Eleven Media Group

■ မန်ယူအသင်းထံ ဆာဂျင်ရက်ကလစ်ဖ် ပေါင်(၇၉)သန်း ထပ်မံထည့်ဝင်

Photo: Getty Images

မန်ယူအသင်း၏ ပူးတွဲပိုင်ရှင်တစ်ဦးဖြစ် သည့် ဆာဂျင်ရက်ကလစ်ဖ်သည် အသင်းထံ ပေါင်(၇၉)သန်း ထပ်မံထည့်ဝင်ခဲ့ကြောင်း သိရ သည်။
ဆာဂျင်ရက်ကလစ်ဖ်သည် ယခုနှစ်အစောပိုင်းက မန်ယူအသင်း၏ ရှယ်ယာ(၂၇.၇) ရာခိုင်နှုန်းကို ပေါင်(၁.၂)ဘီလီယံဝန်းကျင်ဖြင့် ဝယ်ယူခဲ့သူဖြစ်သည်။

ယင်းကဲ့သို့ ဝယ်ယူခဲ့ခြင်း ကြောင့် ဆာဂျင်ရက်ကလစ်ဖ်သည် မန်ယူအသင်း၏ ဘောလုံးဆိုင်ရာ ကိစ္စရပ်များအား ဦးဆောင်လုပ်ကိုင်ခွင့်ရရှိခဲ့သည်။

၎င်းအနေဖြင့် မန်ယူအသင်းတွင် ပြုပြင်ပြောင်းလဲမှုများစွာ လုပ်ဆောင်ခဲ့ရာတွင် ဝန်ထမ်းအရေအတွက် လျှော့ချခြင်း၊ ဂန္ထဝင်နည်းပြ ဖာဂူဆန်အား သံတမန်အဖြစ်မှ ရပ်စဲခြင်းတို့ လုပ်ဆောင်ခဲ့သည့်အတွက် ပရိသတ်များ၏ ဝေဖန်ပြစ်တင်မှုများနှင့် ရင်ဆိုင်ခဲ့ရသည်။

သို့သော် ကွင်းသစ်တည်ဆောက်မည့် စီမံကိန်းနှင့် တန်ဟက်ဂ်နေရာ၌ အာမိုရင်မ်ကို ခန့်အပ်ခဲ့ခြင်းအတွက် ထောက်ခံမှုရရှိခဲ့ကြောင်း သိရသည်။

ဆာဂျင်ရက်ကလစ်ဖ်သည် ယခုအခါ ဂလေဇာမိသားစုနှင့် သဘောတူ ညီမှုရယူထားသည့်အတိုင်း နှစ်မကုန်မီ ပေါင် (၇၉)သန်း ထပ်မံရင်းနှီးမြှုပ်နှံခဲ့ခြင်းဖြစ်သည်။ ထို့ကြောင့် ၎င်း၏ ရှယ်ယာပိုင်ဆိုင်မှုမှာ (၂၈.၉) ရာခိုင်နှုန်းရှိလာကြောင်း သိရသည်။

၎င်းထည့်ဝင်ခဲ့သည့် ငွေကြေးမှာ ဇန်နဝါရီအပြောင်းအရွှေ့ကာလတွင် ကစားသမားခေါ်ယူမှုအတွက် အသုံးပြုရန် မဟုတ်ကြောင်း သိရသည်။

မူရင်းသတင်း — Eleven Media Group