fbpx

ရန်ကုန်-မန္တလေး အမြန်လမ်းတွင် ယနေ့နံနက် ယာဉ်မတော်တဆမှု ၄ ကြိမ်ဖြစ်၊ ၃ ဦးသေဆုံး

ရန်ကုန်-မန္တလေး အမြန်လမ်းမကြီးမှာ ဒီနေ့မနက်ပိုင်း ယာဉ်မတော်တဆမှု ၄ ကြိမ် ဖြစ်ပွားခဲ့ပြီး ၃ ဦးသေဆုံး၊ ၂ ဦး ဒဏ်ရာရရှိခဲ့တယ်လို့ သိရပါတယ်။ 

ဒီနေ့မနက် ၀၇း ၅၀ အချိန်လောက်က ရန်ကုန်-မန္တလေး အမြန်လမ်းမကြီး မိုင်တိုင်အမှတ် ၁၇၆/၅ နဲ့ ၁၇၆/၆ ကြားမှာ ယာဉ်တိမ်းမှောက်မှုဖြစ်ပွားခဲ့လို့ သာဂရအမြန်လမ်းမီးသတ်စခန်းမှ သန္ဓေမီးသတ်တပ်ဖွဲ့ဝင်တွေနဲ့ ရဲတပ်ဖွဲ့ဝင်တွေက ရှာဖွေကယ်ဆယ်ရေး လုပ်ငန်းများ သွားရောက်ဆောင်ရွက်ခဲ့ပြီး ယာဉ်ပေါ်ပါ ၆ ဦးအနက် ကျား (၁) ဦး၊ မ (၁) ဦး သေဆုံးပြီး ဆွာမြို့နယ်ပြည်သူ့ဆေးရုံသို့ ပို့ဆောင်ပေးခဲ့ရတယ်လို့ ပြည်ထဲရေးက ထုတ်ပြန်ထားပါတယ်။

ဒီနေ့မနက် ၈ နာရီကလည်း ရန်ကုန်-မန္တလေးအမြန်လမ်းမကြီး၊ မိုင်တိုင်အမှတ် ၁၂၅/၂ နဲ့ ၁၂၅/၃ ကြားမှာ မော်တော်ယာဉ် ၁ စီး ရှေ့ယာဘီးပေါက်ပြီး လမ်းလယ်ကျွန်းအား ဝင်တိုက်မှုဖြစ်ပွားခဲ့လို့ ဗောဓိကုန်းအမြန်လမ်းမီးသတ်စခန်း သန္ဓေမီးသတ်တပ်ဖွဲ့ဝင်တွေနဲ့ ဗောဓိကုန်းအမြန်လမ်းမကြီး ရဲတပ်ဖွဲ့ဝင်တွေ သွားရောက်ကူညီဆောင်ရွက်ခဲ့ပြီး ထိခိုက်ဒဏ်ရာရရှိမှု မရှိဘူးလို့ ဆိုပါတယ်။

အလားတူအချိန်မှာပဲ ရန်ကုန်-မန္တလေးအမြန်လမ်းမကြီး၊ မိုင်တိုင်အမှတ် ၃၃၃/၆ အနီးမှာ မော်တော်ယာဉ် ၁ စီး လမ်းချော်ပြီး လမ်းလယ်ကျွန်းအားကျော်တက်ကာ ဘယ်ရီယာတုံးတွေအား ဝင်တိုက်တိမ်းမှောက်မှုဖြစ်ခဲ့လို့ စကားအင်း နဲ့ ပြင်စည်အမြန်လမ်း သန္ဓေမီးသတ်တပ်ဖွဲ့ဝင်တွေ၊ ရဲတပ်ဖွဲ့ဝင်တွေက ရှာဖွေကယ်ဆယ်ရေးလုပ်ငန်း ဆောင်ရွက်ခဲ့ပြီး ယာဉ်ပေါ်ပါ ၆ ဦးအနက် ၁ ဦး သေဆုံးပြီး ၂ ဦး ထိခိုက်ဒဏ်ရာရရှိတာကြောင့် တံတားဦးဆေးရုံကို ပို့ဆောင်ပေးခဲ့ပါတယ်။

သြဂုတ် ၃ ရက်နေ့ မနက် ၁၁ ခွဲလောက်ကလည်း ရန်ကုန်-မန္တလေးအမြန်လမ်းမကြီး မိုင်တိုင်အမှတ် ၁၁၂/၀နှင့် ၁၁၂/၁ ကြားမှာ ယာဉ် ၁ စီး အရှိန်မထိန်းနိူင်ဘဲ လမ်းလယ် သစ်ပင်အား ဝင်တိုက်မှုဖြစ်ပွားခဲ့လို့ ၁၁၅ မိုင် အမြန်လမ်း မီးသတ်တပ်ဖွဲ့ဝင်တွေနဲ့ ရဲတပ်ဖွဲ့ဝင်တွေ သွားရောက်ကူညီဆောင်ရွက်ပေးခဲ့ပြီး ယာဉ်ပေါ်ပါ ၂ ဦးလုံး ထိခိုက်ဒဏ်ရာရရှိမှုမရှိဘူးလို့ သိရပါတယ်။

Source : DVB