fbpx

ရဂ်ဘီကစားသမားများကို ဘောလုံးသမားများ အတုယူသင့်ဟု လမ်းပတ်ပြော

ရဂ်ဘီကစားသမားတွေရဲ့ ဒိုင်တွေအပေါ်ထားတဲ့ လေးစားမှုမျိုးကို ဘောလုံးဘောကမှာလည်း လေ့လာအတုယူသင့်တယ်လို့ ချဲလ်ဆီးအသင်းနည်းပြ လမ်းပတ်က ပြောပါတယ်။ 

ချဲလ်ဆီးအသင်းရဲ့ ဂန္ထဝင်ကစားသမားကြီးဖြစ်တဲ့ လမ်းပတ်ဟာ အင်္ဂလန်လက်ရွေးစင် ရဂ်ဘီအသင်းရဲ့ ပြိုင်ဘက်ကစားသမားတွေနဲ့ ဒိုင်လူကြီးတွေအပေါ်ထားတဲ့ သဘောထားကို သဘောကျနေပြီး ဘောလုံးကစားသမားတွေလည်း ဒီလိုအပြုအမူကောင်းတွေကို သင်ယူလေ့လာနိုင်တယ်လို့ ယုံကြည်နေပါတယ်။ 

အင်္ဂလန် လက်ရွေးစင် ရဂ်ဘီအသင်းဟာ နိုဝင်ဘာ ၂ ရက်နေ့ အစောပိုင်းမှာ ရဂ်ဘီကမ္ဘာ့ပွဲရဲ့ ဗိုလ်လုပွဲအဖြစ် တောင်အာဖရိကအသင်းနဲ့ ကစားရဖို့ရှိနေပါတယ်။ အဲဒီနေ့မှာပဲ ချဲလ်ဆီးအသင်းဟာလည်း ပရီးမီးယားလိဂ်ပွဲစဉ်တခုအဖြစ် ဝက်ဖို့ဒ်အသင်းနဲ့ ရင်ဆိုင်ရမှာဖြစ်ပါတယ်။ 

ဒီပွဲအတွက် ပွဲကြိုပြင်ဆင်မှုတွေ လုပ်ဖို့ရှိနေပေမယ့် ရဂ်ဘီဗိုလ်လုပွဲကိုတော့ ကြည့်ဖြစ်အောင်ကြည့်မယ်လို့ လမ်းပတ်က ပြောပါတယ်။ 

ဗိုလ်လုပွဲ မရောက်ခင် နယူးဇီလန်နဲ့ ဆီမီးဖိုင်နယ်ပွဲစဉ်အတွင်း အင်္ဂလန်လက်ရွေးစင်အသင်းခေါင်ေးဆာင် အိုဝင် ဖာဝဲလ်နဲ့ အသင်းသားတွေရဲ့ ပြိုင်ဘက်ကစားသမားတွေနဲ့ ဒိုင်လူကြီးတွေအပေါ် ပြုမှုဆက်ဆံသွားပုံက လေး စားအထင်ကြီးစရာဖြစ်တယ်လို့ လမ်းပတ်ကပြောပါတယ်။ 

ဘောလုံးလောကရဲ့ နည်းပြတွေနဲ့ ကစားသမားတွေအနေနဲ့လည်း ဒါကိုအတုယူသင့်တယ်လို့ လမ်းပတ်က အကြံပြုပါတယ်။ 

“ဒါဟာ ကျနော်တို့ လုပ်ဆောင်‌ရမယ့်အရာတခုပါ။ ကျနော်တို့အနေနဲ့ သေချာစဉ်းစားပြီး ထိန်းချုပ်နိုင်တာထက်ပိုပြီး လုပ်ဆောင်ဖို့ လိုအပ်ပါတယ်။ ရဂ်ဘီပွဲတွေမှာ တွေ့ရတဲ့ လေးစားမှုဟာ ဒီလိုမျိုးအရာဖြစ်ပြီးတော့ ကျနော်တို့အားလုံး လေ့လာအတုယူရပါမယ်” လို့ လမ်းပတ်က ပြောပါတယ်။ 

လမ်းပတ်ရဲ့ ချဲလ်ဆီးအသင်းဟာ လက်ရှိအချိန်မှာ ပရီးမီးယားလိဂ် အမှတ်ပေးဇယားရဲ့ အဆင့်လေးနေရာမှာရှိနေပြီး နံပါတ်ငါး နေရာက အာဆင်နယ်အသင်းနဲ့ လေးမှတ်အကွာ၊ ဇယားထိပ်က လီဗာပူးလ်အသင်းနဲ့ ရှစ်မှတ်အကွာ အနေအထားမှာရှိနေပါတယ်။ 

Ref: Goal.com

Tags:

Source : DVB