fbpx

ကထိန်ပွဲများတွင် အသံညစ်ညမ်းမှု မဖြစ်စေလို

မြန်မာနိုင်ငံတွင် သီတင်းကျွတ်လပြည့်ကျော်ပြီဆိုသည်နှင့် ရပ်ကွက်အလိုက်၊ လမ်းအလိုက်၊ ကျေးရွာအလိုက် အလှူပွဲများ၊ တရားပွဲများ၊ ဘုရားပွဲများ၊ အထူးသဖြင့် ကထိန်ပွဲများဖြင့် စည်ကားလျက်ရှိသည်။ ထို့အပြင် ရုံး၊ ဌာနများအလိုက်လည်း ကထိန် အလှူပွဲများကျင်းပလာကြသည်မှာ ပီတိဖြစ်ဖွယ်ရာပင်ဖြစ်သည်။ “အလှူရေစက် လက်နှင့်မကွာ” ဆိုသော စကားသည် ဗုဒ္ဓဘာသာဝင်တို့၏အလှူဒါန ရက်ရောမှုကို ဖော်ညွှန်းလျက်ရှိသည်။ အလှူဒါနပြုရာတွင် မြန်မာနိုင်ငံသည်ကမ္ဘာ့အဆင့် (၁)နေရာ၌ပင်ဆက်တိုက်ရပ်တည်လျက်ရှိသည်။ ထိုသို့လှူဒါန်းရာတွင် အလှူရှင်၊ လှူဖွယ်ပစ္စည်းနှင့် အလှူခံပုဂ္ဂိုလ်တို့ အပေါ်မူတည်၍ အကျိုးဖြစ်ထွန်းမှုလည်း ကွာခြားလျက်ရှိသည်။ 
သင်္ကန်းတွင် ကထိန်၊ ကျောင်းမှာ သိမ်
အထူးသဖြင့် “သင်္ကန်းတွင် ကထိန်၊ ကျောင်းမှာသိမ်” ဆိုသော စကားသည် ဗုဒ္ဓဘာသာဝင်တို့အတွက် အလှူဒါနပြုရာတွင်အကျိုးဖြစ် ထွန်းစေရန် လမ်းပြပေးလျက်ရှိသည်။ ဆိုလိုသည်မှာ ကျောင်းလှူရာတွင် သိမ်ကျောင်းလှူဒါန်းခြင်းသည် အကျိုးများစွာဖြစ်ထွန်းသည်။ မြင့်မြတ်သောရဟန်းပြုခြင်း၊ ဥပုသ်သီတင်းသီလဆောက်တည်ခြင်းနှင့် အခြားသော သံဃာ့ကိစ္စအဝ၀တို့ကို ထိုသိမ်ကျောင်းအတွင်း၌သာ ပြုလုပ်ကြသည်။ ထို့ကြောင့် သိမ်ကျောင်းသည် သာသနာ၏ရေသောက်မြစ်ဟုပင် ဆိုနိုင်သည်။
ထိုနည်းတူစွာပင် ကထိန်သင်္ကန်းသည်လည်း ပုဂ္ဂိုလ်စွဲ၊ ဂိုဏ်းဂဏစွဲ မထားဘဲ သံဃာကိုသာရည်မှန်း လှူဒါန်းရခြင်းဖြစ်သည်။ ကထိန်သင်္ကန်းသည် သံဃာများကိုသာ ရည်မှန်းလှူဒါန်းရသောကြောင့် သံဃိကဒါန မြောက်ခြင်း၊ နှစ်စဉ် သီတင်းကျွတ်လပြည့်ကျော်တစ်ရက်နေ့မှစ၍ တန်ဆောင်မုန်းလပြည့်နေ့အထိသာ လှူဒါန်းရသဖြင့် ကာလဒါနမြောက်ခြင်း၊ သံဃာတော်များအား လာဘ်လာဘဖြစ်ထွန်းစေကာ ချမ်းသာစေခြင်း၊ လှူဒါန်းသူအား အကျိုးငါးပါးတိုးပွားစေခြင်းနှင့် သံဃာတော်များကို ဝိနည်းသိက္ခာငါးပါးဖြင့် သင့်ရောက်နိုင်သောအာပတ်တို့ကို ပြယ်နိုင်ခြင်းတို့ကြောင့် ကထိန်သင်္ကန်းလှူဒါန်းရခြင်းသည် အမွန်မြတ်ဆုံး ဒါနတစ်ခုပင်ဖြစ်သည်။ ထို့အပြင် ဗုဒ္ဓဘာသာ မြန်မာတိုင်းရင်းသားများသည် ဝါတွင်းသုံးလပတ်လုံး ဝါမကျိုးမပျက်ဘဲ ပဝါရဏာပြုသော ရဟန်းသံဃာတော်များရှိရာကျောင်းတိုက်များ၌သာ ကထိန်ခင်းကြသည်။ ကထိန်ခင်းရာ၌ သင်္ကန်းတစ်ထည်တည်းဖြစ်စေ၊ အများကိုဖြစ်စေ “ဣမံ စီဝရံ သံဃဿဒေမိ” ဤသင်္ကန်းကို သံဃာတော်များအား လှူဒါန်းပါ၏ဟု လျှောက်ထား၍ဆက်ကပ်လှူဒါန်းကြပါသည်။
ကထိန်သင်္ကန်းဖြစ်ပေါ်လာခြင်း
သာဝတ္ထိပြည် ဇေတဝန်ကျောင်းတော်၌ သီတင်းသုံးနေတော်မူသော မြတ်စွာဘုရားရှင်ကို ဖူးမြော်ရန်အတွက် ဘဒ္ဒဝဂ္ဂီရဟန်းသုံးကျိပ်တို့သည် ဝါကျွတ်သောအခါ ဝါဆိုဝါကပ်ရာဖြစ်သော ကေတပြည်မှ ခြေလျင်ခရီးဖြင့်ကြွလာခဲ့ကြရသည်။ ထိုစဉ်က မိုးကြီးသည်းထန်စွာရွာသွန်းသဖြင့် ရဟန်းများမိုးရေစွတ်စိုကုန်ကြသည်။ ထိုသို့မိုးရေစိုစွတ် သောသင်္ကန်းဖြင့်ပင် ဖူးမြော်ကြရသည်ကို မြတ်စွာဘုရားသခင် မြင်တွေ့ရသောအခါ ခရီးဝေးမှလာသည့် ထိုရဟန်းတို့ကို အကြောင်းပြု၍ ပုရိမဝါ ကပ်ခြင်း၌ ပြည့်စုံသောရဟန်းတို့ကို ကထိန်ခင်းခွင့်ပြုကြောင်းပညတ်တော်မူခဲ့သည်။ ထိုအချိန်မှစ၍ ကထိန်သင်္ကန်းဖြစ်ပေါ်လာခြင်းဖြစ်သည်ဟု ဗုဒ္ဓစာပေများတွင်ဖတ်ရှုမှတ်သားရပါသည်။
ကထိန်ပွဲတော်ကို “မိုးလကုန်စဲ ကထိန်ပွဲ” ဟူသော ဆိုရိုးစကားနှင့်အညီ သီတင်းကျွတ်လပြည့်ကျော်တစ်ရက်နေ့မှ တန်ဆောင်မုန်းလပြည့်နေ့ အထိ ခင်းကျင်းရသည်။ မြန်မာနိုင်ငံတွင် ရှေးဘုရင်များလက်ထက် ကတည်းကပင် ကထိန်ပွဲများကျင်းပခဲ့ကြသည်။ မျက်မှောက်ကာလတွင် ကထိန်ခင်းရာ၌ မရှိနွမ်းပါးသော ရဟန်းကိုဖြစ်စေ၊ အကြီးဆုံးမထေရ်ကိုဖြစ်စေ ကပ်လှူရန်အတွက် ဉတ်သင်္ကန်းအပြင် ပရိက္ခရာရှစ်ပါးနှင့် အခြားသော လှူဖွယ်ပစ္စည်းများကိုလည်း ထည့်သွင်းလှူဒါန်းလေ့ရှိကြသည်။
အကျိုးကျေးဇူးများ
ကထိန်သင်္ကန်းဆက်ကပ်လှူဒါန်းခြင်းဖြင့် မိမိသွားလိုရာခရီးကို အတားအဆီး၊ အနှောင့်အယှက်မရှိ လွတ်လပ်ဘေးကင်းစွာ သွားလာနိုင်ခြင်း၊ လုပ်ငန်းတာဝန်များကို ပြီးမြောက်အောင်မြင်စွာ ထမ်းဆောင်နိုင်ခြင်း၊ အစာအဆိပ်သင့်မှု ဘေးအန္တရာယ်မှကင်းဝေးနိုင်ခြင်း၊ မိမိပစ္စည်းဥစ္စာများကို အဖျက်အမှောင့်များရန်မှ ကာကွယ်နိုင်ခြင်း၊ မိမိပစ္စည်း ဥစ္စာများကို သူတစ်ပါးနိုင်ထက်စီးနင်းယူဆောင်ခြင်းမှကာကွယ်နိုင်ခြင်း စသည့် အကျိုးငါးဖြာကို ချက်ချင်းလက်ငင်း ရရှိခံစားရပါသည်။
