fbpx

ဂျာမနီ ဖို့မာဆင်မြို့ ပွဲတော်အတွင်း ကားဖြင့်ဝင်တိုက်မှုကြောင့် လူ ၃၀ ဒဏ်ရာရ

ဂျာမနီအနောက်ပိုင်း ဖို့မာဆင်မြို့မှာကျင်းပတဲ့ ပွဲတော်အတွင်း  ဖေဖော်ဝါရီ ၂၄ ရက်က ကားတစီး ဝင်တိုက်တာကြောင့် ကလေးငယ်တွေ အပါအဝင် လူအယောက် ၃၀ လောက် ဒဏ်ရာရပါတယ်။

ကားတိုက်မှုမှာ လူပေါင်း  ၈ ယောက်ကနေ ၁၀ ယောက်လောက် ပြင်းပြင်းထန်ထန် ဒဏ်ရာရပြီး သူတို့တွေထဲမှာ ကလေးငယ်တွေ ပါဝင်တယ်လို့ ရဲတပ်ဖွဲ့ ပြောခွင့်ရပုဂ္ဂိုလ်က ပြောပါတယ်။  

အသက် ၂၉ နှစ်အရွယ် ယာဉ်မောင်းသူက  တမင်တကာ ဝင်တိုက်ခဲ့တယ်လို့ ရဲတပ်ဖွဲ့က  ယုံကြည်တယ်ဆိုပြီး ဒေသန္တရရုပ်သံ ဟက်ဆန်ရှောင်က အစီရင်ခံပါတယ်။ 

ယာဉ်မောင်းသူဟာ ရဲတပ်ဖွဲ့ ကာရံထားတဲ့ အရံအတားကို ဝင်တိုက်ပြီး လူ ၁၅၀၀ ဝန်းကျင် စုဝေးနေတဲ့ စီတန်းပွဲနေရာကို တမင်တကာ ဝင်တိုက်ခဲ့တယ်လို့ ဒေသန္တရ ရုပ်သံက  ပြောခဲ့ပါတယ်။ 

ကားဟာ လူအုပ်ကို ဝင်တိုက်ပြီး နောက်မီတာ ၃၀ လောက်အထိ ဆက်မောင်းခဲ့ပြီးမှ ရပ်သွားခဲ့တယ်လို့လည်း မျက်မြင်တဦးက ပြောပါတယ်။

ကားတိုက်မှု ဖြစ်ပြီးနောက်မှာ ရဲတပ်ဖွဲ့က ကြိုတင်ကာကွယ်တဲ့အနေနဲ့ ဖို့မာဆင်မြို့ရှိရာ ဟယ်ဆာပြည်နယ်မှာ ပွဲတော်အစီအစဉ် အားလုံးကို ဖျက်သိမ်းခဲ့ပါတယ်။

ဟာနာအိုမြို့မှာ သေနတ်သမား အပါအဝင် လူ ၁၀ ယောက် သေဆုံးခဲ့တဲ့ ပစ်ခတ်မှု ဖြစ်ပြီး သီတင်းတပတ်အတွင်းမှာ အခုလို ကားတိုက်မှု ဖြစ်ခဲ့တယ်လို့လည်း ရိုက်တာသတင်းက ဖော်ပြပါတယ်။

Tags:

Source : DVB