fbpx

ဝုဖ်ဘက်နှင့်ပွဲ ရှော်ကေးပွဲစဉ်ထက် ပိုခက်မည်ဟု ဒေါ့မွန်နည်းပြပြော

ဝုဖ်ဘက်အသင်းနဲ့ပွဲစဉ်မှာ ရှော်ကေးနဲ့ အိမ်ကွင်းပွဲစဉ်ထက် ပိုမိုခက်ခဲလိမ့်မယ်လို့ ဒေါ့မွန် နည်းပြ လူစီယံဖာက ပြောပါတယ်။ 

ဒေါ့မွန်အသင်းဟာ ပြီးခဲ့တဲ့အပတ်က ရှော်ကေးကို ၄ ဂိုး ဂိုးမရှိနဲ့ အနိုင်ရခဲ့ပြီးနောက် ဝုဗ်ဘက်အသင်းအိမ်ကွင်းမှာ ဒီကနေ့ည ၈ နာရီ သွားရောက်ရင်ဆိုင်ရမှာပါ။ 

ဝုဖ်ဘက်အသင်းဟာ နောက်ဆုံး ၇ ပွဲဆက်တိုက် ရှုံးပွဲမရှိခဲ့ဘဲ ဥရောပဝင်ခွင့်အတွက် ရည်မှန်းနေတဲ့ အသင်းဖြစ်တာကြောင့် ရှော်ကေးနဲ့ ပွဲစဉ်ကထက် ခက်ခဲလိမ့်မယ်လို့ ဒေါ့မွန်နည်းပြက ပြောပါတယ်။ 

အသင်းမှာ ဒဏ်ရာပြဿနာတချို့ရှိပေမယ့် ပြဿနာမရှိနိုင်ကြောင်းလည်း ဒေါ့မွန်နည်းပြက ဆိုပါတယ်။ 

ဒေါ့မွန်အသင်းမှာ ကွင်းလယ်လူ ဝစ်ဆဲလ်၊ အမ်မရီချန်နဲ့ မာကိုရုစ်တို့ ဆက်ပြီးလွဲချော်ဖို့ရှိပါတယ်။ 

ဝုဖ်ဘက်နည်းပြ အိုလီဗာဂလက်စ်နာကတော့ ၃-၄-၃ ကစားကွက်နဲ့ တပွဲကို ပျမ်းမျှ ၃ ဂိုးလောက် သွင်းနေတဲ့ ဒေါ့မွန်နဲ့ ရင်ဆိုင်ရမှာဖြစ်ပေမယ့် အိမ်ကွင်းမှာ အနိုင်ရရှိဖို့အတွက် အရာအားလုံး ကြိုးပမ်းသွားမယ်လို့ ပြောပါတယ်။

Source : DVB