fbpx

အဖွဲ့အစည်းတွေရဲ့ အသွင်အပြင်ကို နားလည်ကြည့်ခြင်း

(၁)
လူရယ်လို့ဖြစ်လာရင် တစ်ဦးတစ်ယောက်တည်း ခွဲထွက်နေဖို့ မဖြစ်တဲ့အကြောင်းကို အားလုံးသိပြီးဖြစ်ပါတယ်။ လူဟာမွေးဖွားလာစဉ်ကတည်းက မိသားစုတစ်ခုရဲ့ မိသားစုဝင်အဖြစ် ဘဝကိုစတင်ခဲ့ရပါတယ်။ ငယ်စဉ်ဘဝမှာ မိမိနဲ့အတူတွဲဖက်ကစားမယ့်ကစားဖော်တွေ၊ ကျောင်းနေစဉ်မှာ ပညာအတူဆည်းပူးကြတဲ့ အတန်းဖော်ကျောင်းနေဖက်တွေ၊ လုပ်ငန်းခွင်ရောက်တဲ့အခါ လုပ်ဖော်ကိုင်ဖက်တွေ၊ ပြင်ပလူမှုရေးရာ အစုအဝေးတွေ စသည်ဖြင့် အမည်နာမသတ်မှတ်ထားသော အဖွဲ့အစည်းဖြစ်စေ၊ နားလည်မှုဖြင့် စုဝေးကြသောအဖွဲ့အစည်းဖြစ်စေ မျက်နှာစာတစ်ခုစီတိုင်းတွင် ပါဝင်ပတ်သက်နေကြမြဲဖြစ်သည်။ တစ်ယောက်အားထက် အများအားသည် ပိုမိုတောင့်တင်းခြင်း၊ တစ်ယောက်အတွေးထက် စုပေါင်းအတွေးသည် ပိုမိုထိရောက်ခြင်း၊ မတူညီကြသော အားသာချက်ကိုယ်စီနှင့် တစ်ယောက်အခက်အခဲကိုတစ်ယောက် ကူညီဖြေရှင်းပေးနိုင်ခြင်း၊ သူ့လိုအပ်ချက် ကိုယ့်လိုအပ်ချက်ကို ပူးပေါင်းဖြည့်ဆည်းပေးနိုင်ခြင်း စသလိုထောက်ပံ့နိုင်ကြဖို့အတွက် အစုအဖွဲ့များဖြင့် ပါဝင်နေထိုင်ကြတာဖြစ်ပါတယ်။
(၂)
ဒီနေရာမှာ အုပ်စုနဲ့ အဖွဲ့အစည်း အကြားမှာ ကွာခြားချက်တွေရှိပါတယ်။ အုပ်စုဖွဲ့ခြင်းနဲ့ အဖွဲ့အစည်းဖွဲ့ခြင်းကိုက မတူညီတဲ့ ရည်ရွယ်ချက်နဲ့ အကျိုးရလဒ်တွေရှိပါတယ်။ တူရာတူရာ၊ စိတ်ပါရာအလိုက် စုဝေးကြတဲ့အုပ်စုမှ စနစ်တကျအဖွဲ့အစည်းအဖြစ်ကို ပြောင်းလဲဖို့အတွက် အောက်ပါအချက်တွေလိုတယ်လို့ Sultan Kermally ဆိုသူက သူ့ရဲ့ Total Management Thinking ဆိုတဲ့စာအုပ်မှာ အခုလိုဖော်ပြထားပါတယ်။
က။ အဖွဲ့ဝင်တစ်ဦးချင်းကြားမှာ အပြန်အလှန်ယုံကြည်မှုရှိရပါ့မယ်။
ခ။ ဘုံရည်မှန်းချက်နဲ့ အမြင်တူရပါ့မယ်။
ဂ။ ပုဂ္ဂိုလ်ရေးဆန်တဲ့ အတ္တတွေ အယူအဆတွေ ကင်းရပါ့မယ်။
ဃ။ အဖွဲ့အစည်းအတွင်းမှာ လက်ခံနိုင်တဲ့အရာတွေ လက်မခံ နိုင်တဲ့အရာတွေကို တိကျညီမျှတဲ့ စည်းမျဉ်းနဲ့လမ်းညွှန်မှုတွေ သတ်မှတ်ထားတာမျိုး ရှိရပါ့မယ်။
