ပခုက္ကူမြို့၌ အမှတ်(၁)အခြေခံပညာအထက်တန်းကျောင်း၌ သဘာဝဘေးအန္တရာယ်ဆိုင်ရာအသိပညာပေးဟောပြော၊ လက်တွေ့သရုပ်ပြဆောင်ရွက်

ပခုက္ကူ၊ ဩဂုတ် ၄

မကွေးတိုင်းဒေသကြီး၊ ပခုက္ကူမြို့၊ အမှတ်(၁)အခြေခံပညာအထက်တန်းကျောင်း၌ ယမန်နေ့ နံနက်၉နာရီအချိန်က သဘာဝဘေးအန္တရာယ်ဆိုင်ရာအသိပညာပေးဟောပြောပြီး လက်တွေ့သရုပ်ပြဆောင်ရွက်ကြသည်။

ပထမဦးစွာ ပခုက္ကူခရိုင် ဘေးအန္တရာယ်ဆိုင်ရာစီမံခန့်ခွဲမှုဦးစီးဌာနမှ ခရိုင်ဦးစီးမှူး ဒေါ်နုနုဝင်းက ငလျင်ဘေး၊ ရေဘေးနှင့် လေဘေးအန္တရာယ်အမျိုးအစားအလိုက်ကြိုတင်ကာကွယ်ရေးလုပ်ငန်းများဟောပြောပြီး မြို့နယ်မီးသတ်ဦးစီးမှူး ဦးဇော်မျိုး အောင်က မီးဘေးအန္တရာယ်ဆိုင်ရာများလိုက်နာဆောင်ရွက်ရမည့်အချက်များအကြောင်းတို့ကို အသိပညာပေးဟောပြောကြ သည်။

အဆိုပါဟောပြောပွဲတွင် အမှတ်(၁)အခြေခံပညာအထက်တန်းကျောင်း ကျောင်းအုပ်ဆရာမကြီးနှင့် ဆရာ ဆရာမများ၊ ကျောင်းသား ကျောင်းသူများ တက်ရောက်ကြပြီး သဘာဝဘေးအန္တရာယ်ဆိုင်ရာအသိပညာပေးလက်ကမ်းစာစောင်ဖြန့်ဝေခြင်း၊ ဗီနိုင်းပိုစတာပေးအပ်ခြင်းနှင့် လက်တွေ့သရုပ်ပြမီးငြှိမ်းသတ်နည်းလေ့ကျင့်ခြင်းများ ဆောင်ရွက်ခဲ့ကြကြောင်း သိရသည်။

ဘာမီသာ(ပခုက္ကူ)

#News #Myanmar