၂၀၂၀ ရွေးကောက်ပွဲနှင့် ရခိုင်ပါတီများ၏ သမိုင်းသစ်နိဒါန်း

(တစ်)
၂၀၂၀ ခုနှစ်၊ နိုဝင်ဘာလ ၈ ရက်နေ့သည် ရခိုင့် နိုင်ငံရေးသမိုင်းတစ်လျှောက်တွင် အထူးခြားဆုံးသော နေ့သစ်တစ်နေ့အဖြစ် မှတ်တမ်းဝင်သွားခဲ့သည်။ ဆယ်စုနှစ်ပေါင်းများစွာ အစဉ်အလာတစ်ခု သဖွယ် စွဲထင်နေခဲ့သော ရခိုင်ပါတီနှင့် ရခိုင့် ခေါင်းဆောင်များ၏ သမိုင်းအမည်းစက်တစ်ခုကို ချေဖျက်နိုင်ခဲ့သော နေ့တစ်နေ့ဟုလည်း ဆိုနိုင်သည်။ မြန်မာနိုင်ငံသည် ၂၀၂၀ ပါတီစုံအထွေထွေ ရွေးကောက်ပွဲ ကို နိုဝင်ဘာလ- ၈ ရက်နေ့တွင် ကိုဗစ်ရောဂါ အကျပ်အတည်းများကြား ထဲမှ ကျင်းပခဲ့သည်။ ၂၀၁၀ ခုနှစ်မှ စတင်ရေတွက် မည်ဆိုပါက ယခုတစ်ကြိမ် ကျင်းပသော ရွေးကောက်ပွဲ သည် မြန်မာနိုင်ငံ၏ တတိယအကြိမ်မြောက် ရွေးကောက်ပွဲ သို့မဟုတ် ဒီမိုကရေစီအရွေ့၏ တတိယမြောက် လှေကားထစ်ကို လှမ်းတက်ခြင်း တစ်ခုပင်ဖြစ်သည်။ 
ရခိုင်ပြည်နယ်သည် ၂၀၂၀ ရွေးကောက်ပွဲကို ပြည်နယ်လုံးကျွတ်ကျင်းပခွင့် မရရှိခဲ့သော ပြည်နယ် တစ် ခုဖြစ်သည်။ တိုက်ပွဲများဖြစ်ပွားနေသော ရခိုင် မြောက်ပိုင်း မြို့နယ်အများစုတွင် လုံခြုံရေးအရ ရွေးကောက်ပွဲကျင်းပနိုင်ခြင်းမရှိခဲ့ဘဲ ရခိုင်ပြည်နယ် တောင်ပိုင်းမြို့နယ်၏ မဲဆန္ဒနယ်မြေတချို့ ၌သာ ကျင်းပ နိုင်ခဲ့သည်။ အစဉ်အလာအရ ရခိုင်လူမျိုးကိုယ်စားပြု ပါတီများသာ အနိုင်ရလေ့ရှိသော ရခိုင်မြောက်ပိုင်းနယ်မြေများကို ချန်လှပ်ပြီး ပြည်မကြီးပါတီများ အနိုင်ရလေ့ရှိသော တောင်ပိုင်းနယ်များ၌ ရွေးကောက်ပွဲ ကျင်းပလာခြင်းမှာ ရခိုင်ပါတီခေါင်းဆောင်များ အတွက် မေးခွန်းထုတ်စရာ ဖြစ်ခဲ့ရသည်။ ရခိုင်တောင်ပိုင်း မြို့နယ်များတွင် ရခိုင်လူမျိုးကိုယ်စားပြုပါတီများ အလဲလဲအပြိုပြို ထပ်မံရှုံးနိမ့်ဦးမည်ဟုလည်း ထင်ကြေးပေးခြင်းလည်း ခံခဲ့ရသေးသည်။ သို့သော် နိုဝင်ဘာလ ၈ ရက်နေ့ ည၌ ရွေးကောက်ပွဲရလဒ်များထွက်ပေါ်လာချိန်တွင်မူ ရခိုင်တောင်ပိုင်းမြို့နယ်အများစုကို ရခိုင် ပါတီများက အနိုင်ရရှိသွားခဲ့သည်။ ဆယ်စုနှစ်ပေါင်း များစွာ ရခိုင်ပါတီများ ရှုံးနိမ့်ခဲ့သော ရခိုင်တောင်ပိုင်း နယ်မြေများ၌ ပထမဦးဆုံး အောင်နိုင်ခြင်းအဖြစ် မှတ်တမ်းဝင်သွားခဲ့ရလေသည်။ 
(နှစ်) 
ရခိုင်ပြည်နယ်၏ နိုင်ငံရေးသည် အမျိုးသား ရေးကို အခြေပြုထားသောနိုင်ငံရေးဟု ဆိုနိုင်သည်။ ရခိုင်လူမျိုးတို့၏ ဘာသာစကား၊ ကိုးကွယ်ရာ၊        ယဉ်ကျေးမှုထုံးတမ်းစဉ်လာက္ခဏာများနှင့် ရခိုင့် အတိတ်သမိုင်း၏ ခန်းနားကြီးကျယ်ခဲ့ပုံများအပေါ်တွင် အခြေခံသော အမျိုးသားနိုင်ငံရေးတစ်ခုဖြစ် သည်။ တစ်မျိုးသားလုံး၏ ဘုံအကျိုးစီးပွားကို ဗဟိုပြုထားသော အမျိုးသားနိုင်ငံရေးအဖြစ် တွေ့မြင် နိုင်သည်။ သို့သော် တကယ့်မြေပြင်အနေအထားကို ပြန်ကြည့်မည်ဆိုပါက ရခိုင့်နိုင်ငံရေးထဲတွင် တောင်ပိုင်းအမျိုးသားနိုင်ငံရေးနှင့် မြောက်ပိုင်းအမျိုးသားနိုင်ငံရေး ဟူ၍ နှစ်မျိုးကွဲပြားနေခဲ့သည်ကို တွေ့ရှိကြရမည် ဖြစ်သည်။ ရခိုင်ပြည်နယ်မြောက်ပိုင်းမြို့နယ်များသည် ရှေးရခိုင်ဘုရင်များ ထီးနန်းစိုက်ထူခဲ့ကြရာ ဗဟိုနယ်မြေများဖြစ်၍ ထိုနယ်မြေအတွင်း နေထိုင်သူ များမှာ ရခိုင်အမျိုးသားရေးစိတ်ဓာတ်နိုးကြားမှု အလွန် အားကောင်းသည်။ သို့သော် ရခိုင်တောင်ပိုင်းမြို့နယ် အများစုတွင် ရခိုင်အမျိုးသားရေးလက္ခဏာမှာ ပျော့ပြောင်းညင်သာသည်။ ရခိုင်တောင်ပိုင်းသား အများစုကို ပြည်မဘက်သို့ တိမ်းညွတ်သူများအဖြစ် မြောက်ပိုင်းနေပြည်သူအများစုက အမြင်ရှိသည်။ ထို့အပြင် တောင်ပိုင်းသားအများစုကလည်း ရခိုင် မြောက်ပိုင်းနေ ပြည်သူအများစုကို ကွန်ဆာဗေးတစ် များဟု အစဉ်အဆက် သတ်မှတ်မှုရှိခဲ့သည်။ 