င။ ဘုံရည်မှန်းချက်အောင်မြင်ဖို့ လိုအပ်တဲ့စွမ်းဆောင်ရည်ရှိခြင်းနဲ့ စွမ်းဆောင်မှုအပေါ်အကဲဖြတ်တိုင်းတာပုံတွေကို အဖွဲ့ဝင်နေရာ အသီးသီးအတွက် အသေးစိတ်ညီညွှတ်မျှတစွာရှိရပါ့မယ်။
စ။ အဖွဲ့တွင်းကိစ္စအရပ်ရပ်ကို အဖွဲ့ဝင်တွေက တာဝန်ယူ တာဝန်ခံနိုင်ကြရပါ့မယ်။
ဆ။ တစ်ဦးချင်းစီမှာရှိတဲ့ ဗဟုသုတ (Knowledge)၊ စွမ်းရည် (Skill) နဲ့ အတွေ့အကြုံ (Experience) စတဲ့မတူညီမှုတွေကို အပြန်အလှန် လေးစားရပါမယ်။ မျှဝေရပါမယ်။
ဇ။ အဖွဲ့ဝင်တွေကြားမှာ ဖိနှိပ်ကန့်သတ်ချက်မရှိတဲ့ ပွင့်လင်းမြင်သာတဲ့ အပြန်အလှန်ဆက်ဆံရေး ရှိရပါ့မယ်။
ဈ။ ကတိကဝတ်နဲ့ ပူးပေါင်းဆောင်ရွက်တတ်မှု စတာတွေရှိရပါ့မယ်။
(၃)
ဒီအချက်တွေအပြင် အဖွဲ့အစည်းဆိုတာ လူတွေနဲ့ဖွဲ့စည်းထားတာဖြစ်လို့ အဖွဲ့သားတွေတစ်ဦးချင်းရဲ့ သဘောထားစရိုက် အရေးပါမှုဆိုတာတွေကို မေ့ထားလို့မရနိုင်ပါဘူး။ စီမံခန့်ခွဲမှုအပေါ်မူတည်လို့ အဖွဲ့ဝင်တွေရဲ့ စရိုက်နဲ့ စာရိတ္တဟာပြောင်းလဲတတ်တဲ့အတွက် အဖွဲ့ရဲ့ အနာဂတ်ဘုံရည်မှန်းချက်ကို မထိခိုက်အောင်တော့ အထူးသတိထားရပါလိမ့်မယ်လို့ မှတ်သားရပါတယ်။
လူတွေမှာ ဗီဇ၊ ငယ်ဘဝဖြတ်သန်းပုံ၊ သူ့ပတ်ဝန်းကျင်၊ ပညာရေးနောက်ခံနဲ့ ဓလေ့ထုံးစံတွေအပေါ်တည်ပြီး မတူကွဲပြားတဲ့အမြင်၊ လက်ခံယုံကြည်မှု၊ ကိုယ်ရည်ကိုယ်သွေး စတာတွေအမျိုးမျိုးရှိနေတတ်ကြပါတယ်။ လူတိုင်းမှာတော့ မိမိသဘာဝနဲ့ ကိုက်ညီတဲ့ ကိုယ်ရည်ကိုယ်သွေးတစ်ခုစီ ရှိနေကြပါတယ်။ ဒါပေမဲ့ ကိုယ့်ရဲ့ကိုယ်ရည်ကိုယ်သွေး၊ ကိုယ့်ရဲ့ စွမ်းဆောင်နိုင်စွမ်းကို ကိုယ်တိုင်ကသိမှတ်နားလည်နိုင်မှုတော့ လူတိုင်းမှာ မရှိတတ်ပြန်ဘူးဗျ။ အဖွဲ့အစည်းရဲ့ ဦးဆောင်သူတွေက မိမိထိတွေ့ဆက်ဆံနေရတဲ့ အဖွဲ့သားတစ်ဦးချင်းရဲ့ ကိုယ်ရည်ကိုယ်သွေးကို မှန်ကန်စွာအကဲဖြတ် နေရာချနိုင်စွမ်းပေါ်မူတည်ပြီး အဖွဲ့အစည်းရဲ့တိုးတက်ခြင်း၊ ဆုတ်ယုတ် ခြင်းဆိုတဲ့ရလဒ်တွေကလည်း ကွဲပြားပေါ်ထွက်လာမှာပါ။
