fbpx

မင်းလှမြို့နယ် ရေနံမနယ်မြေတွင် တရားမဝင်ရေနံချက်ဖို ဖမ်းမိ

မကွေးတိုင်း၊ မင်းလှမြို့နယ်၊ ရေနံမနယ်မြေအတွင်းမှာ ဇူလိုင် ၁၁ ရက်နေ့က တရားမဝင်ရေနံချက်ဖို ၁ လုံး ဖမ်းဆီရမိခဲ့တယ်လို့ ရေနံမနယ်မြေရဲစခန်းက ပြောပါတယ်။

ရေနံမနယ်မြေစခန်းမှူး ရဲအုပ်အောင်မင်းဦးက “ရေနံမနယ်​မြေ ရဲစခန်းရဲ့ အနောက်မြောက်ဘက် ၄ မိုင်လောက်အကွာမှာရှိတဲ့ တောထဲကနေ တရားမဝင် ရေနံချက်ဖို တစ်လုံး၊ ဆိုင်ကယ် သုံးစီးနဲ့အတူ ရေနံ ချက်လုပ်ရာမှာ အသုံးပြုတဲ့ ဆက်စပ်ပစ္စည်းတွေ သိမ်းဆည်းရမိခဲ့တာပါ။ တရားမဝင် ရေနံချက်လုပ်တဲ့ သူတွေကို စုံစမ်းဖော်ထုတ်ပြီး ဥပဒေအရ အရေးယူသွားမယ်” ဒီဗွီဘီကို ပြောပါတယ်။

ပြီးခဲ့တဲ့ မတ်လ ၅ ရက်နေ့ကလည်း ရေနံမနယ်မြေအတွင်းက တရားမဝင် ရေနံချက်ဖို ၅ လုံးနဲ့ ဆက်စပ်ပစ္စည်းတွေ ဖမ်းဆီးခဲ့အပြီး အမှုဖွင့်ရေးယူထားတယ်လို့ ဆိုပါတယ်။

ဖြစ်စဉ်နဲ့ ပတ်သက်လို့ တရားမဝင်ရေနံချက်လုပ်သူတွေကို ရေနံမနယ်မြေရဲစခန်းမှာ ရေနံနှင့် ရေနံထွက်ပစ္စည်းဆိုင်ရာ ဥပဒေပုဒ်မ ၃၇ နဲ့အမှုဖွင့်ပြီး စုံစမ်းစစ်ဆေးနေတယ်လို့ သိရပါတယ်။

သတင်း-မင်းထီး၊ ဓာတ်ပုံ-ဇော်ဆိုင်း

Source : DVB