fbpx

အစိုးရအဖွဲ့များသည် ရွေးကောက်ပွဲများကို ကြိုးကိုင်ခြယ်လှယ်ရန်နှင့် ၎င်းတို့၏ နိုင်ငံသားများကို စောင့်ကြည့်ထိန်းချုပ်ရန် လူမှုမီဒီယာများကို တိုး၍အသုံးပြုလာကြောင်း Freedom House အဖွဲ့ ပြောကြား

ကမ္ဘာတစ်လွှားမှ အစိုးရအဖွဲ့များသည် ဒီမိုကရေစီအတွက် စိုးရိမ်ဖွယ် လမ်းကြောင်း တစ်ရပ်အဖြစ် ရွေးကောက်ပွဲများကို ကြိုးကိုင်ခြယ်လှယ်ရန်နှင့် ၎င်းတို့၏ နိုင်ငံသားများကို စောင့်ကြည့်ထိန်းချုပ်ရန် လူမှုမီဒီယာများကို တိုး၍တိုး၍ အသုံးပြုလာကြောင်း လူ့ အခွင့်အရေးဆိုင်ရာ စောင့်ကြည့်ရေးအဖွဲ့ တစ်ဖွဲ့က နိုဝင်ဘာ ၅ ရက်တွင် ပြောကြားခဲ့ သည်။

အကျိုးအမြတ် ရယူခြင်းမရှိသည့် အဖွဲ့ တစ်ဖွဲ့ဖြစ်သော Freedom House က အွန်လိုင်းမှ ထုတ်ပြန်သည့် နှစ်ပတ်လည် အစီရင်ခံစာတစ်စောင်တွင် နိုင်ငံပေါင်း ၆၅ နိုင်ငံအနက် အနည်းဆုံး နိုင်ငံ ၄၀ ၌ အဆင့် မြင့်သည့် လူမှုမီဒီယာ စောင့်ကြည့်ထိန်းချုပ် ရေး စီမံချက်များကို အထောက်အထား တွေ့ ရှိရကြောင်း လေ့လာသုံးသပ်ထားသည်။

အချို့နိုင်ငံများတွင် ထိန်းချုပ်ကိုင်တွယ် ရန် အားထုတ်မှုများ၏ တစ်စိတ်တစ်ဒေသအဖြစ် အင်တာနက်သုံးစွဲနိုင်မှုကို ရိုးရှင်းစွာ ဖြတ်တောက်ပစ်ပြီး အခြားနိုင်ငံများတွင် လူမှုမီဒီယာ ပလက်ဖောင်းများကို အသုံးပြုလျက် သတင်းအချက်အလက်များကို ပုံဖျက်ရန် ၀ါဒဖြန့်ချိရေးအဖွဲ့များကို ခန့်ထားခြင်းကြောင့် ကမ္ဘာ့အင်တာနက် လွတ်လပ်ခွင့် သည် ကိုးနှစ်မြောက်အဖြစ် ဆက်တိုက်ကျ ဆင်းခဲ့ကြောင်း အဆိုပါအစီရင်ခံစာက ဖော် ပြသည်။

“၀ါဒဖြန့်ချိရေးလုပ်တာက ဆင်ဆာ ဖြတ်တာထက် ပိုကောင်းကြောင်းကို လူမှုမီ ဒီယာတွေပေါ်မှာ အစိုးရအဖွဲ့တော်တော်များများက ရှာဖွေတွေ့ရှိသွားပါတယ်”  ဟု Freedom House အဖွဲ့၏ဥက္ကဋ္ဌ မိုက်အေ ဘရာမိုဝစ်က ပြောကြားခဲ့သည်။

“ကမ္ဘာတစ်လွှားက အာဏာရှင်တွေနဲ့ ပေါ်ပြူလစ်တွေဟာ လွတ်လပ်ပြီး တရားမျှ တတဲ့ ရွေးကောက်ပွဲဖြစ်ရေး သေချာအောင် ရေးဆွဲထားတဲ့ စည်းမျဉ်းတွေကို ကျော်လွန် ပြီး ရွေးကောက်ပွဲအနိုင်ရရှိအောင် လူတွေ ရဲ့ သဘောသဘာဝနဲ့ ကွန်ပျူတာ အယ်ဂိုရစ်သမ် နှစ်ရပ်စလုံးကို အသုံးချအမြတ်ထုတ်နေပါတယ်” ဟုလည်း ၎င်းက ပြောကြားခဲ့သည်။