ကိုယ်ရည်ကိုယ်သွေးတွေကို မှားယွင်းအကဲဖြတ်သတ်မှတ်တဲ့ အထက်အောက်ဆက်ဆံရေးတွေကြောင့် အဖွဲ့အစည်းတွေမှာ ဆုံးရှုံးမှုများစွာရှိတတ်ကြောင်းလည်း ပညာရှင်များက ဖော်ထုတ်ခဲ့ကြပါသေးတယ်။ အဲသည်အထဲက အဖွဲ့အစည်းကိုအများဆုံးထိခိုက်လေ့ရှိတဲ့ အယူအဆတွေကို လေ့လာကြည့်ရအောင်။
က။ လူတစ်ဦးအပေါ် အပြည့်အဝမဟုတ်သော၊ မတိကျသော အချက်အလက်တချို့ကို ကောက်ချက်ဆွဲပြီး ကိုယ်သတ်မှတ်ချင်သော ခေါင်းစဉ်တစ်ခုအောက်ဇွတ်ထည့်သွင်းစဉ်းစားခြင်း၊
ဆိုချင်တာက လူတိုင်းမှာအားသာချက်တွေရှိသလို အားနည်းချက် ကိုယ်စီလည်း ရှိကြတယ်။ ကိုယ်ကြားထား သိထားတဲ့တစ်စွန်းတစ်စ သောတစ်ဖက်လူအကြောင်းကို အခိုင်အမာပုံကြီးချဲ့ပြီး မိမိထင်သလို သတ်မှတ်ပစ်လိုက်တာမျိုးပေါ့။ တချို့အရာတွေဟာ ဘာမှကြီးကြီးမားမား မဟုတ်သော်ငြား အဖွဲ့အစည်းကို ထိခိုက်တော့မယ့်ပုံစံမျိုး သတ်မှတ်ပစ်လိုက်တဲ့အခါ ယုံကြည်မှုပျက်လာမယ်။ ပုဂ္ဂိုလ်ရေးတိုက်ခိုက်တာတွေ ရှိလာမယ်ပေါ့။
ခ။ လူ၏အပေါ်ယံစရိုက် တစ်ခုစ၊ နှစ်ခုစကိုကြည့်ပြီး သူ့စိတ်သဘာဝနှင့် ခံယူချက်ကို သတ်မှတ်ပစ်ခြင်း၊
ပြောရရင် ပျော်ပျော်နေတတ်သူကို ပေါ့ပေါ့တန်တန်လုပ်တတ်သူ လို့သတ်မှတ်တာမျိုး၊ အနေအေးတဲ့သူကို ဘဝင်မြင့်သယောင် သတ်မှတ်တာမျိုးတွေပေါ့။
ဂ။ ကိုယ်တိုင်မှာရှိတဲ့ မကောင်းတဲ့အတွေး၊ အမူအကျင့်တွေကို တခြားသူမှာလည်း ကိုယ့်လိုပဲရှိနေမယ်ထင်တဲ့အတွေးနဲ့ သူ့အပေါ် သတ်မှတ်ခြင်း၊
အထင်မကြီးတတ်တာ၊ တန်ဖိုးမထားတတ်တာလို့ပဲ ဆိုရမှာပေါ့။ တစ်ခုခုဆို အလကားပါ။ ငါလည်း ဒီနေရာမှာဒီလိုလုပ်နေတာ။ သူတို့လည်း သူတို့နေရာမှာ ဒီလိုပဲလုပ်ကြမှာ။ ငါတောင်မလုပ်နိုင်တာ သူတို့ ဆိုရင်ရော ဘယ်ရလိမ့်မတုံးဆိုတဲ့ ခပ်နှိမ်နှိမ်အတွေးတွေပေါ့ဗျာ။
ဃ။ ကိုယ့်ရဲ့အထက်ကလူက သူ့ကိုဒီလိုမြင်လို့၊ တခြားအဖွဲ့သား လူတွေက သူ့ကိုဒီလိုမြင်လို့စတဲ့ ကိုယ်ပိုင်ဆုံးဖြတ်ချက်မပြတ်သားခြင်း၊ များရာဘက်လိုက်ပြီး သတ်မှတ်တတ်ခြင်း
