
လီဗာပူးလ်နည်းပြ အာနယ်ဆလော့က မိမိအနေဖြင့် ဖူလ်ဟမ်နှင့်ပွဲတွင် ကွင်းလယ်ဒိုင်အား လွှမ်းမိုးရန် ကြိုးစားခဲ့ကြောင်း ဝန်ခံပြောကြားခဲ့သည်။
ဒီဇင်ဘာ (၁၄)ရက်က ကစားခဲ့သည့် ပရီးမီးယားလိဂ်ပွဲစဉ် လီဗာပူးလ် (၂-၂) ဖူလ်ဟမ်ပွဲတွင် ကာတစ်ဂျုံးစ် အဝါကတ်အပြခံရခြင်းကို ဒေါသထွက်ခဲ့သည့်အတွက် လီဗာပူူးလ်နည်းပြ အာနယ်ဆလော့သည် ကွင်းလယ်ဒိုင်၏ အဝါကတ်ပြသတိပေးခြင်းကို ခံခဲ့ရသည်။
ယင်းအဝါကတ်မှာ ယခုရာသီတွင် အာနယ်ဆလော့အတွက် တတိယမြောက်အဝါကတ်ဖြစ်သည့်အတွက် တစ်ပွဲပယ်ခံခဲ့ရပြီး ဆောက်သမ်တန်နှင့်ကစားခဲ့သည့် လိဂ်ဖလား ကွာတားဖိုင်နယ်ပွဲစဉ်ကို လွဲချော်ခဲ့ရသည်။ ယခုအခါ အာနယ်ဆလော့က မိမိအနေဖြင့် ဖူလ်ဟမ်နှင့်ပွဲ၌ ကွင်းလယ်ဒိုင်ကို လွှမ်းမိုးရန်ကြိုးပမ်းခဲ့ပြီး ယင်းလုပ်ရပ်မှာ မမှန်ကြောင်းဝန်ခံခဲ့ခြင်းဖြစ်သည်။
ဆလော့က "ကွင်းလယ်ဒိုင်ကို လွှမ်းမိုးနိုင်ဖို့ ကျွန်တော် ကြိုးစားခဲ့ပါတယ်။ ကျွန်တော် ဒီ(အင်္ဂလန်)မှာ အမှားလုပ်ခဲ့တာ (၂) ခါ ရှိပါပြီ။ တစ်ကမ္ဘာလုံးက ကိုယ်နဲ့ဆန့်ကျင်နေတယ်လို့ ခံစားရတဲ့အခါ မမှန်ကန်တဲ့ဆုံးဖြတ်ချက်တွေ ထွက်လာနိုင်ပါတယ်။ ဒါပေမဲ့ ကျွန်တော့်အနေနဲ့ ကွင်းလယ်ဒိုင်ကို လွှမ်းမိုးကြိုးစားခဲ့ပေမဲ့ သူက သူ့အလုပ်ကိုပဲ ဆက်လုပ်ခဲ့တာပါ"ဟု ပြောကြားခဲ့သည်။