fbpx

ယူရိုပါလိဂ်တွင် မန်ယူနိုက်တက်က ပါတီဇန်ကို ၃ ဂိုးပြတ်နိုင်ပြီး နောက်တဆင့် တက်ရောက် (ရုပ်သံ)

မနေ့ညက ယှဉ်ပြိုင်သွားတဲ့ ယူရိုပါလိဂ် (၄) ပွဲမြောက် အုပ်စုပွဲစဉ်မှာ မန်ချက်စတာ ယူနိုက်တက်အသင်းက အိမ်ကွင်းမှာ ဆားဘီးယားကလပ် ပါတီဇန် ဘဲဂရိတ်အသင်းကို ၃ ဂိုးပြတ်နဲ့ အနိုင်ရသွားပါတယ်။ 

ယူနိုက်တက်အတွက် ဦးဆောင်ဂိုးကို ၂၁ မိနစ်မှာ ဂရင်းဝုဒ်၊ ဒုတိယဂိုးကို ၃၃ မိနစ်မှာ မာရှယ်က သွင်းယူပါတယ်။ 

မန်ယူနိုက်တက်အသင်းက ဒီပွဲမှာ တဖက်သတ် ဘောလုံးပိုင်ဆိုင်မှု အသာစီးယူနိုင်သလို ဂိုးပေါက် ကန်သွင်းခွင့် ၇ ကြိမ်အထိ ရခဲ့ပါတယ်။ 

ပါတီဇန် ဘဲဂရိတ်အသင်းက ဒီပွဲမှာ တဖက်ဂိုးပေါက် ခြိမ်းခြောက်နိုင်ခြင်း မရှိပါဘူး။  မန်ယူနိုက်တက်အတွက် တတိယဂိုးကို ရပ်ရ်ှဖို့ဒ်က ဒုတိယပိုင်းမှာ သွင်းယူပါတယ်။ 

မန်ယူနိုက်တက်အသင်းအတွက်တော့ သြဂုတ်လနောက်ပိုင်း အိမ်ကွင်းမှာ ဂိုးပြတ်နဲ့ အနိုင်ရတာ ဖြစ်ပါတယ်။ 

ဒီပွဲနိုင်လို့ မန်ယူနိုက်တက်က အုပ်စု (L) မှာ ၁၀ မှတ်ရပြီး အုပ်စုကနေ နောက်တဆင့်ကို တက်ရောက်သွားပြီ ဖြစ်ပါတယ်။ 

Tags:

Source : DVB