fbpx

ထားဝယ်တွင် ဖမ်းဆီးရမိသည့် အေးခဲအသားများကို မြေမြှုပ်ဖျက်ဆီး

ထိုင်းနိုင်ငံဘက်ကနေ တရားမဝင်တင်သွင်းထားတဲ့ အေးခဲအသား ကီလို ၇၇၀ ကို ထားဝယ်မြို့နယ် စည်ပင်သာယာရေးကော်မတီနဲ့ သက်ဆိုင်ရာအဖွဲ့စည်းတွေက မြေမြှုပ်ဖျက်ဆီးပစ်ခဲ့ကြပါတယ်။ 

ထားဝယ်မြို့သစ် ၆ လမ်းသွယ်မှာရှိတဲ့ နေအိမ်တအိမ်မှာ တဖက်နိုင်ငံကနေ တရားမဝင်တင်သွင်းလာတဲ့ အေးခဲအသားတွေကို သိုလှောင် ရောင်းချနေကြောင်း သတင်းရရှိ တာကြောင့် အောက်တိုဘာ ၁ရက် ညပိုင်းက ရှောင်တခင်ဝင်ရောက် စစ်ဆေးဖမ်းဆီးခဲ့တာပါ။

အဲဒီနေအိမ်မှာ အေးခဲကလီစာ ၅၀ကီလို၊ ကြက်ရိုး ၇၀ကီလို၊ ကြက်သား၆၀၀ကီလိုနဲ့ ဝက်သား ၅၀ ကီလိုတို့ကိုဖမ်းဆီးရမိခဲ့တဲ့အတွက် သက်ဆိုင်ရာအဖွဲ့စည်းတွေက မြေမြှုပ်ဖျက်ဆီးပစ်ခဲ့ပါတယ်။

 အေးခဲအသား သိုလှောင်ရောင်းချသူကို ထားဝယ်မြို့နယ်စည်ပင်သာယာ ရေးကော်မတီက ဝန်ခံကတိပြုလက်မှတ်ရေးထိုးစေပြီး ဒဏ်ကြေးငွေ ကျပ် ၂ သိန်း ကောက်ခံခဲ့ကာ နောက်တစ်ကြိမ် ဖောက်ဖျက်ကျူးလွန်ရင်တော့ စည်ပင်သာယာရေးဥပဒေနဲ့ တရားစွဲဆိုမယ်လို့ တာဝန်ရှိသူတွေကပြောပါတယ်။

မြန်မာနိုင်ငံမှာ အေးခဲအသားတင်သွင်းတာကို ပိတ်ပင်ထားတာကြောင့် အေးခဲအသားတွေကို ဖြန့်ဝေရောင်းချနေတာကို တွေ့ရှိရင် ထားဝယ်မြို့နယ်စည်ပင်သာယာရေးကော်မတီ ကို ဆက်သွယ်သတင်းပေးနိုင်တယ်လို့သိရပါတယ်။ 

သတင်း- တင့်လွင်

Tags:

Source : DVB