fbpx

ငြိမ်းချမ်းမှကို ဖြစ်မယ့်တိုင်းပြည်

NCA ရေးထိုးခြင်း လေးနှစ်ပြည့်နှစ်ပတ်လည်ပွဲမှာ ကယားပြည်နယ် တိုင်းရင်းသားလူငယ်များက “မငြိမ်းချမ်းလို့မဖြစ်ဘူး” ဆိုတဲ့ သီချင်းကိုသီဆိုပြီး ဒီသီချင်းကို NRPC ပေးအပ်လှူဒါန်းခဲ့ပါတယ်။ သူတို့ဆိုလိုချင်တာကတော့ ဒီတိုင်းပြည်ရဲ့လက်ရှိအခြေအနေအရ မငြိမ်းချမ်းလို့မဖြစ်တော့ဘူး၊ ငြိမ်းချမ်းအောင်လုပ်ကြပါ၊ တာဝန်ရှိသူ အားလုံးက ဝိုင်းဝန်း ကြိုးစားပေးကြပါလို့ ပြောချင်ပုံရပါတယ်။ အမှန်တကယ်လည်း ဒီတိုင်းပြည်ရဲ့ လက်ရှိအခြေအနေက ကယားတိုင်းရင်းသား လူငယ်လေးတွေ သီချင်းဖွဲ့သလို မငြိမ်းချမ်းလို့ကိုမဖြစ်တော့ဘဲ ငြိမ်းချမ်းမှကို ဖြစ်တော့မယ့် တိုင်းပြည်ပါ။ ဘာဖြစ်လို့လဲဆိုတော့ ဒီတိုင်းပြည်ဟာ အခုဆိုရင် အရှေ့တောင်အာရှ ၁၀ နိုင်ငံထဲမှာ စီးပွားရေး၊ ပညာရေး၊ ကျန်းမာရေး၊ လူ့စွမ်းအားအရင်းအမြစ် အရာရာနိမ့်ကျနေတဲ့တိုင်းပြည်၊ တိုင်းရင်းသား လက်နက်ကိုင်အဖွဲ့ အပေါများဆုံးတိုင်းပြည်၊ ကမ္ဘာမှာ ပြည်တွင်းစစ်အရှည်ကြာဆုံး တိုင်းပြည်၊ မူးယစ်ဆေးဝါးတွေပေါများပြီး တရားဥပဒေစိုးမိုးမှုလျော့ကျအားနည်း နေတဲ့တိုင်းပြည်၊ နိုင်ငံသားတွေ၊ ဝန်ထမ်းတွေရဲ့ တစ်နေ့တာဝင်ငွေ အနိမ့်ကျဆုံးတိုင်းပြည်၊ အလုပ်အကိုင်အခွင့်အလမ်း အနည်းအပါးဆုံးတိုင်းပြည်၊ အဂတိလိုက်စားမှုအရှိဆုံး စာရင်းဝင်နေဆဲ တိုင်းပြည်ဖြစ်နေလို့ပါပဲ။ ဒါ့အပြင် ပြည်မနဲ့တောင်တန်းဒေသတွေ ချိတ်ဆက်ထားတဲ့လမ်းပန်းဆက်သွယ်မှု၊ ပြည်မကြီးအတွင်းထဲမှာတွင်ရှိတဲ့လမ်းတွေ (အမြန်လမ်းအပါအဝင်) နဲ့ လျှပ်စစ်မီးပေးဝေနိုင်မှု၊ ပြည်မနဲ့ တောင်တန်းဒေသတွေ တစ်ပြေးညီ ဖွံ့ဖြိုးတိုးတက်မှု၊ ပြည်တွင်း ထုတ်ကုန်တွေ အရည်အသွေးမီမီထုတ်လုပ် ဖြန့်ချိနိုင်မှုနဲ့ စိုက်ပျိုးမွေးမြူရေး လုပ်ငန်းတွေ မျိုးကောင်းမျိုးသန့် စိုက်ပျိုး နိုင်ပြီး ကမ္ဘာ့ဈေးကွက်ဝင် အရည်အသွေးစံချိန်ကောင်းမှု၊ စားသောက် ကုန်တွေ အန္တရာယ်ကင်းစွာ ထုတ်လုပ်ရောင်းချနိုင်မှုတွေ အရာရာဟာ သူများနိုင်ငံတွေနဲ့စာရင် အရာရာအားနည်းနေတဲ့ တိုင်းပြည်စာရင်းထဲမှာ ရှိနေဆဲပါ။ ဒီအချက် တွေဆိုတာကလည်း ထွေထွေထူးထူး ခက်ခက်ခဲခဲ မြေပြင်မှာဆင်းပြီး သုတေသနပြု တိုင်းတာတွက်ချက်စရာမလိုလောက်အောင်ကို တိုင်းသူ ပြည်သားအားလုံးလည်း သိကြ၊ မြင်သာထင်သာရှိစွာနဲ့ အားလုံးလက်ခံထားကြတဲ့အချက်တွေပဲ ဖြစ်ပါတယ်။ ဒီအချက်တွေကို ဖောင်းပွတဲ့ ကိန်းဂဏန်းတွေနဲ့ ဖုံးဖိကာကွယ်ထားလို့ရတဲ့ ခေတ်လည်းမဟုတ်တော့ပါဘူး။
ဒီလိုအချက်တွေ ပေါများတာမို့လည်း တိုင်းပြည်အတွင်းမှာ တစ်နေ့တစ်နေ့ မရိုးနိုင်တဲ့ဖြစ်စဉ်တွေ ကြားနေရတာပဲဖြစ်ပါတယ်။ ဒီတိုင်းပြည် အတွင်းမှာဖြစ်ပေါ်နေတဲ့သတင်းတွေကို ခွဲခြမ်းစိတ်ဖြာကြည့်လိုက်ရင် လက်ရှိတိုင်းပြည်ကို အုပ်ချုပ်မင်းလုပ်နေတဲ့ အစိုးရဌာနတွေအတွင်းမှာ ဖြစ်ပေါ်နေတဲ့သတင်းတွေ၊ ပြည်သူတွေအကြားမှာဖြစ်ပေါ်နေတဲ့ သတင်းတွေနဲ့ တိုင်းရင်းသားနယ်မြေတွေမှာ ဖြစ်ပေါ်နေတဲ့သတင်းတွေဆိုပြီး မြင်ရနိုင်ပါတယ်။ ပထမဦးဆုံးအနေနဲ့ အစိုးရဌာနတွေအတွင်းက သတင်းတွေကို အခြေခံကျကျ ဆန်းစစ်ကြည့်ရင် အခြေခံကျတာကတော့ ဌာနအကြီး အကဲတွေရဲ့ အဂတိလိုက်စားမှု၊ တရားဥပဒေမစိုးမိုးမှု၊ တရားစီရင်ရေး မဏ္ဍိုင်ယိုင်လဲနေမှု၊ လစာစရိတ်နည်းပါးမှုအကြားမှာ ကြိုးနီစနစ် ခေါက်ရိုး မပြေသေးမှုနဲ့ Mismanagement ဆိုတဲ့စီမံခန့်ခွဲမှု လွဲမှားမှုတွေအကြား လူသားအရင်းအမြစ် (Human Resource-HR) မလုံလောက်မှု၊ ဆုံးရှုံးနေမှုတွေကြောင့် ဖြစ်ပေါ်လာတဲ့သတင်းတွေကို တွေ့ကြရမှာဖြစ်ပါတယ်။ 
နောက်ဆက်ပြီး ပြည်သူတွေအကြားကိုလေ့လာကြည့်ရင် မျိုးကောင်းမျိုးသန့်မရရှိမှု၊ ဓာတ်မြေဩဇာ အလွန်အကျွံသုံးစွဲမှု၊ မြေဆီလွှာပြုန်းတီးမှု တွေအကြားမှာ သီးနှံထွက်ကုန်တွေ အရည်အသွေးကျပြီး ကမ္ဘာ့ဈေးကွက်မဝင်မှုကြောင့် စိုက်ပျိုးရေးထုတ်ကုန်တွေ ဈေးနှုန်းကျဆင်းမှု၊ လျှပ်စစ်မီးလုံလောက်စွာမရရှိမှု၊ လမ်းပန်းဆက်သွယ်ရေးခက်ခဲမှု၊ ပညာရေးနိမ့်ကျမှုနဲ့ ကျန်းမာရေးဝန်ဆောင်ရရှိမှုနည်းပါးခြင်း၊ မူးယစ်ဆေးဝါးပေါများ လာမှုများအကြားမှာ လူငယ်တွေ အကျင့်စာရိတ္တ ယိမ်းယိုင်လာမှု၊ ခိုး၊ ဆိုး၊ နှိုက်ဆိုတဲ့ ရာဇဝတ်မှုတွေကျူးလွန်မှု၊ ခေါင်းထောင်ပေါများလာမှုနဲ့ အလုပ်သမားတွေရဲ့ တစ်နေ့တာဝင်ငွေရရှိမှု နည်းပါးမှုပြဿနာအပြင် မြေယာသိမ်းဆည်းခံရခြင်းတွေ၊ သဘာဝပတ်ဝန်းကျင်ထိခိုက်မှုနဲ့ ကျန်းမာ ရေးဆိုင်ရာပြ ဿနာတွေကြောင့် ဖြစ်ကြရတဲ့ပြဿနာတွေ နေ့စဉ်လိုလို ကြားနေ သိနေ မြင်နေကြရမှာပဲဖြစ်ပါတယ်။ ဒါ့အပြင် အရည်အသွေးမမီတဲ့ လမ်းပန်းဆက်သွယ်မှု၊ သက်သာတဲ့ယာဉ်တွေကိုသုံးစွဲမှုနဲ့ ယာဉ်စည်းကမ်းလမ်းစည်းကမ်း သိရှိလိုက်နာမှု အားနည်းမှုတွေကြောင့် မော်တော်ယာဉ် တိုက်ခိုက်တိမ်းမှောက်မှု၊ ကျန်းမာရေးနဲ့ညီညွတ်တဲ့ အစာအာဟာရမမှီဝဲ၊ မပြည့်ဝမှုများအကြားမှာ သေကျေပျက်စီးရမှု များပြားလာမှု၊ လူ့သက် တမ်းအတိုဆုံးနိုင်ငံဖြစ်လာမှုတွေဟာလည်း ဆက်စပ်ဖြစ်လာနေပြန်ပါတယ်။ ဒီအဖြစ်တွေရဲ့ နောက်ဆက်တွဲဆိုးကျိုးအနေနဲ့ကတော့ လူငယ်အများစုဟာ တိုင်းပြည်တည်ဆောက်ရေးမှာ မပါဝင်နိုင်တော့ဘဲ နိုင်ငံတကာကို တရားဝင်နည်းနဲ့တစ်ဖုံ၊ တရားမဝင်တဲ့နည်းနဲ့တစ်နည်း နေ့စဉ်နဲ့အမျှ ထွက်ခွာနေကြပြီး ပြည်တွင်းက လူအများစုဟာလည်း ငွေအလွယ် ရမယ့်နည်းတွေဖြစ်တဲ့ လောင်းကစားမှု (၃ လုံး၊ ၂လုံး၊ ဘောလုံး၊ ဖဲ၊ ဂျင်၊ ကြက်…စတဲ့)၊ မူးယစ်ဆေးဝါးရောင်းဝယ်ဖောက်ကားမှု၊ အနှိပ်ခန်း၊ ကာရာအိုကေတွေ တရားမဝင်တည်ထောင်ဖွင့်လှစ်လာမှု၊ တရားမဝင်သစ်ခိုးထုတ်မှု၊ တရားမဝင်ရေနံနဲ့ သယံဇာတတွေ ခိုးထုတ်မှုမျိုးစုံကို ဆိုင်ရာအာဏာပိုင်တွေနဲ့ လက်သိပ်ထိုးပြီး ကျူးလွန်နေကြတာတွေကို သတင်းအဖြစ် နေ့စဉ်မြင်တွေ့နေကြရမှာပဲ ဖြစ်ပါတယ်။
နောက်ဆက်ပြီး တိုင်းရင်းသားနယ်မြေတွေကို ကြည့်လိုက်ရင် အခု ဆိုရင်ပဲ တိုင်းပြည်ရဲ့ အနောက်ဘက်ခြမ်းမှာ နေ့စဉ်နဲ့အမျှ မြေနေရာလု တိုက်ပွဲတွေ ပြင်းထန်နေတာ၊ သူ့ဘက်ကိုယ့်ဘက် ဖမ်းဆီး၊ သတ်ဖြတ်ခံနေကြရတာ၊ နှစ်ဖက်တိုက်ပွဲတွေအကြား သေကျေနေကြရတာ၊ လမ်းပန်း