fbpx

လေးမျက်နှာမြို့နယ်ရှိ ပြည်သူများ မဲစာရင်းကြည့်ကြရန် လက်ကမ်းစာစောင်များ ဖြန့်ဝေ

လာမယ့် ၂၀၂၀ အထွေထွေရွေးကောက်ပွဲမှာ နိုင်ငံသား အခွင့်အရေးအရ မဲပေးခွင့်ရရှိစေဖို့ ဧရာဝတီတိုင်း၊ လေးမျက်နှာမြို့နယ်နေ ပြည်သူတွေ မဲစာရင်းကြည့်ကြဖို့  ဩဂုတ် ၁ ရက်နေ့က ပိုစတာစိုက်ထူပြီး လက်ကမ်းစာစောင် ဖြန့်ဝေ နှိုးဆော်နေပါတယ်။ 

လက်ကမ်းစာစောင်တွေကို လေးမျက်နှာမြို့နယ် ရွေးကောက်ပွဲ ကော်မရှင်အဖွဲ့ခွဲ ဥက္ကဋ္ဌနဲ့ အဖွဲ့ဝင်တွေ၊ ဌာနဆိုင်ရာတွေ အမျိုးသမီးရေးရာအဖွဲ့ဝင်တွေ၊ ပြန်ကြားရေးနဲ့ ပြည်သူ့ ဆက်ဆံရေးဝန်ထမ်းတွေက လေးမျက်နှာမြို့ရဲ့ လူစည်ကားရာ ဈေးတွေနဲ့ လမ်းဆုံလမ်းခွတွေမှာ ဝေငှခဲ့ကြပြီး မြေစိုက်ပိုစတာတွေကိုလည်း စိုက်ထူခဲ့ကြပါတယ်။

လက်ကမ်းစာစောင်နဲ့ မြေစိုက်ပိုစတာတွေမှာ မဲဆန္ဒရှင်တွေ မေးလေ့မေးထရှိတဲ့ မေးခွန်းတွေနဲ့ အဖြေတွေ၊ မဲစာရင်း ကြေညာမယ့်ရက်စွဲ၊ မဲစာရင်းမပါရင် ဆောင်ရွက်ရမယ့် နည်းလမ်းတွေကို ရေးသားဖော်ပြထားပါတယ်။

Source : DVB