ရန်ကုန်၊ဇူလိုင်-၂၁
တော်ဝင်ဓမ္မသဘင် တရားပွဲကြီးကို လာမည့် ဇူလိုင် ၂၇ ရက်မှ ၂၉ ရက်အထိ ရန်ကုန်မြို့ရှိ တော်ဝင်ဂါးဒင်းဟိုတယ်၊ တော်ဝင်မင်္ဂလာခန်းမ၌ ကျင်းပမည်ဖြစ်သည်။
အဆိုပါ တရားပွဲတွင် နာမည်ကျော် ဆရာတော်ကြီး သုံးပါးက သုံးရက်တိုင်တိုင် တရားဒေသနာတော်များ ဟောကြားသွားမည်ဖြစ်ကြောင်း သိရသည်။
ဇူလိုင် ၂၇ ရက် (တနင်္လာနေ့) ပထမည၌ ညနေ ၆ နာရီတွင် ဒေါက်တာဘဒ္ဒန္တနန္ဒမာလာဘိဝံသက တရားတော် ဟောကြားမည်ဖြစ်သည်။
ဇူလိုင် ၂၈ ရက် (အင်္ဂါနေ့): ည ၇ နာရီတွင် သီတဂူဆရာတော် ဒေါက်တာဘဒ္ဒန္တဉာဏိဿရက တရားတော် ဟောကြားမည်ဖြစ်သည်။
ဇူလိုင် ၂၉ ရက် (ဗုဒ္ဓဟူးနေ့): ည ၇ နာရီတွင် ဒေါက်တာဘဒ္ဒန္တဆေကိန္ဒက တရားတော် ဟောကြားမည်ဖြစ်သည်။
အဆိုပါ တရားပွဲကြီးသို့ တရားချစ်ခင်သူတော်စင်အပေါင်း ကြွရောက်နာယူနိုင်ကြောင်း ဖိတ်ကြားထားသည်။
