Eleven Media Group

ဗင်နီစီယပ်စ် ပြုံးနိုင်ခဲ့ပြီ

Photo : FIFA

ဗင်နီစီယပ်စ်က Ballon d'Or မှာ ရှုံးခဲ့ပေမဲ့ The Best မှာတော့ နိုင်ခဲ့ပြီလို့ ဆိုရမှာပါပဲ။ အင်္ဂါနေ့က ကျင်းပခဲ့တဲ့ The Best ဆုပေးပွဲမှာ ဗင်နီစီယပ်စ်က ၂၀၂၄ ခုနှစ်အတွက် ကမ္ဘာ့အကောင်းဆုံးကစားသမားဆု ရရှိခဲ့တာပါ။ ဒီဆုအတွက် အဓိကပြိုင်ဆိုင်ခဲ့ရတာက Ballon d'Or မှာ အရှုံးပေးခဲ့ရတဲ့ မန်စီးတီးကွင်းလယ်ကစားသမား ရိုဒရီနဲ့ပဲဖြစ်ပြီး ဒီတစ်ကြိမ်မှာတော့ ဗင်နီစီယပ်စ်က ၅ မှတ်အသာနဲ့ အနိုင်ရခဲ့တာပါ။ ဗင်နီစီယပ်စ်က ၄၈ မှတ်၊ ရိုဒရီက ၄၃ မှတ် ရရှိခဲ့တာဖြစ်ပါတယ်။ ဒီတစ်ကြိမ် ဗင်နီစီယပ်စ် အသာစီးရရှိသွားခဲ့တာကတော့ လက်ရွေးစင်အသင်းခေါင်းဆောင်တွေရဲ့ မဲပေးမှုမှာ ရိုဒရီထက်အပြတ်အသတ်သာလွန်ခဲ့တာကြောင့်လို့လည်း မီဒီယာတချို့က သုံးသပ်ခဲ့ပါတယ်။

မူရင်းသတင်း — Eleven Media Group