ဆက်သွယ်ရေးတွေပြတ်တောက်ပြီး ကုန်စည်စီးဆင်းမှုတွေရပ်တန့်နေတာ၊ သွားရေးလာရေးခက်နေတာ၊ စစ်နယ်ဝန်းအတွင်း ကျရောက်တဲ့ ဒေသတွေမှာ ပညာရေး၊ ကျန်းမာရေး၊ စာရေးသောက်ရေးကအစ ဒုက္ခရောက်နေကြရတဲ့သူတွေ မြင့်တက်နေတာတွေဟာ အားလုံးသိကြတဲ့အခြေအနေတွေပါ။ နောက်အရှေ့မြောက်ဒေသကို ကြည့်ရင်လည်း အလားတူအဖြစ်မျိုးတွေ ရှိနေပါတယ်။ တိုင်းရင်းသားဒေသတွေမှာ လျှပ်စစ်မီးနဲ့ လမ်းပန်းဆက်သွယ်မှု ကောင်းမွန်စွာမရရှိနိုင်သေးမှု၊ အိမ်နီးချင်းနိုင်ငံ တွေနဲ့ထိစပ်နေတဲ့ တိုင်းရင်းသားဒေသတွေက ခြံစည်းရိုးတွေကို မထိန်း သိမ်းနိုင်မှုအကြားမှာ ပြည်ပကဝင်လာတဲ့ တရားမဝင်ယာဉ်၊ အရည်အသွေးမမီတဲ့ ကုန်ပစ္စည်းမျိုးစုံ၊ မူးယစ်ဆေးပေါင်းစုံကို ဟန့်တားထိန်းချုပ်ဖို့ ဆိုတာလည်း အားနည်းချက်မှုတွေ ရှိနေခဲ့ပါတယ်။ ဒီအားနည်းချက်တွေကပဲ ဒီတိုင်းပြည်အတွင်းမှာ နေ့စဉ်နဲ့အမျှဖြစ်ပေါ်နေတဲ့ တရားဥပဒေမစိုးမိုး နိုင်မှုတွေနဲ့လည်း ဆက်စပ်လာတာဖြစ်ပါတယ်။
ဒီအတွက် အပေါ်မှာဖော်ပြခဲ့တဲ့ အချက်တွေပေါင်းစုံကို ပြန်အနှစ်ချုပ်ပြီး ဒါတွေ ဘာ့ကြောင့်ဖြစ်နေရတာလဲ ဆိုတဲ့အဖြေကို ရှာကြည့်ရင် တိုင်းပြည်မငြိမ်းချမ်းလို့ဆိုတဲ့အဖြေကလွဲပြီး ကျန်အဖြေမရှိနိုင်ပါဘူး။ ဒါ့ကြောင့်မို့လည်း မငြိမ်းချမ်းလို့မဖြစ်တဲ့ တိုင်းပြည်လို့ ပြောရတာပါ။ အမှန်သာ တစ်တိုင်းပြည်လုံး ငြိမ်းချမ်းခဲ့မယ်ဆိုရင် ပြည်မနဲ့တောင်တန်း ဒေသတစ်ပြေးညီ မျှတစွာ ဖွံ့ဖြိုးတိုးတက်လာမယ်၊ လျှပ်စစ်မီးတွေ လုံလောက် စွာဖြန့်ဝေပေးနိုင်လာမယ်၊ လမ်းပန်းဆက်သွယ်မှုတွေ ကောင်းလာမယ်၊ နယ်စပ်ဂိတ်တွေလုံခြုံလာပြီး ကုန်စည်စီးဆင်းမှုတွေအပေါ် စနစ်တကျ အခွန်စည်းကြပ်လို့ တိုင်းပြည်ဘဏ္ဍာတိုးတက်ရရှိလာမယ်၊ ပြည်တွင်းမှာ တရားမဝင်ပစ္စည်းတွေ၊ ကျန်းမာရေးနဲ့မညီညွတ်တဲ့ အစားအစာတွေ နည်းပါးလာမယ်၊ ဒါဆိုရင် ပြည်တွင်းထုတ်ကုန်တွေ ပိုမိုနေရာရလာမယ်၊ တစ်ဆက်တည်းဆိုသလို ကိုယ့်နိုင်ငံသားတွေအတွက် အလုပ်အကိုင် အခွင့်အလမ်းတွေရလာပြီး တစ်နေ့တာဝင်ငွေ ပိုမိုတိုးတက်ရရှိလာမယ်၊ နိုင်ငံ GDP တက်လာမယ်၊ လစာတွေတိုးပေးနိုင်မယ်၊ ပြည်ပက ရင်းနှီးမြှုပ်နှံမှုတွေ အလျှိုအလျှိုဝင်လာမယ်၊ နိုင်ငံခြားဝင်ငွေတွေ ယခင်ထက်ရလာမယ်၊ လူသားအရင်းအမြစ်တွေကို အသေအချာပြုစုပျိုးထောင်နိုင်မယ်၊ ဒီလိုနည်းနဲ့ တိုင်းပြည်ဟာ ကြွယ်ဝချမ်းသာလာမယ်လို့ စာရေးသူ တထစ်ချပြောရဲ ရေးရဲပါတယ်။ အမှန်တော့ ဒါဟာ စိတ်ကူးယဉ်ပြီး ရေးနေ၊ ပြောနေတာ မဟုတ်ပါဘူး။ ဘာဖြစ်လို့လဲဆိုတော့ ဒီကနေ ဖွံ့ဖြိုးတိုးတက်နေတဲ့ အိမ်နီးချင်းနိုင်ငံတွေကို ကြည့်လိုက်ရင် သူတို့နိုင်ငံမှာ သောင်းကျန်းသူမရှိဘူးလားဆိုတော့ ရှိပါတယ်။ ဥပမာ-ထိုင်းနဲ့ဖိလစ်ပိုင်ဆိုရင်လည်း အစွန်း ရောက်ခွဲထွက်ရေးသမားတွေ ရှိပါတယ်။ သူတို့လည်း တိုက်ခိုက်ချေမှုန်း နေရဆဲပါပဲ။ ဒါပေမဲ့ ဒါက သူတို့နိုင်ငံရဲ့ တစ်နေရာဘက်မှာသာ ကွက်ကွက် လေးရှိကြတာမို့ ကျန်နေရာအားလုံးကဖွံ့ဖြိုးတယ်၊ တိုးတက်တယ်၊ နယ် စပ်ဂိတ်တွေကို စိုးမိုးထားနိုင်တယ်၊ FDI တွေအများကြီးဝင်တယ်၊ တရားဥပဒေစိုးမိုးမှုရှိတယ်၊ အဂတိကင်းတယ်၊ GDP တက်တယ်၊ တိုင်းပြည်က ဖွံ့ဖြိုးတိုးတက်တော့ ကျန်တဲ့ကဏ္ဍပေါင်းစုံလည်း သူ့အလိုလိုပါလာပြီး သားဖြစ်နေပါတယ်။ အိန္ဒိယဆိုရင်လည်း ရှိနေတာပါပဲ။ ဒါပေမဲ့ အစောက ပြောသလို နေရာတိုင်း လူမျိုးတိုင်းက လက်နက်စွဲကိုင်ပြီး ဒီတိုင်းပြည်လို ဖြစ်နေတာတော့ မဟုတ်ပါဘူး။ ဒီတိုင်းပြည်လို့ သုံးနှုန်းပြီးရေးတော့ မင်းရော ဒီတိုင်းပြည်က မဟုတ်ဘူးလားလို့ မေးစရာတော့ဖြစ်မှာပါ။ မှန်ပါတယ် ခင်ဗျာ။ စာရေးသူလည်း ဒီတိုင်းပြည်ကပါ။ ဒါပေမဲ့ တိုင်းပြည်ကို စည်းလုံး ညီညွတ် ငြိမ်းချမ်းသာယာ ဖွံ့ဖြိုးတိုးတက်စေချင်တဲ့စိတ်နဲ့ ကရုဏာဒေါသောနဲ့ ရင်နာစွာ သုံးနှုန်းရတာပါ။ ကဲထားတော့ ဒီတိုင်းပြည်ဆိုတဲ့အကြောင်း။ အစောကပြောတဲ့ မငြိမ်းချမ်းလို့ မဖြစ်တော့တဲ့အကြောင်း ပြန်ပြောကြရအောင်ပါ။
