ကျန်းချိန် (ယူနန်)၊ နိုဝင်ဘာ ၅ ရက် (ဆင်ဟွာ)
ယူနန်ပြည်နယ် ကျန်းချိန် ဟားနီလူမျိုး၊ ယီလူမျိုး ကိုယ်ပိုင်အုပ်ချုပ်ခွင့်ရခရိုင်တွင် ထောပတ်သီး ခူးဆွတ်ချိန်ရာသီ ကျရောက်လာခဲ့သည်။ ခန်းဖိန်မြို့နယ်၊ ကျိန်တုန်မြို့နယ် စိုက်ပျိုးရေးစခန်းများရှိ သစ်ပင်အကိုင်းအခတ်များတွင် အသီးများ တွဲလဲကျလျက်ရှိကာ တောင်သူများက ခူးဆွတ်ပြီး သေတ္တာထဲထည့်ရန် အလုပ်များနေကြသည်။ ဒေသတွင်း လုပ်ငန်းအဆင့်မြှင့်တင်ပြီး ကွင်းဆက်လုပ်ငန်း ချဲ့ထွင်လာသည်နှင့်အမျှ ပြည်သူများက အိမ်ရှေ့တံခါးဝတွင်ပင် လုပ်ငန်းခွင်ဝင်၍ ဝင်ငွေတိုးပွားလာခဲ့သည်။ လက်ရှိ ခရိုင်တစ်ခုလုံးတွင် စိုက်ပျိုးဧရိယာ တရုတ်မူ (Mu) ၁၂,၀၀၀ ရှိပြီး အသီးများအား ပေကျင်း၊ ကွမ်တုန်း စသည့် ဒေသများသို့ ပုံမှန်ရောင်းချလျက်ရှိရာ ပုံမှန်လမ်းကြောင်းနှင့် စားသုံးသူများ၏ ယုံကြည်လက်ခံမှု ရရှိလျက်ရှိသည်။ (Xinhua)