မိမိအထက်ကလူ၊ တစ်နည်းအဖွဲ့ထဲမှာဩဇာရှိသူတစ်ဦးဦးရဲ့ ထင်မြင်ချက်ကို မဆန့်ကျင်ရဲဘူး။ အဲသည်လူက ဒီလိုလို့ပြောရင် ဟုတ်တာပေါ၊့ သူက အဲလိုဆိုတာမျိုး သံယောင်လိုက်မယ်။ ကိုယ့်အယူအဆကို ချပြရင် အငြင်းပွားနေရဦးမယ်လေ။ တချို့ကပြောတတ်သေးတယ်။ နံရံကို ခေါင်းနဲ့မတိုက်နဲ့တဲ့။ တစ်ခါတလေကျပြန်တော့လည်း သူများတွေနဲ့ အံဝင်ကြောင်းပြဖို့၊ ဒါမှမဟုတ် ကိုယ်တိုင်ကလည်း ကိုယ့်ကိုယ်ကိုယ်ယုံကြည်မှုနည်းတော့ များရာဘက်လိုက်တာ မမှားဘူးဆိုတဲ့အတွေးရှိကြပြန်တယ်။ မှန်တော့လည်း ဝိုင်းစံ၊ မှားတော့လည်း မျှခံပေါ့။ 
င။ ကိုယ်အထင်ကြီးနှစ်သက်တဲ့ အပြုအမူ၊ ပုံစံတချို့တွေ့မိရုံနဲ့ အစစအရာရာအကြွင်းမဲ့တတ်သိလိမ့်မယ်လို့ ထင်မြင်သတ်မှတ်မ်ိခြင်း
ကိုယ်လေ့လာချင်ပြီး မလေ့လာဖြစ်သေးတဲ့ပညာရပ်နဲ့ ဘွဲ့တစ်ခုခု ရထားတဲ့ လူတစ်ယောက်ဆို ချက်ချင်းကို အထင်ကြီးလေးစားသွားတာမျိုး။ သူ့ဘဝလာရာလမ်းကြောင်းအရ ဘယ်လိုမျိုးရိုး၊ ဘယ်အဆင့် ဘယ်အတန်း၊ ဘယ်သူ့အဆက်အသွယ်မို့လို့ စတာတွေနဲ့တိုင်းတာပြီး မျက်စိမှိတ်ယုံပစ်လိုက်တာ။ ဝတ်စားဆင်ယင်ပုံ၊ အပြောအဆို၊ ကိုယ်နေဟန်ထား ကိုယ့်အကြိုက်နဲ့ကိုက်တာတွေ့တာနဲ့ သူလိုလူ မရှိနိုင်ဘူး။ သူသာလျှင် အရာရာအောင်မြင်အောင် ဆောင်ရွက်နိုင်လိမ့်မယ်ဆိုတဲ့ အထင်ရောက်ပြီး တစ်ဘက်လူနဲ့ ကိုက်ခြင်းမကိုက်ခြင်း၊ လိုက်ခြင်းမလိုက်ခြင်းမသိတဲ့ တာဝန်တွေစွတ်ချပေးတတ်တာမျိုးတွေပေါ့။
(၄)
မှားယွင်းတဲ့အကဲဖြတ်ဆက်ဆံမှုဟာ အဖွဲ့သားတွေအတွက် မလိုအပ်တဲ့ဖိအားတွေ ဖြစ်စေပါတယ်။ မျှတကောင်းမွန်တဲ့ အထက်အောက် ဆက်ဆံရေးလမ်းကြောင်းရှိမှသာ တစ်ဦးချင်းစီအတွက် အဖွဲ့အစည်း အတွင်းစိတ်ကျေနပ်မှု၊ အဖွဲ့ဝင်တစ်ဦးချင်းစီနှင့် ယင်းတို့၏ တာဝန် တစ်ထပ်တည်းကျစေသောကြောင့် တစ်ဦးချင်းစွမ်းဆောင်ရည်မြင့်မားစေမှုမှသည် မြင့်မားသော အဖွဲ့အစည်းရဲ့ရည်မှန်းချက်တွေကို အောင်မြင်အောင် ဖော်ဆောင်နိုင်မှာဖြစ်ပါသတဲ့။
ဘယ်အဖွဲ့အစည်းမှာမဆို တစ်ဦးချင်း၏ အရေးပါမှုအပေါ် တန်ဖိုးထားကာ တစ်ဦးချင်းစီ၏တိုးတက်မှု ရရှိအောင်ဖန်တီးပေးနိုင်ပါမှ အဖွဲ့အစည်း၏ အောင်မြင်မှုကိုလည်းဖော်ဆောင်နိုင်ပေလိမ့်မည်။ 
Z မောင်

Source : The Voice