ဘန်ကောက်တွင် မြန်မာအချင်းချင်း သတ်ဖြတ်ပြီး ပစ္စည်းယူသူ ၁ ဦးကို ထိုင်းရဲ ဖမ်းဆီးရမိ 

ထိုင်းနိုင်ငံ၊ ဘန်ကောက်မြို့မှာ မြန်မာနိုင်ငံသား ၁ ဦးကို သတ်ပြီး ရွှေငွေတွေယူဆောင်သွားတဲ့ မြန်မာအလုပ်သမား ၁ ဦးကို  တာဝန်ရှိသူတွေက စက်တင်ဘာ ၂၀ ရက်နေ့က ဖမ်းဆီးရမိပြီလို့  AmarinTV ထိုင်းသတင်းမှာ ဖော်ပြပါတယ်။ 

ဘန်ကောက်မြို့၊ ဘန်ခွန်ထိန်းနယ်မြေ၊ ဘန်ခွန်ထိန်းလမ်းသွယ် ၆ ရှိ တိုက်ခန်းတစ်ခုမှာ ပြီးခဲ့တဲ့ စက်တင်ဘာ ၁၇ ရက်က  အသက် ၄၂ နှစ်ရွယ်ရှိ ကျော်သန်း ဆိုသူ မြန်မာနိုင်ငံသား ၁ ဦး အသတ်ခံရတာနဲ့ ပတ်သက်ပြီး တာဝန်ရှိသူတွေက တရားခံကို လိုက်လံစုံစမ်းနေရာမှာ စက်တင်ဘာ ၂၀ ရက်မှာ အသက် ၂၄ နှစ်ရွယ်ရှိ သက်ဝင်းလှိုင်ဆိုသူ မြန်မာအလုပ်သမား ၁ ဦးကို သူနေထိုင်ရာ ဘန်ကောက် ဧကချိုင်း ၆၆ လမ်းထဲရှိ တိုက်ခန်းတစ်ခုမှာ သွားရောက်ဖမ်းဆီးခဲ့တာပါ။ 

ထာ့ခမ့်ရဲစခန်းတာဝန်ရှိသူတွေက သက်ဝင်းလှိုင်ထံကနေ သေဆုံးသူရဲ့ အလေးချိန် ၃ ဘတ်သားရှိ  ရွှေဆွဲကြိုး ၁ ကုံး၊ ၅ ဘတ်သားရှိ ဟန်းချိန်းကြိုး၊ ငွေသား ဘတ် ၁၂၀၀၀ နဲ့ လူသတ်ရာမှာအသုံးပြုခဲ့တဲ့ ဓား ၁ ချောင်း၊ အဲဒီနေ့က ဝတ်ခဲ့တဲ့ အဝတ်အစားနဲ့ တယ်လီဖုံး ၁ လုံးပါ သက်သေအဖြစ်သိမ်းယူရရှိခဲ့ပါတယ်။ 

တရားခံ သက်ဝင်းလှိုင်ကလည်း သူဟာ အရင်က ဖိနပ်ချုပ်စက်ရုံမှာအလုပ်လုပ်ခဲ့ပြီး အခုတော့ အလုပ်လက်မဲ့ဖြစ်နေကြောင်း၊ တဘက်မှာ အကြွေးဆပ်စရာငွေမရှိလို့ အသိဖြစ်သူ ကိုကျော်သန်းဆီ ငွေချေးငှားဖို့ရောက်လာကြောင်း၊ သူ့အိမ်ရောက်တော့ ကိုကျော်သန်းဝတ်ထားတဲ့ ရွှေဆွဲကြိုး ၊ ရွှေဟန်းချိန်းတွေမြင်တာနဲ့ စိတ်ပြောင်းပြီး ငွေမချေးတော့ဘဲ ကိုကျော်သန်းကိုသတ်ပြီး ရွှေငွေတွေယူခဲ့တာလို့  တာဝန်ရှိသူတွေကို ဝန်ခံထွက်ဆိုသွားပါတယ်။ 

လူသတ်မှုကျူးလွန်ပြီး ထွက်မပြေးရတဲ့အကြောင်းကတော့ ကျန်ခဲ့တဲ့ မိန်းမဖြစ်သူကို စိတ်မချတဲ့အတွက်ကြောင့်ဖြစ်တယ်လို့ သူကပြောသွားပါတယ်။ 

အစောပိုင်းက လူသတ်ပစ္စည်းလုတရားခံ ၃ ဦးရှိတယ်လို့ သတင်းတွေထွက်ပေါ်ခဲ့ပေမယ့် သက်ဝင်းလှိုင်က သူတစ်ယောက်တည်းပဲ ကျူးလွန်တာလို့ ထွက်ဆိုထားပါတယ်။ 

ရဲတွေကတော့ ပါဝင်ပတ်သက်သူ သံသယရှိသူတွေ ဆက်လက်စုံစမ်းစစ်ဆေးသွားမှာဖြစ်ပြီး သက်ဝင်းလှိုင်ကိုလည်း လက်နက်မှု၊ လူသတ်မှု၊ ပစ္စည်းလုမှုတွေနဲ့ အရေးယူသွားမယ်လို့  ပြောပါတယ်။ 

ကိုးကား- THAIRATH

Source : DVB