သတင်းအချက်အလက်များကို ပုံဖျက်၍ ဖော်ပြခြင်းသည် ရွေးကောက်ပွဲများအပေါ် လွှမ်းမိုးနိုင်ရန် အသုံးပြုသည့် အတွေ့ရအများဆုံး နည်းဗျူဟာဖြစ်ကြောင်း အဆိုပါ အစီရင်ခံစာက ဖော်ပြသည်။

“ပေါ်ပြူလစ်တွေနဲ့ လက်ယာစွန်းခေါင်း ဆောင်တွေဟာ လုပ်ကြံသတင်းအချက်အ လက်တွေ ပျံ့နှံ့အောင်ဖန်တီးရာမှာရော အဲ ဒါတွေကို ပျံ့နှံ့အောင်ပြုလုပ်တဲ့ ကွန်ရက်တွေကို ထိန်းချုပ်အသုံးချရာမှာပါ ကျွမ်းကျင် ကြပါတယ်” ဟု Freedom on the Net ဟု အမည်တပ်ထားသော ၂၀၁၉ ခုနှစ် အစီရင်ခံစာ၌ Freedom House က ပြောကြားထားသည်။

နိုင်ငံပေါင်း ၆၅ နိုင်ငံအနက် ၄၇ နိုင်ငံ တွင် လူပုဂ္ဂိုလ်အသီးသီးတို့သည် ၎င်းင်းတို့က အွန်လိုင်းတွင် ဖော်ပြသော နိုင်ငံရေးဆိုင်ရာ၊ လူမှုရေးဆိုင်ရာနှင့် ဘာသာရေးဆိုင်ရာ ပြောကြားချက်များကြောင့် ဖမ်းဆီးထိန်း သိမ်းခံရပြီး အနည်းဆုံး နိုင်ငံပေါင်း ၃၁ နိုင်ငံ တွင် ပြည်သူများသည် ၎င်းတို့၏ အွန်လိုင်း လှုပ်ရှားမှုများကြောင့် ရုပ်ပိုင်းဆိုင်ရာ အကြမ်းဖက်မှုကို ခံရကြောင်း အစီရင်ခံစာက ဖော်ပြသည်။

တီအန်မင်ရင်ပြင်၌ လူအစုလိုက်အပြုံလိုက် သတ်ဖြတ်မှု နှစ် ၃၀ ပြည့် အထိမ်းအ မှတ်မတိုင်မီနှင့် ဟောင်ကောင်၌ ဆန္ဒပြပွဲ များ ဖြစ်ပေါ်နေစဉ်အတွင်း အစိုးရက သ တင်းအချက်အလက်များ ထိန်းချုပ်မှုကို မြှင့် တင်ခဲ့သောကြောင့် တရုတ်နိုင်ငံသည် ကမ္ဘာ့ အင်တာနက်လွတ်လပ်ခွင့်ကို အဆိုးရွားဆုံး ချိုးဖောက်သည့် နိုင်ငံအဖြစ် လေးနှစ်ဆက် တိုက် ရပ်တည်နေဆဲဖြစ်သည်။

လေ့လာသုံးသပ်မှု ပြုလုပ်ခဲ့သည့် နိုင်ငံ ပေါင်း ၆၅ နိုင်ငံအနက် အမေရိကန်ပြည် ထောင်စုအပါအဝင် နိုင်ငံပေါင်း ၃၃ နိုင်ငံ၌ အွန်လိုင်းလွတ်လပ်ခွင့် ကျဆင်းခဲ့ကြောင်း တွေ့ရှိရသည်။