ထို့အပြင် ကထိန်သင်္ကန်းအလှူရှင်များသည် ရွှေအဆင်းကဲ့သို့ ဝင်းဝါသောအသားအရေရှိခြင်း၊ ခန္ဓာကိုယ်၌ အညစ်အကြေးကင်းစင်ခြင်း၊ ခန္ဓာကိုယ်နူးညံ့ပြေပြစ်ခြင်း၊ ကိုယ်ရောင်ကိုယ်ဝါတောက်ပခြင်း၊ နောက်ဆုံးပေါ် အဝတ်အစားမျိုးစုံကိုဝတ်ဆင်ခွင့်ရရှိခြင်း၊ ကျောင်းအမကြီးဝိသာခါကဲ့သို့ မဟလတာတန်ဆာကို ဆင်မြန်းခွင့်ရရှိခြင်းနှင့် အဆုံးတစ်နေ့တွင် နိဗ္ဗာန်ကိုမျက်မှောက်ပြုနိုင်ခြင်းဟူသောထူးကဲသည့် အကျိုးတရားများစွာကိုလည်း ရရှိနိုင်ပေသည်။ ဗုဒ္ဓဘာသာမြန်မာ တိုင်းရင်းသားများသည် ဆိုခဲ့ပါအကျိုးတရားများ ရရှိနေမှာ အသေအချာပင်ဖြစ်သည်။ 
အသံညစ်ညမ်းမှုမဖြစ်စေလို
ကထိန်အလှူပွဲတွင်မပါမရှိသောအရာသည် ပဒေသာပင်ဖြစ်သည်။ နေရာတိုင်းတွင်ပဒေသာပင်များနှင့် ပနံရလျက်ရှိသည်။ ပဒေသာပင် ဆိုသောဝေါဟာရသည် ပြီးပြည့်စုံခြင်းဟုဆိုရနိုင်ပေသည်။ လူတစ်ဦးသည် ပဒေသာပင်တွင် မိမိတတ်နိုင်သမျှချိတ်ဆွဲလှူဒါန်းနိုင်ပေသည်။ ငွေကြေးမတတ်နိုင်သူများသည်ပင်လျှင် လုပ်အားဒါနဖြင့် ပါဝင်လှူဒါန်းနိုင်ကြသည်။ သို့သော်မလှူလို့မရှိ၊ မရှိလို့မလှူဆိုသောစကားမျိုးဖြင့် အတင်းအကျပ်အလှူခံသည့်ပုံစံမျိုးလည်း မရှိသင့်ပေ။ ကထိန်ရာသီတွင် အချို့သောရုံး၊ ဌာန၊ ကျောင်းများတွင် အလှူငွေနှင်ပစ္စည်းများကို အတင်းအကျပ်ကောက်ခံလေ့ရှိသည်။ ထိုသို့မဖြစ်သင့်ပေ။ စေတနာအလျောက် လှူဒါန်းမှသာလျှင် ဒါနမြောက်ပေမည်။ ထို့အပြင် ကထိန်ပွဲတော်တွင် မပါမဖြစ်သောအရာသည် ပဒေသာပင် လှည့်ခြင်းဖြစ်သည်။ ပဒေသာပင်လှည့်ခြင်း၏ ရည်ရွယ်ချက်သည် လှူဖွယ်ပစ္စည်းများ ချိတ်ဆွဲထားသော ထိုပဒေသာပင်များအား ကြည့်ရှုပြီး မုဒိတာပွားများနိုင်စေရန် ဖြစ်သည်။
သို့သော် မည်သည့်အလုပ်တွင်မဆို တန်ဆေး၊ လွန်ဘေးဆိုသလို အစွန်းမရောက်ဖို့တော့ လိုမည်ထင်ပါသည်။ ကထိန်ပွဲတော်ကာလအတွင်း ရပ်ကွက်ထဲ၌ အသံချဲ့စက်များ၊ Sound Box ကြီးများကို ကျယ်လောင်စွာဖွင့်ပြီး မိုးလင်း၊ မိုးချုပ် အချိန်ပြည့် ပဒေသာပင်လှည့်နေမည်ဆိုလျှင် သက်ကြီးရွယ်အိုများနှင့် ကလေးများအတွက် အသံညစ်ညမ်းမှု (Sound Pollution) ဖြစ်လာစေနိုင်ပါသည်။ အချို့သောဒေသများတွင် ကထိန်ပွဲတော်၌ ဂီတဖျော်ဖြေပွဲများ၊ အငြိမ့်ပွဲများ၊ ဇာတ်ပွဲများထည့်လာခြင်း၊ တစ်နေကုန်ပဒေသာပင် လှည့်ခြင်းဖြင့် အပျော်လွန်ကျူးလာသည်များ လည်းရှိကြသည်။ ထို့အပြင် ပဒေသာပင်လှည့်လည်ရာတွင် လမ်းသွားလမ်းလာများ၊ ခရီးသွားပြည်သူများကိုလည်း အနှောင့်အယှက်မဖြစ် အောင်ဆောင်ရွက်သွားသင့်ပေသည်။ အလှူပွဲစီစဉ်သူများနှင့် ဦးစီးဦးဆောင်လုပ်ကိုင်သူများက ထိန်းထိန်းသိမ်းသိမ်းချင့်ချိန်လုပ်ဆောင်သွားရန် လိုအပ်မည်ထင်ပါသည်။
အချို့သောမြန်မာများသည် ဘုန်းကြီးကျောင်းသို့ ပဒေသာပင်ရောက်လျှင် ကထိန်အလှူပြီးဆုံးသွားပြီဟု ယူဆကြသည်။ ကထိန်သင်္ကန်းကို သံဃာလက်ဝယ်သို့ ကိုယ်တိုင်ကိုယ်ကျလှူဒါန်း ရေစက်ချပြီးမှသာလျှင် အလှူဒါနမြောက်မည်ဖြစ်သည်။ အချို့သောသူများသည် ဖျော်ဖြေပွဲများ၊ ဇာတ်ပွဲများကြည့်ပြီး အချိန်ပြည့်ပဒေသာပင်လှည့်ထားရသောကြောင့် ပင်ပန်းနွမ်းနယ်ကာ အလှူရေစက်ချပွဲသို့ပင် မတက်နိုင်ကြတော့ပေ။ မည်သို့ပင် ပင်ပန်းနေစေကာမူ ကထိန်သင်္ကန်းအလှူရေစက် သွန်းချပွဲ အခမ်းအနားကို မပျက်မကွက် တက်ရောက်လှူဒါန်းပြီး ရေစက်သွန်းချ၊ အမျှဝေ၊ သာဓုသုံးကြိမ်ခေါ်ဖြစ်အောင် လုပ်ဆောင်သင့်ပေသည်။ သို့မှသာလျှင် လူပင်ပန်းရကျိုး၊ ငွေကြေးကုန်ကျရကျိုး၊ အချိန်ပေးဆပ်ရကျိုးနပ်မည်ဖြစ်သည်။
ဆိုရလျှင် ကထိန်သင်္ကန်းဆက်ကပ်လှူဒါန်းသောအလှူသည် ဗုဒ္ဓဘာသာ မြန်မာတိုင်းရင်းသားများအတွက် များစွာကုသိုလ်ဖြစ်ထွန်း စေသောအလှူဒါနတစ်ခုပင်ဖြစ်သည်။ ထိုအလှူကို တတ်အားသရွေ့ ပါဝင်လှူဒါန်းခြင်းသည် လောကီ၊ လောကုတ်နှစ်ဖြာသောအကျိုးတရားများ ရရှိစေမည် ဖြစ်သည်။ ထိုသို့ လှူဒါန်းရာတွင်လည်း ငွေကြေးနှင့် အချိန် ကုန်ရကျိုးနပ်အောင် ကထိန်သင်္ကန်းအား သံဃာ့လက်ဝယ်သို့ ကိုယ်တိုင်ကိုယ်ကျ ပါဝင် လှူဒါန်းဆက်ကပ်သွား သင့်ပေသည်။ သို့မှသာလျှင်အကျိုး တရားများစွာကို လက်တွေ့ရရှိစေမည်ဖြစ်သည်။ မည်သို့ပင်ဆိုစေကာမူ ပြည်ထောင်စုဖွားတိုင်းရင်းသား ညီအစ်ကို၊ မောင်နှမ အားလုံးသည် အကျိုးထူးငါးဖြာကိုချက်ချင်း ရရှိစေနိုင်သော အမွန်မြတ်ဆုံးဒါန ကထိန် သင်္ကန်းလှူဒါန်းပွဲများပြုလုပ်ရာတွင် အသံညစ်ညမ်းမှုဖြစ်စေသည့် အပြုအမူများကိုလည်း ရှောင်ကြဉ်သွားသင့်ကြောင်း စေတနာဖြင့် တိုက်တွန်းသွားလိုပါသည်။
မောင်သောင်းဝင်း (တမန်ဟောင်း)

Source : The Voice