လယ်ယာလုပ်ငန်းအပေါ် Covid-19 ကပ်ရောဂါ၏ အကျိုးသက်ရောက်မှုစစ်တမ်းကောက်ယူ

ရန်ကုန်၊ နိုဝင်ဘာ ၁၇
ကမ္ဘာအဝှမ်း ရင်ဆိုင်ကြုံတွေ့နေရသည့် Covid-19 ကပ်ရောဂါကာလအတွင်း တောင်သူများလယ်ယာလုပ်ငန်းခွင်တွင် တွေ့ကြုံရသည့် အခက်အခဲများ သိရှိနိုင်ရန်အတွက် လယ်ယာလုပ်ငန်းအပေါ် Covid-19 ကပ်ရောဂါ၏ အကျိုးသက်ရောက်မှုစစ်တမ်း (Covid-19 Impact on Agriculture Survey) ကောက်ယူလျက်ရှိကြောင်း စိုက်ပျိုးရေးသုတေသနဦးစီးဌာနထံမှ သိရသည်။
စိုက်ပျိုးရေး သုတေသနဦးစီးဌာနရှိ  သုတေသနပညာရှင်များသည် စားနပ်ရိက္ခာဖူလုံ၍ အာဟာရပြည့်ဝပြီး ကျေးလက်နေ တောင်သူလယ်သမား များ၏ လူမှုစီးပွားဘဝဖွံ့ဖြိုးတိုးတက်ရေးနှင့် စိုက်ပျိုးရေးကဏ္ဍ မြှင့်တင်ရေးတို့အတွက် သုတေသနနှင့် နည်းပညာဖွံ့ဖြိုးရေးလုပ်ငန်းများ ဆောင်ရွက်လျက်ရှိသည်။ 
ထိုသို့ လယ်ယာလုပ်ငန်းအပေါ် Covid-19 ၏ အကျိုးသက်ရောက်မှုကို သိရှိရန် စစ်တမ်းကောက်ယူခြင်းကို စိုက်ပျိုးရေးသုတေသနဦးစီးဌာန ရေဆင်း-နေပြည်တော်ရုံးချုပ်အပါအဝင် သက်ဆိုင်ရာပြည်နယ်နှင့် တိုင်းဒေသကြီးအသီးသီးရှိ လက်အောက်ခံ သုတေသနခြံ ၂၅ ခြံရှိ သုတေသနခြံတာဝန်ခံများနှင့် သုတေသနပညာရှင်များက တာဝန်ယူဆောင်ရွက်ခြင်းဖြစ်သည်။ 
စိုက်ပျိုးရေးသုတေသနဦးစီးဌာန လက်အောက်ဖြစ်သော ပြည်နယ်နှင့် တိုင်းဒေသကြီးအသီးသီးရှိ သုတေသနခြံ ၂၅ ခြံတွင် တောင်သူအခြေပြု သုတေသနစခန်းများ အကောင်အထည်ဖော်ဆောင်ရွက်လျက်ရှိရာ အဆိုပါ သုတေသနစခန်းများရှိ တောင်သူကိုယ်စားပြု တောင်သူ့ခေါင်းဆောင်များက လက်တလော Covid-19 ကပ်ရောဂါ၏ အကျိုးသက်ရောက်မှုကြောင့် လယ်ယာလုပ်ငန်းခွင်တွင် ရင်ဆိုင်ကြုံတွေ့နေရမှုများကို ပြန်လည်ဖြေကြားခြင်းဖြစ်ကြောင်း သိရသည်။
အဆိုပါ စစ်တမ်း (Survey) ကောက်ယူချက်၏ ပဏာမတွေ့ရှိချက်များအရ တောင်သူအများစုသည် စိုက်ပျိုးရေးလုပ်ငန်းခွင်တွင် Covid-19 ၏ အကျိုးဆက်အဖြစ် လုပ်အားခများတိုးပေးရခြင်း၊ သယ်ယူပို့ဆောင်ရေး နှောင့်နှေးခြင်းနှင့် အကန့်အသတ်များရှိခြင်းတို့ကြောင့် သွင်းအားစု (ဥပမာ- မြေဩဇာ၊ ပိုးသတ်ဆေး)များ လိုအပ်သည့်အချိန် ရရှိရန် ခက်ခဲခြင်း၊ ဈေးနှုန်းမတည်ငြိမ်မှုများရှိခြင်း၊ ထွက်ရှိသော သီးနှံများကို ဈေးကွက်သို့သွားရောက်ရောင်းချရန် အခက်အခဲရှိခြင်းနှင့် ဈေးကစားမှုများရှိခြင်းတို့ဖြစ်ကြောင်း စိုက်ပျိုးရေးသုတေသနဦးစီးဌာန ထံမှ သိရသည်။ 
အဆိုပါ လယ်ယာလုပ်ငန်းအပေါ် Covid-19 ကပ်ရောဂါ၏ အကျိုးသက်ရောက်မှုစစ်တမ်းကို တောင်သူအခြေပြု သုတေသနစခန်း ၅၂ ခုတွင် စစ်တမ်းကောက်ယူခဲ့ခြင်းဖြစ်သည်။
S-07 

Source : The Voice