‘စင်စစ် ရခိုင်ပြည်နယ် မြောက်ပိုင်းမြို့နယ်များ သည် ထူးချွန်ထက်မြက်သော ရခိုင့်နိုင်ငံရေးခေါင်းဆောင်များ ထွန်းကားခဲ့ရာ နယ်မြေများဖြစ်သည်။ ထို့အပြင် ရခိုင့်နိုင်ငံရေးဆိုသည်မှာလည်း ရခိုင်မြောက်ပိုင်းကို ဗဟိုပြုသောနိုင်ငံရေးအဖြစ်သာ ခေတ်အဆက်ဆက် တွင် အမြုတေနေခဲ့သည်။ 
ရခိုင်တစ်မျိုးသားလုံးကိုကိုယ်စားပြုသော နိုင်ငံရေးဟု မည်မျှပင်ဆိုစေကာမူ ရခိုင်ပြည်နယ်တောင်ပိုင်းသို့တိုင် ထိုးဖောက်ဝင်ရောက် နိုင်ခြင်းမရှိခဲ့ချေ။ ရခိုင်တောင်ပိုင်းကို လွှမ်းခြုံနိုင်ရန် ကြိုးစားခြင်းမျိုး မရှိခဲ့သည်ကို တွေ့နိုင်သည်။ ရခိုင့်နိုင်ငံ ရေးသမိုင်းကို ပြန်ကြည့်မည်ဆိုပါက အရည်အချင်း ပြည့်ဝသော ရခိုင့်ခေါင်းဆောင်များသည် နိုင်ငံရေးပါတီများနှင့် အသင်းအဖွဲ့များစွာကို ဖွဲ့စည်းတည်ထောင် ခဲ့ကြသော်လည်း ရခိုင်မြောက်ပိုင်းနှင့် တောင်ပိုင်းကို တစ်စုတစ်စည်းတည်း စည်းရုံးနိုင်ခြင်း အားနည်းခဲ့ကြသည်ကို တွေ့ရှိရမည်ပင် ဖြစ်သည်။ 
(သုံး)  
အင်္ဂလိပ်နယ်ချဲ့တို့လက်အောက်တွင် နေခဲ့ရ ချိန် ၁၉၁၈ ခုနှစ်မှတွင် တည်ထောင်ခဲ့ကြသော ရခိုင်အသင်း (Arakan Assiociation) မှစတင်ကာ ၁၉၁၀ ခုနှစ်တွင် ရက္ခပူရအသင်း၊ ၁၉၂၂ တွင် ရခိုင် သံဃာ့သမဂ္ဂီအသင်း၊ ၁၉၃၀ တွင် ဦးမြထွန်းအောင် နှင့် ဦးစံထွန်းအောင်တို့ ဦးစီးကြသော ရခိုင်တိုင်းလုံး ဆိုင်ရာ ကြီးပွားရေးအဖွဲ့ချုပ်နှင့် ရခိုင်တိုင်းရင်းသား အစည်းအရုံး (Arakan National Congress) အဖွဲ့အစည်းနှစ်ခုကိုပေါင်းကာ ရခိုင်တိုင်းလုံးဆိုင်ရာ တိုင်းရင်းသားအစည်းအရုံး  (All Arakan National Congress)၊ ၁၉၃၇ ခုနှစ်တွင် ဆာထွန်းအောင် ကျော်၊ ဦးအောင်ဇံဝေ၊ ဦးမောင်ထွန်းအောင်ကျော်နှင့် ကသက ဦးဖိုးမြ စသော ခေတ်ပညာတတ်ပုဂ္ဂိုလ်များ ဖွဲ့စည်းတည်ထောင်ခဲ့ကြသော အာရကန်ပါတီ (Arakan Party)၊ ၁၉၄၇ ခုနှစ်တွင် ရခိုင်ဆိုရှယ်လစ် ပါတီ၊ ပြည်သူ့ ရဲဘော် (အဖြူ၊ အဝါ)၊ ၁၉၅၂ ခုနှစ်တွင် တစ်သီးပုဂ္ဂလပါလီမန်အမတ်များအဖွဲ့၊ ၁၉၅၃ ခုနှစ် တွင် ရခိုင်တိုင်းရင်းသားညီညွတ်ရေးအဖွဲ့ (ရ.တ.ည)၊ ၁၉၅၅ ခုနှစ်တွင် ရခိုင်တိုင်းရင်းသားအစည်းအရုံး၊ ၁၉၅၆ ခုနှစ်တွင် ဒီမိုကရေစီသစ်ပါတီ၊ ၁၉၅၈ ခုနှစ် တွင် ရခိုင်အမျိုးသားညီညွတ်ရေးတပ်ပေါင်းစုနှင့် ရာဟုပါတီ၊ ၁၉၅၉ ခုနှစ်တွင် ရခိုင်ကွန်မြူနစ်ပါတီ (ACP)၊ ၁၉၆၀ ခုနှစ်တွင် ရခိုင်တိုင်းရင်းသားလူမျိုး များ အစည်းအရုံးနှင့်  ၁၉၈၈ ခုနှစ်တွင် ဒေါက်တာ စောမြအောင်ဖွဲ့စည်းခဲ့သော ရခိုင်ဒီမိုကရေစီအဖွဲ့ချုပ် (ALD) စသော နိုင်ငံရေးနှင့် လူမျိုးရေးအဖွဲ့အစည်း များ ပေါ်ပေါက်ခဲ့သော်လည်း နေရာဒေသအနှံ့အပြားမှ ရခိုင်တစ်မျိုးသားလုံးကို ကိုယ်စားပြုနိုင်ခြင်း မရှိခဲ့ချေ။ ALD ပါတီသည် စစ်အစိုးရလက်ထက် ၁၉၉၀ ခုနှစ်ရွေးကောက်ပွဲကို ဝင်ရောက်ယှဉ်ပြိုင်ခဲ့ပြီး ရခိုင်ပြည်နယ်ထဲတွင် အမတ်နေရာ (၁၁) နေရာ အထိ အနိုင်ရရှိခဲ့သော်လည်း ရခိုင်တောင်ပိုင်းမြို့နယ် များသို့ ထိုးဖောက်နိုင်စွမ်းမရှိခဲ့ချေ။  
၂၀၁၀ ခုနှစ် နောက်ပိုင်းကာလများတွင်မူ ရခိုင့် နိုင်ငံရေးရေစီးသည် တစ်မျိုးတစ်ဖုံ ကွဲထွက်လာခဲ့ သည်ကို တွေ့ရသည်။ ယခင်ကာလများက ရခိုင်မြောက်ပိုင်း ကိုသာ ဗဟိုပြုလည်ပတ်ခဲ့ကြသော ပါတီနိုင်ငံရေး သည် ရခိုင်တောင်ပိုင်းမြို့နယ်များဆီသို့ အားသွန် ခွန်စိုက် စီးဆင်းလာခဲ့သည်ကို မြင်တွေ့ရ၏။ အထူးသဖြင့် ၂၀၁၀ ရွေးကောက်ပွဲကို ဝင်ရောက်ယှဉ်ပြိုင်ခဲ့သော ရခိုင်တိုင်းရင်းသားတိုးတက်ရေးပါတီ (RNDP) နှင့် ၂၀၁၅ ခုနှစ် ရွေးကောက်ပွဲကို ဝင်ရောက်ယှဉ်ပြိုင် ခဲ့ကြသော ရခိုင်အမျိုးသားပါတီ (ANP) တို့၏ လက်ထက်တွင်မူ ရခိုင်တောင်ပိုင်းနှင့် မြောက်ပိုင်း၏ အမျိုးသားနိုင်ငံရေးရေချိန်ကို ညှိယူလာနိုင်ခဲ့သည်ကို မြင်တွေ့ရသည်။ သို့သော် ၂၀၁၅ ခုနှစ်ထိတိုင်အောင် ရခိုင့်ခေါင်းဆောင်နှင့် ရခိုင်ပါတီများသည် ရခိုင် ပြည်နယ် တောင်ပိုင်းမြို့နယ်များကို ရွေးကောက်ပွဲ ဖြင့် အနိုင်မယူနိုင်ခဲ့ချေ။ ဆယ်စုနှစ်ပေါင်းများစွာ ပြည်မပါတီ ပါတီကြီးများ၏ကြီးစိုးထားမှုကို ချေဖျက်နိုင် ခြင်း မရှိခဲ့ပေ။ လက်ရှိ ၂၀၂၀ ခုနှစ်တွင် ကျင်းပပြီးစီးခဲ့သော ပါတီစုံအထွေထွေရွေးကောက်ပွဲတွင်မူ ရခိုင် ပါတီများသည် ပြည်မကြီးပါတီကြီးများ၏ အောင်မြေ (သို့မဟုတ်) ရခိုင်ပြည်နယ်တောင်ပိုင်းတွင် ယှဉ်ပြိုင် ခဲ့ရသော်လည်း အောင်နိုင်ခြင်းသမိုင်းမှတ်တိုင် တစ်ခုကို အခိုင်အမာစိုက်ထူသွားနိုင်ခဲ့သည်။ ရခိုင် ပြည်နယ်တောင်ပိုင်းတွင် ရခိုင်ပါတီများ၏ ရှုံးကြွေးသမိုင်းကို ရပ်တန့်ပစ်နိုင်ခဲ့လေသည်။ 
(လေး)
“၂၀၁၅ ခုနှစ်မှာ ရခိုင်အမျိုးသားပါတီက အနိုင်ရရှိခဲ့တဲ့ မြို့နယ်-၉ မြို့နယ်ကို ၂၀၂၀ ရွေးကောက်ပွဲ ကျင်းပခွင့် ပိတ်ပင်လိုက်တာဟာ ရခိုင်အမျိုးသား ပါတီနဲ့ ပြည်သူတွေကို ဖိနှိပ်ခြင်းတစ်မျိုး၊ တရားမျှတမှု မရှိတဲ့ လုပ်ရပ်လို့ ပြည်သူက ထင်မြင်ယူဆလာတယ်။ အဲဒီအကြောင်းအရင်းတွေကို အခြေခံပြီးတော့ တောင်ကုတ် တို့ မာန်အောင်တို့မှာ အမျိုးသားရေးစိတ်ဓာတ် ပိုမို တကြွ်ကလာစေပြီး အနိုင်ရရှိခဲ့တာလို့ မြင်ပါတယ်”
ရခိုင်ပြည်နယ်၊ တောင်ကုတ်မြို့ပေါ်နှင့် မာန်အောင် မြို့တို့တွင် ရခိုင်အမျိုးသားပါတီ (ANP) က ရွေးကောက်ပွဲ အနိုင်ရရှိခဲ့ခြင်း အကြောင်းတရားကို ရခိုင်အမျိုးသားပါတီ၏ ပြောရေးဆိုခွင့်ရှိသူ ဦးထွန်းအောင်ကျော် ပြောပြသော စကားများပင် ဖြစ်သည်။ ရခိုင်အမျိုးသားပါတီ(ANP) သည် ၂၀၁၅ ရွေးကောက်ပွဲအလွန်ကာလမှစတင်ကာ လာမည့် ရွေးကောက်ပွဲများ၌ ရခိုင်ပြည်နယ်အတွင်းရှိ မြို့နယ် ၁၇ မြို့နယ်လုံးကို အနိုင်ရရှိရန် ပြင် ဆင်လာခဲ့ကြောင်း ဦးထွန်းအောင်ကျော်က ဆိုသည်။ ထို့အပြင် ၂၀၁၉ ခုနှစ်မှစတင်ကာ ပါတီတွင်း၌ လူငယ်များကို နေရာပေးမှု အများအပြားရှိခဲ့ကြောင်း သူကဆိုသည်။ သံတွဲနှင့် ဂွမြို့နယ်များတွင် ရခိုင်ပါတီများ ဆက်လက်ရှုံးနိမ့် ခဲ့ခြင်းနှင့်ပတ်သက်၍ ထိုမြို့နယ်များတွင် အောင်နိုင်ရန်အတွက် အမျိုးသားရေးတစ်ခုတည်းကို ဇောင်းပေး လုပ်ဆောင်ခြင်းမျိုးမဟုတ်ဘဲ အခြားသော အခြေ အနေများကို ထည့်သွင်းစဉ်းစားကာ မူဝါဒများ ပြောင်းလဲချမှတ်နိုင်ရန် လိုအပ်သေးကြောင်း သူကဆိုသည်။ 
(ငါး) 
“ရခိုင်ပြည်နယ်တောင်ပိုင်းဖြစ်တဲ့ တောင်ကုတ် မြို့ပေါ်မှာ ရခိုင်အမျိုးသားပါတီက အနိုင်ရရှိခဲ့တာနဲ့ ပတ်သက်လို့ ပြောစရာ နှစ်ချက်ရှိပါတယ်။ ပထမ တစ်ချက်က ၂၀၁၅ ရွေးကောက်ပွဲမှာ ရခိုင်လူထုက အာဏာရှင်စနစ်နဲ့ အာဏာရှင်အစိုးရကို တိုက်ထုတ် နိုင်မယ့်အစိုးရဟာ အမျိုးသားဒီမိုကရေစီအဖွဲ့ချုပ် ပါတီ (NLD) ပဲရှိတယ်ဆိုပြီးတော့ မဲ ပုံအောပေးခဲ့ ကြတယ်။ ဒီမိုကရေစီအစိုးရ၊ လူ့အခွင့်အရေးအစိုးရ အဖြစ် ရည်မှန်းပြီးတော့ NLD ကို ပုံ အောခဲ့ကြ တယ်။ ဒါပေမဲ့ ပြည်သူလူထု မျှော်မှန်းတာတွေ ဖြစ်မလာခဲ့ဘူး။ နောက်တော့ ရွေးကောက်ခံ အာဏာရှင် အစိုးရလိုမျိုး လူထုက ရှုမြင်လာပြီးတော့ NLD အစိုးရ ကို စိတ်ပျက်လာကြတယ်။ 
ဒုတိယတစ်ချက်က ရခိုင် အမျိုးသားရေးလှိုင်းကလည်း တက်လာချိန်နဲ့ သွားတိုး တော့ ရခိုင်အမျိုးသားပါတီက ပြတ်ပြတ်သား အနိုင်ရရှိခဲ့ တယ်လို့ပဲ ထင်ပါတယ်”
တောင်ကုတ်မြို့နယ် ရခိုင်အမျိုးသားပါတီ ANP ၏ ဥက္ကဋ္ဌဖြစ်သူ ဦးသန်းဝင်းက ပြောပြသော စကားများပင်ဖြစ်သည်။ ဦးသန်းဝင်းသည် ၂၀၂၀ ရွေးကောက်ပွဲကို အမျိုးသားလွှတ်တော်မဲဆန္ဒနယ်မှ ဝင်ရောက်ယှဉ်ပြိုင်ကာ အနိုင်ရရှိခဲ့သူလည်း ဖြစ်သည်။ တောင်ကုတ်မြို့နယ် ပြည်သူ့လွှတ်တော် မဲဆန္ဒနယ်မှ ဝင်ရောက်ယှဉ်ပြိုင်၍ အနိုင်ရရှိလာခဲ့သူ ဒေါ်လှသက်စိုးက တောင်ကုတ်မြို့နယ်တွင် ANP ပါတီ အနိုင်ရရှိခဲ့ခြင်းမှာ တောင်ကုတ်လူထုတို့ထံတွင် ရခိုင်အမျိုးသားရေးစိတ် မြင့်တက်လာမှုကြောင့် အနိုင်ရခြင်းဖြစ်ကြောင်းဆိုသည်။ ရခိုင်လူမျိုးတို့၏ ရပိုင်ခွင့်နှင့် လုပ်ပိုင်ခွင့်တို့ကို ရခိုင်လူမျိုးတို့ကသာ လုပ်ပေးနိုင်လိမ့်မည်ဆိုသောအသိစိတ်များ ဝင်လာ ကြခြင်းကြောင့် ANP အနိုင်ရရှိခြင်းဟု သုံးသပ်ပြသည်။ 
