fbpx

ဒါရိုက်တာ ကိုပေါက်နဲ့ တွေ့ဆုံခြင်း

“ကျွန်တော်တို့လည်း လူထဲက လူတစ်ယောက်အနေနဲ့ ခြောက်ပစ်ကင်းသဲလဲစင် မဟုတ်ပါဘူး။ မကောင်းတဲ့ အနာအဆာရှိပါတယ်”
ဒါရိုက်တာကိုပေါက်နဲ့ တွေ့ဆုံခိုက် လူထဲကလူ ရုပ်ရှင်ဇာတ်ကားအကြောင်း၊ Sinon ကြောင့် ဇာတ်ညွှန်းပြန်ရေးဖြစ်တဲ့အကြောင်းနဲ့ စစ်ကားအကြောင်းတွေကို မေးမြန်းထားပါတယ်။ 
Voice : လူထဲကလူ ရုပ်ရှင်ဇာတ်ကားက ဖြစ်ရပ်မှန်ဆိုတော့ ဘယ်လိုမျိုး ဖန်တီးသွားမှာလဲ။
KP : အဓိကတော့ ကျွန်တော်က အဲဒီတစ်ယောက်ပေါ့လေ (LGBT) သူ့ရဲ့ facebook မှာ တက်လာတဲ့ သတင်းတစ်ခုအရ စိတ်မကောင်းဖြစ်ရတာပေါ့။
လူတစ်ယောက်ကို ဓားနဲ့ ထိုးသတ်တာလည်းမဟုတ်ဘဲ ပါးစပ်နဲ့ သတ်လိုက်ကြတယ်။ လူတစ်ယောက် သေသွားတယ်။ လူတစ်ယောက်အတွက် မတန်ဘူးလေ။ ကိုယ်ချင်းစာစိတ် မရှိကြတော့တာ။ Facebook ထဲမှာရော၊ အပြင်မှာရော အပြစ်ကို စောင့်ကြည့်မယ်။ အပြစ်ပေါ်မှာ တစ်ယောက်ဆဲရင် ဝိုင်းလိုက်ပြီးတော့ ဆဲကြမယ်။ ကျွန်တော်တို့လည်း လူထဲကလူ တစ်ယောက်အနေနဲ့ ခြောက်ပစ်ကင်း သဲလဲစင် မဟုတ်ပါဘူး။ မကောင်းတဲ့ အနာအဆာရှိပါတယ်။ ကိုယ်ချင်းစာစိတ်လေးတွေ နည်းနည်းထားလိုက်ရင် လူတစ်ယောက်က မသေနိုင်ဘူး။ LGBT စိတ်ရှိနေတာနဲ့ပဲ ဝိုင်းပြီးတော့ သတ်လိုက်ကြတာက ကျွန်တော်က မတန်ဘူးလို့ မြင်တယ်လေ။ အဲဒီပေါ်မှာပဲ ဒီဇာတ်လေးကို စဉ်းစားဖို့အတွက် ရေးဖို့အတွက် ဖြစ်လာခဲ့တာပါ။ 
Voice : Sinon က ဘယ်လိုပါလာတာလဲ။
KP : ပထမဇာတ်အရ Sinon မပါဘူးပေါ့။ ကျွန်တော့်ဇာတ်ထဲမှာတော့ ပတ်ထရစ်ရှာကတိုးရစ်ဂိုက်ပေါ့နော်။ မြန်မာပြည်ရဲ့ အလှအပတွေကို ကမ္ဘာကသိအောင်လုပ်ချင်တယ်။ အရမ်း Strong ဖြစ်တဲ့သူ၊ ဟိုဘက်က မြင့်မြတ်ကကျတော့ ပရဟိတသမား၊ အမှန်တရားကိုမြတ်နိုးတယ်။ အမှန်တရားကို ဖော်ထုတ်ချင်တဲ့လူ။ သူတို့နှစ်ယောက်ရဲ့ဇာတ်လမ်းကြားထဲမှာ တိုးရစ်ဂိုက်ဖြစ်တဲ့အတွက် Sinon ကလည်း ဖော်ရိန်နာဖြစ်တယ်။ Facebook Cele လည်း ဖြစ်တော့ သူ့ကို မြန်မာပြည်ကိုလာလည်တဲ့ ဖော်ရိန်နာတစ်ယောက်အနေနဲ့ ဇာတ်ထဲကိုထည့်တယ်။ သူပါဝင်ရတာလည်း သီးသန့်ကြီး သက်သက်ကြီး မဟုတ်ဘဲနဲ့ ဇာတ်အသားထဲမှာပါလို့ရအောင်လို့ ဇာတ်ညွှန်းပြန်ပြောင်းရေးထားတယ်။ 
Voice : ကိုပေါက်ရိုက်ထားတဲ့ စစ်ကားရုပ်ရှင်နဲ့ ပတ်သက်ပြီး ပြဿနာလေးရှိနေတော့ နောက်ဆုံး အခြေအနေလေးက ဘယ်လိုရှိလဲ။
KP : ပုံမှန်ပါပဲ။ ကျွန်တော်တို့လုပ်နေကျအတိုင်း ဇာတ်ကို ကျွန်တော်တို့တင်တယ်။ မြန်မာ့ရုပ်ရှင်လုပ်ငန်းကို တင်တယ်။ ခွင့်ပြုချက်ကျတယ်။ ကျွန်တော်တို့ ရိုက်တယ်။ ပြီးတော့ ကျွန်တော်တို့ ဆင်ဆာတင်တယ်။ အဲဒါပါပဲ။ ကျွန်တော်တို့ ပုံမှန်အတိုင်းပဲသွားမှာပါ။ ပြဿနာမရှိပါဘူး။ 
Voice : မကြာခင်ရုံတင်တော့မယ့် ရိုးမပေါ်ကျတဲ့မျက်ရည်ကလည်း ပထမတုန်းက ဇာတ်လိုက်လို့ ပေးထားတာနော်။ ဘာဖြစ်လို့ ပြောင်းလိုက်တာလဲ။ 
KP : ကျွန်တော်တို့က ဇာတ်လိုက်က ပိုလိုက်ဖက်ဆိုတာထက် ဇာတ်လိုက်လို့ ပေးမယ်ဆိုလို့ရှိရင် ပေးလို့ရတယ်။ ဒါပေမဲ့ တကယ်တမ်း ကျွန်တော်တို့ ဒီဟာအတွက် အကုန်လုံး ပြန်ပြင်လိုက်တဲ့အခါကျတော့ ကျွန်တော်တို့ နောက်ဆုံးဆုံးဖြတ်ချက်က ရိုးမပေါ်ကျတဲ့မျက်ရည် ဖြစ်သွားတာပေါ့။ ကျွန်တော် သိသလောက် တတ်သလောက်တော့ ကြိုးစားထားတယ်။
ခင်ညိုညိုသိမ့်

Source : The Voice