ဒီကနေ့မှာဆိုရင်လည်း တိုင်းပြည်အတွင်းမှာ နေရာတိုင်းတော့ မငြိမ်းချမ်းနေတာ မဟုတ်ပါဘူး။ ငြိမ်းချမ်းရေးကို သတ္တိရှိရှိနဲ့ရယူချင်ပြီး အပစ်အခတ်ရပ်စဲထားတဲ့ တိုင်းရင်းသားတွေလည်း လေးစားစွာ ရှိနေပါတယ်။ ဥပမာ-ကရင်၊ ကယားနဲ့ မွန်ဒေသပါ။ သူတို့ဒေသကိုကြည့်ရင် ဒီနေ့အချိန်မှာ ပြည်မနဲ့တစ်ပြေးညီမျှတစွာ(နီးပါး) ဖွံ့ဖြိုးတိုးတက်နေပြီလို့ ပြောလို့ရပါတယ်။ ပြည်မအတွင်းကနေပြီး ကရင်၊ ကယားတိုင်းရင်းသား ဒေသကိုဖြတ်ပြီး ထိုင်းနယ်စပ်ကိုသွားနိုင်တဲ့လမ်းတွေဟာ နိုင်ငံတကာ အဆင့်မီ ကျယ်ပြန့်ချောမွေ့နေသလို ပြည်မကသူတွေလည်း ဥဒဟိုသွား လာလည်ပတ်နေကြတာ မြင်နေရပါပြီ။ ကရင်၊ ကယားပြည်နယ်ဆိုရင် တစ်ပြည်နယ်လုံး ဘယ်နေရာကိုသွားလည်မလဲ၊ ဘယ်နေရာကို သွားချင်သလဲ။ သူတို့ကိုဖြတ်ပြီး ထိုင်းနိုင်ငံထဲက မဲဆောက်၊ မယ်ဟောင်ဆောင်၊ မယ်ဆိုင်မြို့တွေကို သွားလည်ချင်သလား။ အေးအေးဆေးဆေးပါပဲ။ အစစ်အဆေး အတားအဆီးကင်းကင်းနဲ့ စိတ်ချမ်းသာစွာ သွားလာလို့ရနေပါပြီ။ သူတို့ဒေသအတော်များများမှာ အခုဆိုရင် လျှပ်စစ်မီးတွေရ၊ လမ်းတွေကောင်းနဲ့ ပြည်ပက ရင်းနှီးမြှုပ်နှံမှုတွေတောင် ဝင်ရောက်လုပ်ကိုင်နေပြီး အလုပ်အကိုင်တွေ ရရှိနေပါတယ်။ ပြောချင်တာကတော့ ငြိမ်းချမ်းလို့ ဖွံ့ဖြိုးတိုးတက်လာနေပြီ၊ ဒီအသီးအပွင့်ကိုလည်း သူတို့ဒေသက တိုင်းရင်းသားတွေရော၊ ပြည်ပမှသူတွေရော ခံစား၊ စံစားလို့နေပြီ၊ သူတို့ တိုင်းရင်းသားခေါင်းဆောင်တွေကလည်း သူတို့ဒေသကို သူတို့ဦးဆောင်ပြီး ဖွံ့ဖြိုးအောင်လုပ်၊ သာယာအောင်လုပ်နဲ့ သူတို့ငြိမ်းချမ်းရေးရတာ နောက်ကျတယ်လို့တောင် ပါးစပ်က ထုတ်မပြောရုံတစ်မည်ပါပဲ။ ဒီအရသာကို သူတို့အကြိုက်တွေ့နေမှာ သေချာပါတယ်လို့ စာရေးသူ တထစ်ချပြောရဲပါတယ်။ ဘာဖြစ်လို့လဲဆိုတော့ စာရေးသူကိုယ်တိုင် သူတို့ဒေသတွေ မငြိမ်းချမ်းခင်က အသက်ကို ဖက်နဲ့ထုပ်ပြီး ခက်ခက်ခဲခဲ သွားလာနေထိုင်ခဲ့ဖူး၊ သူတို့နဲ့ရင်ဆိုင်ခဲ့ဖူးသူဖြစ်လို့ပါ။ အခုတော့ သူတို့အနေနဲ့ မငြိမ်းချမ်းလို့ မဖြစ်ဘူး မဟုတ်တော့ဘဲ ငြိမ်းချမ်းလို့ကို ဖြစ်မှဖြစ်နေပါပြီ။ ဒီအခြေအနေတွေ မြင်ရတွေ့ရတာ စာရေးသူလည်း ဝမ်းသာပီတိဖြစ်ရသလို လူကိုယ်တိုင်လည်း သူတို့ဒေသတွေကို ဘေးအန္တရာယ်ကင်းကင်းနဲ့ နေ့ချင်းပြန်တောင် သွားလာလည်ပတ်ခွင့် ခံစားရနေပါပြီ။