တောင်ကုတ်မြို့၊ ပြည်နယ်လွှတ်တော်မဲဆန္ဒနယ် အမှတ်-၂ မှ ဝင်ရောက်ယှဉ်ပြိုင် အနိုင်ရရှိခဲ့သူ ဒေါ်ခင်မျိုးယဉ်ကလည်း ANP ပါတီအနိုင်ရရှိခဲ့ခြင်း မှာ ပြည်သူလူထု၏ ရခိုင်အမျိုးသားရေးစိတ်ဓာတ် မြင့်မားလာခြင်း၊ နိုင်ငံရေးအသိစိတ် မြင့်မားလာခြင်း နှင့် ရခိုင်အမျိုးသားပါတီအပေါ်တွင် ယုံကြည်မှု ပိုမို မြင့်မားလာခြင်းကြောင့်ဟု ယုံကြည်ကြောင်း ဆိုသည်။ မည်သို့ပင်ဆိုစေ ၂၀၂၀ ရွေးကောက်ပွဲတွင် ရခိုင် အမျိုးသားပါတီ ANP သည် ပြည်မကြီးပါတီများ၏ ဆယ်စုနှစ်ပေါင်းများစွာ လွှမ်းမိုးထိန်းချုပ်ထားနိုင်ခဲ့သော နိုင်ငံရေးသမိုင်းတစ်ခုကို ပထမဦးဆုံး အကြိမ် အဖြစ် ချိုးဖျက်ပစ်နိုင်ခဲ့လေသည်။
သို့သော် ပြည်သူလူထုရွေးချယ်တင်မြှောက်လိုက်သော ကိုယ်စားလှယ်လောင်းများ၏ အတွေ့အကြုံ၊ အရည်အချင်းနှင့် တာဝန်ယူတာဝန်ခံမှုတို့ကိုမူ လာမည့် နိုင်ငံရေးဇာတ်ခုံပေါ်တွင် ဆက်လက် စောင့်ကြည့်ကြ ရမည်ပင် ဖြစ်၏။ ထို့အပြင် ရခိုင်အမျိုးသားပါတီ အနေနှင့် ၂၀၂၀ ခုနှစ်တွင် ရေးထိုးနိုင်ခဲ့သော ရခိုင် တောင်ပိုင်းသမိုင်းသစ်ကို မည်သည့်အချိန်အထိ ဆက်လက် ထိန်းသိမ်းနိုင်မည်ကိုလည်း ဆက်လက် စောင့်ကြည့်ကြရမည်ဖြစ်သည်။ လက်ရှိအချိန်တွင် တော့ ၂၀၂၀ ခုနှစ်၊ နိုဝင်ဘာလ ၈ ရက်နေ့သည် ရခိုင် တောင်ပိုင်းနိုင်ငံရေးနှင့် ရခိုင်မြောက်ပိုင်းနိုင်ငံရေး တို့ကို အောင်မြင်စွာပေါင်းစည်းနိုင်သော နေ့တစ်နေ့ အဖြစ် ရုပ်လုံးပေါ်လာခဲ့သည်။ ရခိုင်တောင်ပိုင်း မြို့နယ်များမှ ရခိုင်ပါတီများ၏ နိုင်ငံရေးရှုံနိမ့်မှုကို အဆုံးသတ်ကာ သမိုင်းသစ်နိဒါန်းကို ရေးထိုးနိုင်ခဲ့ ကြပြီဟုဆိုရမည်ပင် ဖြစ်လေတော့သည်။  
ရက္ခ 

Source : The Voice