အသက် ၁၂၀ နှစ်အရွယ် အဘိုးဦးစိန်ငွေအား နိုင်ငံတော်သမ္မတ၏ ဂါရဝပြုလှူဒါန်းငွေ ပေးအပ်လှူဒါန်း

ကျုံပျော်၊ ဩဂုတ်-၁၁

ဧရာဝတီတိုင်းဒေသကြီး၊ ကျုံပျော်မြို့နယ်၊ သဖန်းချောင်းကျေးရွာတွင် နေထိုင်သည့် အသက် ၁၂၀ နှစ်ရှိ အဘိုးဦးစိန်ငွေအား နိုင်ငံတော်သမ္မတ၏ ဂါရဝပြုလှူဒါန်းငွေ ပေးအပ်ပွဲအခမ်းအနားကို ယနေ့ (သြဂုတ် ၁၁ ရက်) က အဆိုပါကျေးရွာရှိ အဘိုး၏နေအိမ်၌ ကျင်းပခဲ့သည်။

အခမ်းအနားတွင် ဧရာဝတီတိုင်းဒေသကြီး ဝန်ကြီးချုပ် ဦးအေးကျော်နှင့် တာဝန်ရှိသူများက သွားရောက်ဂါရဝပြုတွေ့ဆုံကာ နိုင်ငံတော်သမ္မတ၏ ဂါရဝပြုလှူဒါန်းငွေများကို လက်
ဝယ်အရောက် ပေးအပ်လှူဒါန်းခဲ့ကြသည်။

ထို့ပြင် တိုင်းဒေသကြီးအစိုးရအဖွဲ့မှ လှူဒါန်းသည့် ဆန်၊ ဆီ နှင့် အာဟာရဖြည့် စားသောက်ဖွယ်ရာများကိုလည်း ထောက်ပံ့လှူဒါန်းခဲ့ကြပြီး အဘိုး၏ ကျန်းမာရေးနှင့် နေထိုင်မှုအခြေအနေများကို ရင်းရင်းနှီးနှီး မေးမြန်း၍ အားပေးစကားများ ပြောကြားခဲ့ကြောင်း သိရသည်။