ဒါပေမဲ့လည်း ကျန်တဲ့တိုင်းရင်းသားနယ်မြေတွေဖြစ်တဲ့ ရှမ်းမြောက်၊ ကချင်၊ ရခိုင်ဒေသတွေမှာတော့ မငြိမ်းချမ်းလို့ကို မဖြစ်ပါဘူး။ မငြိမ်းချမ်းတာမို့ အစောကပြောသလို ဒေသခံပြည်သူတွေလည်း အသက်ကိုဖက်နဲ့ ထုပ်လို့ ပြေးလွှားပုန်းခို၊ ပညာရေးနိမ့်ကျ၊ ကျန်းမာရေးဆိုးဝါး၊ စီးပွားရေး ပျက်ဖြစ်နေရသလို တိုင်းပြည်လည်း ကမ္ဘာ့အလယ်မှာ မျက်နှာပျက်ရ၊ ကိုယ့်တိုင်းရင်းသားတွေလည်း သေကျေပျက်စီးရ၊ တိုင်းပြည်ကိုဝိုင်းဝန် တည်ဆောက်နိုင်မယ့်အားတွေ၊ လူသားအရင်းအမြစ်တွေဆုံးရှုံးရ၊ တိုင်းပြည်ဘဏ္ဍာတွေ ဆုံးရှုံးရ၊ လမ်းပန်းဆက်သွယ်မှုတွေ ပြတ်တောက်ရဆိုတဲ့ စစ်ရဲ့အနိဋ္ဌာရုံတွေကိုဖြစ်နေ၊ ကြားနေရတာ စိတ်မချမ်းမြေ့ရသလို ကိုယ့်တိုင်းပြည်ရှေ့ရေးအတွက်၊ အနာဂတ်မျိုးဆက်သစ်တွေအတွက်လည်း ရင်လေးရပါတယ်။
ဒီအတွက် နိဂုံးချုပ်ရမယ်ဆိုရင် ဒီကျန်တဲ့ဒေသတွေလည်း မငြိမ်းချမ်းလို့ကိုမဖြစ်ပါဘူး။ ငြိမ်းချမ်းမှကိုဖြစ်မှာပါ။ ငြိမ်းချမ်းမှပဲ အပေါ်မှာပြောခဲ့ တဲ့ပြဿနာပေါင်းစုံပြေလည်ပြီး တိုင်းပြည်လည်း အချိန်တိုအတွင်း ဖွံ့ဖြိုးတိုးတက်လာမှာပါ။ အခြားအိမ်နီးချင်းနိုင်ငံတွေနဲ့ ရင်ပေါင်တန်းလာနိုင်မှာပါ။ ဒီအတွက် အပစ်အခတ်တွေ အမြန်ရပ်စဲကြပါ။ ကိုယ့်တိုင်းရင်းသား နိုင်ငံသားအချင်းချင်း စည်းလုံးရင် ဘယ်သူမှ ကြားဝင်ဖျက်ဆီးလို့မရနိုင်ပါဘူး။ ကရင်နဲ့ ကယားဒေသက သက်သေဖြစ်ပါတယ်။ ဒီလိုဖြစ်ဖို့ ပြည်သူ၊ တိုင်းရင်းသားတွေဘက်ကလည်းသူ့ဘက်ကိုယ့်ဘက် FB ပေါ်တက်ပြီး ရေးသားသွေးခွဲတာတွေ၊ မြှောက်ပင့်တာတွေမလုပ်ကြပါနဲ့၊ နိုင်ငံ့ခေါင်းဆောင်တွေကလည်း အချင်းချင်းတိုင်ပင်စည်းလုံးပြီး အဖြေရှာကြပါ၊ နောက်ပြီး တိုင်းရင်းသားခေါင်းဆောင်တွေနဲ့လည်း အခါမလပ်တွေ့ဆုံ ဆွေးနွေးကြပါလို့ တိုက်တွန်းရေးသားလိုက်ပါတယ်။
သန်းဖြိုးနိုင်

Source : The Voice