ဒဂုံဆိပ်ကမ်းမြို့နယ်၌ ကလေးငယ်များအား ညှဉ်းပန်းနှိပ်စက် ခိုင်းစေသည့် တရုတ်လုပ်ငန်းရှင် ဖမ်းဆီးခံရ

ရန်ကုန်တိုင်း၊ ဒဂုံဆိပ်ကမ်းမြို့နယ်၊ (၈၇) ရပ်ကွက်မှာ ကလေးငယ်တွေကို လှောင်ပိတ်ထားပြီး ညှဉ်းပန်းနှိပ်စက် အလုပ်ခိုင်းစေတဲ့ တရုတ်လုပ်ငန်းရှင်ကို   နိုဝင်ဘာ ၂၀ ရက် နေ့လည် ၁၂ နာရီဝန်းကျင်က ရဲတပ်ဖွဲ့က ဝင်ရောက်ဖမ်းဆီးခဲ့တယ်လို့  ရပ်ကွက်နေ မျက်မြင်သက်သေတစ်ယောက်က  ပြောပါတယ်။

ပေါက်စီနဲ့ ပေါင်မုန့်လုပ်ငန်းလုပ်ကိုင်တဲ့ တရုတ်လုပ်ငန်းရှင်တွေဟာ ကလေးငယ်တွေကို ငှားရမ်း အလုပ်ခိုင်းစေတာဖြစ်ပြီး  ကလေးငယ်တွေထဲမှာ အသက် ၁၈ နှစ်အရွယ်က အကြီးဆုံးဖြစ်တယ်လို့ ဆိုပါတယ်။

ကလေးငယ် ၁၈ ယောက်ကိုတော့ မနေ့ညက ရဲတပ်ဖွဲ့ကခေါ်သွားကာ ဒီမနက်မှာတော့ တရုတ်လုပ်ငန်းရှင် ၇ ယောက်လောက်ကို ရဲတပ်ဖွဲ့က  ဖမ်းဆီးသွားတာလို့ ရပ်ကွက်နေ မျက်မြင်သက်သေက ဒီဗွီဘီကို ပြောပါတယ်။

မနေ့က ညှဉ်းပန်းနှိပ်စက်ခံရတဲ့ ယောက်ျားလေးတစ်ဦးကထွက်ပြေးလာပြီး ပြည်သူ့လွှတ်တော်ကိုယ်စားလှယ် ဦးမြစိန်ကို အကူအညီတောင်းတဲ့အတွက် ရဲစခန်း၊ လဝက၊ စည်ပင်စတဲ့ သက်ဆိုင်ရာဌာနအသီးသီးကို အကြောင်းကြားခဲ့တယ်လို့  ဦးမြစိန်ကပြောပါတယ်။

ထွက်ပြေးလာတဲ့ယောက်ျားလေးက သူ့ရဲ့ညီမဖြစ်သူကို ခေါ်ထုတ်ချင်ပေမယ့်  ပေးမထွက်ခိုင်းတဲ့ အတွက် ရပ်ကွက်နေ ပြည်သူ ၁၀၀ ကျော်လောက်က လူစုလူဝေးနဲ့ ရောက်လာခဲ့တယ်လို့လည်း  ဦးမြစိန်က ဆက်ပြောပါတယ်။

အဆိုပါအဆောက်အအုံမှာ လုပ်ငန်းလိုင်စင်ရှိမရှိနဲ့တခြားကိစ္စတွေ မေးမြန်းဖို့ ဒီနေ့မနက် ၁၀ နာရီလောက်က စည်ပင်သာယာရေးကော်မတီ ဖိတ်ခေါ်ထားပေမဲ့ တရုတ်လုပ်ငန်းရှင်တွေ ရောက်မလာခဲ့ဖူးလို့ စည်ပင်သာယာရေး ကော်မတီအဖွဲ့ဝင်(၁) ဦးကျော်သူအောင်က ပြောပါတယ်။

ဒီဖြစ်ရပ်နဲ့ပတ်သက်ပြီး အသေးစိတ်ပိုမိုသိရဖို့နဲ့ ကလေးငယ်တွေကို အလုပ်ခိုင်းစေတဲ့ တရုတ်လုပ်ငန်းရှင်တွေကို ဘယ်လို အရေးယူဆောင်ရွက်မလဲဆိုတာသိရဖို့ ရဲတပ်ဖွဲ့ကို ဒီဗွီဘီက  ဆက်လက်စုံစမ်းမေးမြန်းနေဆဲ ဖြစ်ပါတယ်။

သတင်း- အိသဇင်ခိုင်

Source : DVB