတာ ဖြစ်ပါ တယ်။
ဒီရုပ်ရှင်ကားဟာ ဆရာတော် အရှင်ဆန္ဒာဓိက ဟောကြားတဲ့ အသေလှတဲ့သူ အ မည်ရတဲ့ ဖြစ်ရပ်မှန်တရားတော်ကို ရုပ်ရှင်အဖြစ် ရိုက်ကူးပုံဖော်ပေးထားတာ ဖြစ်ပါ တယ်။
‘ချစ်စွဲ မုန်းစွဲ’ နဲ့ သေပြီးတော့ လူအဖြစ်ဝင်စားတဲ့အခါမှာ မုန်းစိတ်က အရမ်းစွဲ လမ်းနေပြီး မုန်းစွဲစိတ်နဲ့ လူဝင်စားဖြစ်ချိန်မှာ ဒုက္ခများရတဲ့အကြောင်းတွေ၊ အဓိက, ကတော့ ဘဝကို ချစ်ခြင်း၊ မုန်းခြင်း ကင်းကင်းနဲ့ ရှေ့ဆက်ဖို့ လိုတဲ့အကြောင်း၊ လက်ရှိ ဘ၀မှာရော၊ သံသရာမှာရော အစွဲအလမ်း မကြီးသင့်တဲ့အကြောင်း၊ အမုန်းတရားတွေ ကင်းစင်စေလိုတဲ့ ရည်ရွယ်ချက်နဲ့ ဒီဇာတ်လမ်းကို ပုံဖော်ရိုက်ကူးထားခဲ့တာပါ။
ဒီကားထဲမှာတော့ နာမည်ကြီး သရုပ်ဆောင် မင်းသားမင်းသမီးတွေ ဖြစ်ကြတဲ့ နေတိုး၊ ကျော်ကျော်ဗို၊ ဖွေးဖွေး၊ အေးဝတ်ရည်သောင်းတို့နဲ့အတူ မကြာခင်ကမှ ကွယ် လွန်ခဲ့တဲ့ သရုပ်ဆောင်မင်းသား မင်းသွေးလည်း ပါဝင်ထားခဲ့တာ ဖြစ်ပါတယ်။
မုန်းစွဲရုပ်ရှင်ကားဟာ ထွက်မလာခင်ကတည်းက ပရိသတ်တွေကြားမှာ နာမည်ကြီးနေ ခဲ့တာဖြစ်ပြီး ရုပ်ရှင်ကားထဲမှာ ပါဝင်တဲ့ ကျော်ကျော်ဗို၊ မင်းသွေးတို့ကိုလည်း ချီးကျူးမှုတွေ ရရှိထားပါတယ်။
တကားလုံးမှာ သေသပ်တဲ့ ရုပ်ရှင်ဓာတ်ပုံဆုအတွက်လည်း ရေပန်းစားနေသလို ကြာဥဆိုတဲ့ ဇာတ်ကောင်အဖြစ် ပိုင်ပိုင်နိုင်နိုင် သရုပ်ဆောင်ခဲ့သူ အေးဝတ်ရည်သောင်း ကိုလည်း အကယ်ဒမီတစ်ကြိုထင်ကြေးတွေ ပေးနေကြတာ ဖြစ်ပါတယ်။
ရုပ်ရှင်ကားကောင်းတကားရဲ့ ကျရာနေရာအတွက် အသီးသီး ထူးချွန်သူတွေကို ချီးမြှင့်မယ့် ၂၀၁၈ ခုနှစ်အတွက် အကယ်ဒမီဆုချီးမြှင့်ပွဲကတော့ မကြာခင်မှာပဲ ရောက်ရှိလာတော့မှာပါ။
ဒီနှစ်မှာတော့ ရွေးချယ်စရာ ရုပ်ရှင်ကားကောင်းတွေလည်း များလာပြီးအပြိုင်သ ရုပ်ဆောင်မှုတွေ၊ ကြိုးစားအားထုတ်မှုတွေကိုလည်း ပိုပြီးမြင်တွေ့လာရတာမို့ အကယ်ဒ မီစင်မြင့်ပေါ် မှာ ဘယ်အနုပညာရှင်တွေကို တွေ့မြင်ကြရမလဲ။ ပရိသတ်တွေ ထင်ကြေးပေးတဲ့ အနုပညာရှင်တွေနဲ့ အကယ်ဒမီဆုရှင်တွေရော တထပ်တည်းကျပါ့မလားဆိုတာတွေကိုတော့ မကြာခင်မှာ ရှုစားရင်ခုန်ကြရတော့မှာ ဖြစ်ပါတယ်။

Source : DVB