ပန်ဒါဝက်ဝံကြီးများ၏ ဇာတိမြေ၌ နိုင်ငံတကာ မိတ်ဖက်များက ဇီဝမျိုးစုံမျိုးကွဲနှင့် အစိမ်းရောင် ဖွံ့ဖြိုးတိုးတက်မှုဆိုင်ရာ အမြင်များ မျှဝေ

ချိန်တူး၊ နိုဝင်ဘာ ၄ ရက် (ဆင်ဟွာ)

၂၀၂၆ ခုနှစ် ကမ္ဘာ့ပန်ဒါဝက်ဝံ မိတ်ဖက်များညီလာခံ၏ ပင်မဖိုရမ်ကို "ပန်ဒါဝက်ဝံကြီးများ၏ ဇာတိမြေ" ဟု လူသိများသည့် တရုတ်နိုင်ငံ အနောက်တောင်ပိုင်း စီချွမ်းပြည်နယ်တွင် နိုဝင်ဘာ ၃ ရက်က စတင်ကျင်းပခဲ့ရာ နိုင်ငံနှင့် ဒေသပေါင်း ၃၀ ကျော်မှ ကျွမ်းကျင်သူများနှင့် ပညာရှင်များ တက်ရောက်ခဲ့ကြသည်။

ပန်ဒါဝက်ဝံကြီးများ နေထိုင်ကျက်စားရာ နေရာများကို ထိန်းသိမ်းရေး၊ သာယာလှပသော ကမ္ဘာကြီးကို တည်ဆောက်ရေး၊ ပွင့်လင်းမြင်သာသော အခွင့်အလမ်းများ မျှဝေရေး" ဟူသော ဆောင်ပုဒ်ဖြင့် ပြည်နယ်မြို့တော် ချိန်တူး၌ ကျင်းပလျက်ရှိသည့် အဆိုပါအခမ်းအနားသို့ ဇီဝမျိုးစုံမျိုးကွဲများ ထိန်းသိမ်းစောင့်ရှောက်ရေးနှင့် အစိမ်းရောင် ဖွံ့ဖြိုးတိုးတက်မှုဆိုင်ရာ ပူးပေါင်းဆောင်ရွက်ရေးတို့ကို ဆွေးနွေးရန် ကမ္ဘာတစ်ဝန်းမှ ဖိတ်ကြားထားသော ဧည့်သည်တော်များ တက်ရောက်ခဲ့ကြသည်။

အဆိုပါ ပင်မဖိုရမ်၌ တရုတ်နိုင်ငံ၏ စိမ်းလန်းသော ဖွံ့ဖြိုးတိုးတက်မှုလမ်းကြောင်းကို အဓိကဦးတည်ရေးသားဖော်ပြထားသည့် Think Tank အစီရင်ခံစာ တစ်စောင်ကိုလည်း ထုတ်ပြန်ခဲ့သည်။

အခမ်းအနား၌ ပြည်နယ်အုပ်ချုပ်ရေးမှူး စီရှောင်လျင် က အမှာစကားပြောကြားရာတွင် စီချွမ်းပြည်နယ်သည် ယန်ဇီမြစ်အထက်ပိုင်း၏ အရေးပါသော ရေထိန်းသိမ်းရေးဒေသ၊ မြစ်ဝါမြစ်အထက်ပိုင်း၏ အဓိက ရေဖြည့်တင်းရာ ရေဝေရေလဲ ဒေသနှင့် ဇီဝမျိုးစုံမျိုးကွဲ ထိန်းသိမ်းစောင့်ရှောက်ရေးအတွက် တစ်ကမ္ဘာလုံးအတိုင်းအတာအရ အရေးပါသော ဒေသတစ်ခုဖြစ်ကြောင်း ထည့်သွင်းပြောကြားခဲ့သည်။

ထို့ပြင် စီချွမ်းပြည်နယ်သည် ဂေဟစနစ်ထိန်းသိမ်းရေးကို ဦးစားပေးဆောင်ရွက်ကာ အစိမ်းရောင် ဖွံ့ဖြိုးတိုးတက်မှု ဖော်ဆောင်ရေး လမ်းကြောင်းပေါ်၌ လျှောက်လှမ်းရန် စွဲမြဲခိုင်မာစွာ ကတိကဝတ်ပြုထားကြောင်း ၎င်းက ထပ်လောင်းပြောကြားခဲ့သည်။

ဆင်ဟွာသတင်းဌာန အယ်ဒီတာချုပ် လွီဆုန်းယန် က ပန်ဒါဝက်ဝံကြီးများသည် တရုတ်နိုင်ငံ၏ နိုင်ငံ့ရတနာဖြစ်သကဲ့သို့ လူသားအားလုံး၏ ဘုံပိုင်ဆိုင်မှုလည်းဖြစ်ကြောင်း ပြောကြားခဲ့သည်။ ထို့ပြင် ကမ္ဘာ့ပန်ဒါဝက်ဝံ မိတ်ဖက်များညီလာခံသည် ကမ္ဘာလုံးဆိုင်ရာ အသိပညာများကို စုစည်းကာ ကမ္ဘာမြေကြီးအား အတူတကွ ကာကွယ်ထိန်းသိမ်းရာတွင် အရေးပါသော ချိတ်ဆက်မှုတစ်ခု ဖြစ်လာစေရန် ကြိုးပမ်းလျက်ရှိပြီး "ပန်ဒါဝက်ဝံမိတ်ဖက်များ" ကွန်ရက်ကိုလည်း စဉ်ဆက်မပြတ် တိုးချဲ့လျက်ရှိသည်ဟု ၎င်းက မှတ်ချက်ပြုခဲ့သည်။

