fbpx

သီးခြားစောင့်ကြည့်ခံရသူများအတွက် အိမ်တိုင်ရာရောက်ပို့ပေးသည့် သြစတြေးလျ စာအုပ်ဆိုင်

သြစတြေးလျမှာ သီးခြားစောင့်ကြည့်ခံရတဲ့ စာဖတ်သူတွေနဲ့ နေအိမ်က အပြင် မထွက်လိုသူတွေကို စာအုပ်ဆိုင်တဆိုင်က အိမ်တိုင်ရာရောက် စာအုပ်တွေ ပို့ဆောင်ပေးနေပါတယ်။

စက်ဘီးနဲ့ အိမ်တိုင်ရာ‌ရောက် ဆောင်ပေးသူ နာရီဒါရော့စ်က “စာအုပ်တွေဟာ အိမ်မှာ အောင်းနေရသူတွေအတွက် ထွက်ပေါက်” ဖြစ်တယ်လို့ ပြောပါတယ်။ 

အစိုးရက လူစုလူဝေးတွေကို ကန့်သတ်ခဲ့ချိန်မှာ ဆစ်ဒနီမြို့မှာ အနှစ် ၄၀ လောက်  စာအုပ်ဆိုင်ဖွင့်လာတဲ့ Gleebooks က သူ့ရဲ့ အွန်လိုင်းဝန်ဆောင်မှုကို အခမဲ့ပေးဖို့ ဆုံးဖြတ်ခဲ့တယ်လို့ ဆိုပါတယ်။ 

ကုန်ခြောက်ဆိုင်၊ ဆေးဆိုင်နဲ့ တခြား မရှိမဖြစ်အရေးပါတဲ့ ဆိုင်တွေကလွဲပြီး တခြားဆိုင်အားလုံးကို အစိုးရက ပိတ်ပစ်ဖို့ အမိန့်ပေးပြီးနောက်မှာ မတ် ၂၃ ရက်ကစလို့ ကန့်သတ်ချက်တွေ ထပ်တိုးလာခဲ့ပါတယ်။ 

Gleebooks စာအုပ်ဆိုင် စက်ဘီးနဲ့လိုက်ပို့တဲ့ ဧရိယာပြင်ပမှာရှိတဲ့ ဝယ်သူတွေအတွက် သြစတြေးလျဒေါ်လာ ၅၀ အထက် မှာယူသူတွေကို စာပို့ခ အခမဲ့ ပို့ဆောင်ပေးတယ်လို့လည်း  ရိုက်တာ သတင်းမှာ ဖော်ပြထားပါတယ်။

Tags:

Source : DVB