fbpx

ကွန်ဂိုတွင် စစ်သွေးကြွများ တိုက်ခိုက်မှုကြောင့် ၁၅ ဦး သေဆုံး

ကွန်ဂိုဒီမိုကရက်တစ် သမ္မတနိုင်ငံအရှေ့ပိုင်းမှာ အစ္စလာမ္မစ်စစ်သွေးကြွလို့ သံသယရှိသူတွေ ညလုံးပေါက် တိုက်ခိုက်လို့ လူ ၁၅ ယောက်ထက် မနည်းသေဆုံးခဲ့တယ်လို့ ဒေသခံအရာရှိတွေက နိုဝင်ဘာ ၁၆ ရက်မှာ ပြောပါတယ်။

ဒါဟာ ကုလသမဂ္ဂငြိမ်းချမ်းရေးတပ်နဲ့အတူ စစ်တပ်က သူပုန်တွေကို အရင်လကစလို့  ထိုးစစ်ဆင်ပြီးတဲ့နောက်ပိုင်း အစုလိုက်အပြုံလိုက် သတ်ဖြတ်မှုလည်း ဖြစ်ပါတယ်။

ကွန်ဂိုနိုင်ငံဟာ ယူဂန်ဒါနယ်စပ်နားက သစ်တောတွေထဲမှာ ခိုအောင်းနေတဲ့ ဒီမိုကရက်တစ် မဟာမိတ်တပ်ဦး ADF က တိုက်ခိုက်ရေးသမားတွေအား အမြစ်လှန်မယ့် စစ်ဆင်ရေးကို အောက်တိုဘာ ၃၀ ရက်မှာ စတင်ခဲ့တာပါ။

ADF က တိုက်ခိုက်ရေးသမားတွေကလည်း အရင်အပတ်ကစပြီး လူအယောက် လေးဆယ်ကျော်ကို သတ်ဖြတ်ရင်း အရပ်သားတွေကို တိုက်ခိုက်လက်တုံ့ ပြန်ခဲ့တယ်လို့ ဒေသခံအရပ်ဘက် လူ့အဖွဲ့အ စည်းက တက်ကြွလှုပ်ရှားသူတွေက ပြောပါတယ်။

၂၀၁၄ ခုနှစ်တည်းက ခုထိ ADF ရဲ့ တိုက်ခိုက်မှုကြောင့် ရာနဲ့ချီတဲ့ အရပ်သားတွေ သေဆုံးခဲ့ ပြီးပြီလို့ အစိုးရက ပြစ်တင် ပြောဆိုထားပါတယ်။

Tags:

Source : DVB