fbpx

စပိန် ရာသီဥတုဆိုင်ရာ ချီတက်ဆန္ဒပြပွဲ ဆွီဒင်ဆယ်ကျော်သက် ပူးပေါင်း

စပိန်နိုင်ငံ မက်ဒရစ်မြို့မှာ ကျင်းပနေတဲ့  ရာသီဥတုဆိုင်ရာ ထိပ်သီးဆွေးနွေးပွဲ COP25 ကို ဒီဇင်ဘာလ ၆ ရက်နေ့က  ဆွီဒင်ဆယ်ကျော်သက် တက်ကြွလှုပ်ရှားသူ ဂရီတာသန်းဘတ် လာရောက်ခဲ့ပါတယ်။  

ဂရီတာဟာ  အဲဒီထိပ်သီးဆွေးနွေးပွဲကို လျှပ်စစ်မော်တော်ကားနဲ့ ရောက်လာခဲ့တာဖြစ်ပြီး သူဟာ ကမ္ဘာကြီးပူနွေးမှုနဲ့ ပတ်သက်လို့ အရေးတယူ ဆောင်ရွက်ပေးရေး တောင်းဆိုဆန္ဒပြပွဲကို  ဦးဆောင်သွားမှာပါ။ 

အသက် ၁၆ နှစ်အရွယ် သူဟာ ပေါ်တူဂီနိုင်ငံ လစ်ဘွန်းမြို့ကနေ စပိန်နိုင်ငံ မက်ဒရစ်မြို့ကို   ၁၀ နာရီကြာ ရထားစီးပြီး ရောက်လာခဲ့တာပါ။

ဂရီတာရဲ့ ခရီးစဉ်ကို သတင်းယူဖို့အတွက် ကမ္ဘာအနှံ့က ဂျာနယ်လစ် အယောက် ၃၀ ခန့်ဟာ သူနဲ့အတူ ခရီးစဉ်မှာ လိုက်ပါလာပါတယ်။

ဂရီတာ လိုက်ပါလာတဲ့ ရထားဟာ ဒီဇယ်အင်ဂျင်စွမ်းအင်ကို အသုံးပြုတာမို့ သူ့ခရီးစဉ်ဟာ လုံးလုံးလျားလျား ကာဗွန်ကင်းစင်တယ်လို့ မဆိုနိုင်ပါဘူး။

ဒါပေမဲ့ ဂရီတာဟာ ဘူတာရုံကနေ အနီရောင် လျှပ်စစ်စွမ်းအင်သုံး မော်တော်ကားကို  စီးလာခဲ့ပါတယ်။ 

မက်ဒရစ်မြို့မှာ ပြုလုပ်မယ့် ရာသီဥတုဆိုင်ရာ ချီတက်ဆန္ဒပြပွဲကို ဂရီတာက  ဝင်ရောက်ပူးပေါင်းပြီး လူထုစည်းဝေးပွဲမှာ မိန့်ခွန်းပြောသွားမှာ ဖြစ်ပါတယ်။

Tags:

Source : DVB