တရုတ်နိုင်ငံ၌ ထိန်းသိမ်းစောင့်ရှောက်ထားသော ပန်ဒါဝက်ဝံကြီးအကောင်ရေမှာ ၈၃၀ ကောင် အထိ ရှိလာခဲ့ပြီး ၎င်းတို့၏ မျိုးဗီဇကွဲပြားစုံလင်မှုမှာလည်း စဉ်ဆက်မပြတ် တိုးတက်ကောင်းမွန်လျက်ရှိကြောင်း အမျိုးသား သစ်တောနှင့် မြက်ခင်းပြင် စီမံခန့်ခွဲရေးဌာန ဒုတိယအကြီးအကဲ လီယွင်ချင်း ၏ ပြောကြားချက်အရ သိရသည်။

ယခုနှစ်သည် ပန်ဒါဝက်ဝံကြီးများဆိုင်ရာ နိုင်ငံတကာ သိပ္ပံနည်းကျသုတေသန ပူးပေါင်းဆောင်ရွက်မှု နှစ် ၃၀ ပြည့် အထိမ်းအမှတ်ကာလဖြစ်သည်ဟု အဆိုပါ တာဝန်ရှိသူက မှတ်ချက်ပြုခဲ့ကာ တရုတ်နိုင်ငံအနေဖြင့် နိုင်ငံပေါင်း ၂၀ မှ အဖွဲ့အစည်း ၂၆ ခုနှင့် ပူးပေါင်းဆောင်ရွက်လျက်ရှိရာ ပန်ဒါဝက်ဝံကြီး ၆၉ ကောင် ပြည်ပ၌ ရောက်ရှိနေထိုင်လျက်ရှိပြီး ပန်ဒါဝက်ဝံသားပေါက် ၇၃ ကောင်ကိုလည်း အောင်မြင်စွာ မွေးမြူနိုင်ခဲ့သည့်အပြင် အဆိုပါ ပန်ဒါဝက်ဝံမျိုးစိတ်များကို ကမ္ဘာတစ်ဝန်းမှ လာရောက်ကြည့်ရှုလေ့လာသူ ဦးရေသည်လည်း တစ်ဘီလီယံကျော်အထိ ရှိခဲ့ကြောင်း သိရသည်။ (Xinhua)

သတင်းအပြည့်အစုံကို ဖော်ပြပါလင့်ခ်မှတစ်ဆင့် ဝင်ရောက်ဖတ်ရှုနိုင်ပါသည်။

https://english.news.cn/20261103/42062faef87147979d50e451ac1ba9f7/c.html

…………………………

(English Version)

China Focus: Global partners share biodiversity, green development views in giant panda hometown

CHENGDU, Nov. 3 (Xinhua) -- The main forum of the Global Panda Partners Conference 2026 opened on Tuesday in southwest China's Sichuan Province, known as the "hometown of giant pandas," drawing experts and scholars from over 30 countries and regions.

Under the theme of protecting giant panda habitats, building a beautiful world and sharing open opportunities, the event, being held in Chengdu, the provincial capital, has gathered global guests to discuss biodiversity conservation and green development cooperation.

The main forum also saw the release of a think tank report centered on China's green development path.

In her speech, Shi Xiaolin, the province's governor, said Sichuan serves as a vital water conservation zone in the upper reaches of the Yangtze River, a key replenishment area in the upper reaches of the Yellow River, and a globally significant region for biodiversity conservation.

The province is firmly committed to the path of giving priority to ecological conservation and pursuing green development, she added.

Lyu Yansong, editor-in-chief of Xinhua News Agency, said giant pandas are China's national treasure and a shared wealth of all humanity. He noted that the Global Panda Partners Conference is striving to become an important bond for gathering global wisdom and jointly protecting the planet, while continuously expanding the circle of friends of "panda partners."

According to Li Yunqing, deputy head of the National Forestry and Grassland Administration, the captive population of giant pandas in China has reached 830, while the genetic diversity of the population continues to improve.

Noting that this year marks the 30th anniversary of international scientific research cooperation on giant pandas, the official said that China has cooperated with 26 institutions in 20 countries, resulting in 69 giant pandas living overseas and 73 cubs successfully bred, while the species has drawn over 1 billion visits worldwide.

https://english.news.cn/20261103/42062faef87147979d50e451ac1ba9f7/c.html

Photo caption 1: The Global Panda Partners Conference 2026 is launched in Chengdu, southwest China's Sichuan Province, Nov. 3, 2026. (Xinhua/Xu Bingjie)

Photo caption 2: This photo shows copies of a report centered on China's green development path, which is released during the main forum of the Global Panda Partners Conference 2026 in Chengdu, southwest China's Sichuan Province. (Xinhua/Wang Xi)