နည်းပြဂွါဒီယိုလာ မန်စီတီးအသင်းနှင့်  ၂ နှစ်သက်တမ်းတိုး

မန်စီတီးနည်းပြ ပက်ဂွာဒီယိုလာဟာ အသင်းနဲ့စာချုပ်ကို ၂ နှစ်သက်တမ်းတိုးဖို့ သဘောတူညီမှုရရှိခဲ့ကာ ၂၀၂၃ ခုနှစ်နွေရာသီအထိ မန်စီတီးအသင်းမှာ ဆက်ရှိနေတော့မှာဖြစ်ပါတယ်။

ဒီသဘောတူညီချက်ကြောင့် ဂွါဒီယိုလာရဲ့ နည်းပြသက်တမ်းအတွင်း မန်စီတီးအသင်းမှာ အချိန်အကြာဆုံး နည်းပြခဲ့မှုအဖြစ်လည်း သတ်မှတ်ရမှာဖြစ်ပါတယ်။ 

နိုင်ငံတကာသီတင်းပတ်ကြောင့် ကလပ်ပွဲစဉ်တွေရပ်နားထားရစဉ်အတွင်း ဂွါဒီယိုလာနဲ့ မန်စီးတီးအသင်းတာဝန်ရှိသူတွေအကြား စာချုပ်နဲ့ ပတ်သက်လို့ ဆွေးနွေးခဲ့တာဖြစ်ပြီး အခုသဘောတူညီချက်က မန်စီတီးပရိသတ်တွေအတွက် ဝမ်းမြောက်စေမှာအသေအချာပါပဲ။ ဂွါဒီယိုလာဟာ မန်စီတီးအသင်းနဲ့အတူ ဖလား ၈ လုံး ဆွတ်ခူးထားသူလည်း ဖြစ်ပါတယ်။

ဂွါဒီယိုလာက “ကျနော်မန်စီတီးအသင်းကို စရောက်ချိန်ကတည်းက ကလပ်အသင်း၊ မန်ချက်စတာမြို့နဲ့ အသင်းကစားသမားတွေ၊ ဝန်ထမ်းတွေ၊ အားပေးသူတွေ၊ မြို့ခံတွေအပြင် ဥက္ကဋ္ဌနဲ့ အသင်းပိုင်ရှင်တို့ကည်း ကျနော့်ကို ကြိုဆိုနေတယ်လို့ ခံစားရပါတယ်။ အဲ့အချိန်ကစပြီးတော့ ကျနော်တို့ဟာ ကောင်းမွန်တဲ့ကိစ္စအပြင် ဂိုးတွေ၊ နိုင်ပွဲတွေနဲ့ ဆုဖလားတွေကို အတူတကွ အောင်နိုင်ခဲ့ကြပါတယ်။ အဲ့ဒီအတွက်လည်း ဝမ်းသာဂုဏ်ယူမိပါတယ်။ ဒီလိုအထောက်အပံ့မျိုးက မန်နေဂျာတဦးအတွက် အရေးကြီးဆုံးပါ။ ကျနော့်နည်းပြ အလုပ်အတွက် လိုအပ်တဲ့ အရာမှန်သမျှကို ဒီမှာရရှိနေပါတယ်။ နောက်ပိုင်းအသင်းပိုင်ရှင်၊ ဥက္ကဋ္ဌတို့ရဲ့ယုံကြည်မှုကြောင့်လည်း ဒီမှာနောက် ၂ နှစ်ထပ်နေဖို့ ဆုံးဖြတ်ခဲ့တာဖြစ်ပါတယ်။ ကျနော့်အတွက်နောက်ထပ်စိန်ခေါ်မှုက အသင်းကို တိုးတက်လာဖို့ ဆင့်ကဲပြောင်းလဲလာဖို့အတွက်ဖြစ်ပြီး မန်စီတီးအသင်းကို ဒီလိုမျိုးကူညီရမှာဖြစ်တာကြောင့် စိတ်လှုပ်ရှားမိပါတယ်” လို့ ပြောပါတယ်။

ဂွါဒီယိုလာကို စာချုပ်သက်တမ်း တိုးမြှင့်နိုင်ခဲ့တဲ့အတွက် ဝမ်းသာမိကြောင်းနဲ့ မန်စီတီးပရိသတ်တွေလည်း ဝမ်းသာမယ်လို့ထင်ကြောင်း အသင်းဥက္ကဋ္ဌ ခဲလ်ဒွန်းမူဘာရတ်က ပြောပါတယ်။

Source : DVB