“အမေရိကန်မှာ ဥပဒေထိန်းသိမ်းရေး နဲ့ လူဝင်မှုကြီးကြပ်ရေး အေဂျင်စီတွေက သူတို့ရဲ့ လုပ်ဆောင်ချက်တွေကို ထိန်းချုပ် ကန့်သတ်မယ့် ကြီးကြပ်မှု၊ ပွင့်လင်းမြင် သာမှုနဲ့ တာဝန်ခံမှုလုပ်ငန်းစဉ်တွေကို ရှောင်ရှားပြီး လူထုအပေါ် စောင့်ကြည့်ရေး အစီအစဉ်တွေကို ချဲ့ထွင်ခဲ့ပါတယ်” ဟု Freedom House က ပြောကြားခဲ့သည်။

“သက်ဆိုင်ရာ အာဏာပိုင်တွေဟာ ငြိမ်းချမ်းစွာ ဆန္ဒပြမှုတွေနဲ့ ဝေဖန်ဖော်ပြမှု တွေလို ဖွဲ့စည်းပုံအခြေခံဥပဒေအရ အကာကွယ်ပေးထားတဲ့ လုပ်ဆောင်ချက်တွေနဲ့ ပတ်သက်ပြီး အချက်အလက်တွေ နှိုက်ထုတ်ဖို့ လူမှုမီဒီယာပလက်ဖောင်းတွေကို ထိန်းချုပ်စောင့်ကြည့်ခြင်းနဲ့ ခရီးသွားတွေရဲ့ အီ လက်ထရွန်နစ်ကိရိယာတွေကို ဝရမ်းမပါဘဲ ရှာဖွေခြင်းတွေ တိုးပြီး လုပ်ဆောင်လာပါ တယ်” ဟု အစီရင်ခံစာက ဆိုသည်။

၂၀၁၈ ခုနှစ် နိုဝင်ဘာလ သက်တမ်း လယ်ရွေးကောက်ပွဲကို ပစ်မှတ်ထားလျက် အမေရိကန်တွင် သတင်းအချက်အလက် များ ပုံဖျက်ဖော်ပြမှု အလွန်များပြားခဲ့ ကြောင်း၊ ပြည်တွင်းပြည်ပ နှစ်ရပ်စလုံးမှ လူ များက အကြောင်းအရာများကို နိုင်ငံရေး ရည်ရွယ်ချက်များဖြင့်  ကြိုးကိုင်ခြယ်လှယ်ခဲ့ ကြောင်းနှင့် ဒီမိုကရေစီလုပ်ငန်းစဉ်များကို ချည့်နဲ့စေကာ အမေရိကန်လူ့အဖွဲ့အစည်း ကို စိတ်ဝမ်းကွဲအောင် မီးထိုးပေးခဲ့ကြောင်း အစီရင်ခံစာက ဖော်ပြသည်။

လွတ်လပ်ခွင့်အကျဆင်းဆုံး နိုင်ငံများ မှာ ဆူဒန်နှင့် ကာဇက်စတန်တို့ဖြစ်ပြီး ယင်း တို့နောက်၌ ဘရာဇီး၊ ဘင်္ဂလားဒေ့ရ်ှနှင့် ဇင် ဘာဘွေနိုင်ငံများ ရှိနေသည်။ တိုးတက်လာ သည့် နိုင်ငံမှာ ၁၆ နိုင်ငံ ရှိပြီး အီသီယိုးပီးယား က အတိုးတက်ဆုံးနိုင်ငံဖြစ်လာသည်။

စိတ်မချမ်းမြေ့စရာ အလားအလာများ ရှိနေသော်လည်း နည်းပညာက မောင်းနှင်သည့် ဒီမိုကရေစီအပြောင်းအလဲနှင့်ပတ်သက်၍ အပေါင်းလက္ခဏာသဘောဆောင်  သည့် နမူနာအချို့ရှိကြောင်း အေဘရာ မိုဝစ်က ထောက်ပြခဲ့သည်။ ယင်းတို့အနက် လူထုက ပြုပြင်ပြောင်းလဲမှုများအတွက် နိုင်ငံ သားချင်း ရိုင်းပင်းကြသည့် လက်ဘနွန်နိုင်ငံ လည်း ပါဝင်လာသည်။           

Source : Eleven Media Group