ကိုရိုနာဗိုင်းရပ်စ်ကာကွယ်ဆေး ၉၅ ရာခိုင်နှုန်းနီးပါး ကာကွယ်ပေးနိုင်ဟု Moderna က ပြောကြား

Photo: AFP

အမေရိကန်ဆေးကုမ္ပဏီ Moderna က ၎င်းတို့စမ်းသပ်နေသော ကိုရိုနာဗိုင်းရပ်စ်ကာကွယ်ဆေးသည် ၉၅ ရာခိုင်နှုန်း နီးပါးထိရောက်မှုရှိသည်ဟု စမ်းသပ်ရလဒ်များက ဖော်ပြခဲ့သည်။

ကိုရိုနာဗိုင်းရပ်စ်ကာကွယ်ဆေး ရရှိရန် အပြိုင်အဆိုင် ကြိုးပမ်းမှုသည် အရှိန်တက်လာခဲ့ပြီး ဇီဝနည်းပညာ ကုမ္ပဏီ Moderna သည် ကိုရိုနာဗိုင်းရပ်စ်ကာကွယ်ဆေးကို အဆင့်(၃) စမ်းသပ်မှု၏ ရလဒ်ကို ထုတ်ပြန်ခဲ့သည့် နောက်ဆုံးဆေးကုမ္ပဏီ ဖြစ်လာခဲ့သည်။

ကိုရိုနာဗိုင်းရပ်စ် ကူးစက်ခံထားရသော လူနာ ၉၅ ဦးတွင် စမ်းသပ်မှုအရ ကာကွယ်ဆေးသည် ၉၄.၅ ရာခိုင်နှုန်း ထိရောက်မှုရှိကြောင်း တွေ့ရှိခဲ့သည်ဟု နိုဝင်ဘာ ၁၆ တွင် ထုတ်ပြန်သော ကြားဖြတ်အစီရင်ခံစာ၌ Moderna က ပြောကြားခဲ့သည်။

ယင်းကာကွယ်ဆေးကို အရေးပေါ်အသုံးပြုရန် ခွင့်ပြုချက်ရရှိရေးအတွက် FDA ထံ လျှောက်ထားရန် စီစဉ်ထားကြောင်း Moderna က ပြောကြားခဲ့သည်။ အမေရိကန်တွင် ကာကွယ်ဆေး သန်း ၂၀ ခန့် ရရှိရန် Moderna က မျှော်မှန်းထားသည်။ လာမည့်နှစ်တွင် ကမ္ဘာတစ်ဝန်း၌ အသုံးပြုရန်အတွက် ကာကွယ်ဆေး တစ်ဘီလျံအထိ ရရှိရန် Moderna က မျှော်လင့်ထားပြီး အခြားနိုင်ငံများတွင်လည်း ခွင့်ပြုချက်များ ရယူရန် စီစဉ်နေသည်ဟု ဆိုသည်။

အမေရိကန်ဆေးကုမ္ပဏီ Pfizer က ၎င်းတို့၏ ကာကွယ်ဆေးသည် ၉၀ ရာခိုင်နှုန်းထိရောက်ကြောင်း အလားတူကြေညာပြီးနောက် Moderna ၏ ကြေညာချက် ထွက်ပေါ်လာခြင်းဖြစ်သည်။

Moderna နှင့် Pfizer တို့၏ ကြေညာချက်များကြောင့် ကိုရိုနာဗိုင်းရပ်စ်ကပ်ဘေးကို ကာကွယ်ဆေးက နိဂုံးချုပ်ပေးနိုင်မည်ဟူသော မျှော်လင့်ချက်များကို ခိုင်မာစေခဲ့သည်။

အမေရိကန်တွင် စမ်းသပ်နေသော Moderna ၏ ကာကွယ်ဆေးစမ်းသပ်မှုတွင် လူ ၃၀,၀၀၀ ပါဝင်ပြီး တစ်ဝက်ကို သီတင်းပတ် လေးပတ်ခြားပြီး ကာကွယ်ဆေး နှစ်ကြိမ်ထိုးပေးသည်။ ကျန်ထက်ဝက်ကို အာနိသင်မဲ့ဆေးများ ထိုးပေးခဲ့သည်။

ယခုထုတ်ပြန်ချက်သည် ပထမဆုံးလူနာ ၉၅ ဦး၏ရလဒ်ကို အခြေပြုခဲ့ခြင်းဖြစ်သည်။ လူနာ ၉၀ သည် အာနိသင်မပါသောဆေးကို အထိုးခံခဲ့ကြပြီး ကျန်ငါးဦးက စမ်းသပ်ကာကွယ်ဆေးကို အထိုးခံခဲ့ကြသည်။

ခြုံငုံသုံးသပ်ချက်အရ ကာကွယ်ဆေး၏ ထိရောက်မှုသည် အလွန်ကောင်းမွန်ကြောင်း Moderna ၏ ဆေးပညာဆိုင်ရာအမှုဆောင်ချုပ် တားဇက်က ပြောကြားခဲ့သည်။

Source : Eleven Media Group