ငါးလနီးပါးကြာနေပြီဖြစ်တဲ့ ဒီပဋိပက္ခမှာ တရမ့်က သံတမန်ရေးနဲ့ စစ်ရေး ရွေးချယ်စရာတွေကို ချိန်ဆနေတယ်လို့ သိရပါတယ်။ အင်္ဂါနေ့မှာလည်း အစ္စရေးဝန်ကြီးချုပ် ဘင်ဂျမင် နေတန်ယာဟုက အိမ်ဖြူတော်ကို လာဖို့ရှိနေပါတယ်။ အစ္စရေးဝန်ကြီးချုပ်ဟာ အီရန်ခေါင်းဆောင်တွေနဲ့ အမေရိကန်တို့ ဆွေးနွေးနေတာကို ပြင်းပြင်းထန်ထန် ဝေဖန်သူတစ်ဦးဖြစ်ပြီး၊ အီရန်ကို ဆက်တိုက်ခိုက်ဖို့ အမေရိကန်ကို ဖိအားပေးနေသူလည်း ဖြစ်ပါတယ်။
နေတန်ယာဟု ကိုယ်တိုင်ကလည်း လာမယ့် အောက်တိုဘာလ ရွေးကောက်ပွဲမတိုင်ခင်မှာ သူဦးဆောင်နေတဲ့ အီရန်နဲ့ လက်ဘနွန်က ဟစ်ဇ်ဘိုလာတွေအပေါ် စစ်ရေးလှုပ်ရှားမှုတွေကနေ ရလဒ်ကောင်းတွေ ထွက်လာတယ်ဆိုတာကို ပြသဖို့ နိုင်ငံရေးအရ ဖိအားတွေ အတော်လေး ရင်ဆိုင်နေရပါတယ်။
