Yo Yar Lay

အနောက်တိုင်းဝတ်စုံအပြည့်နဲ့ အမြန်ဆုံးမာရသွန်ပြေးနိုင်ခဲ့လို့ ကမ္ဘာ့ဂင်းနစ်စံချိန်မှတ်တမ်းတင်ခဲ့သူ

စင်ကာပူနိုင်ငံရဲ့ တာဝေးအပြေးသမား အသက် ၃၃ နှစ်အရွယ် Soh Rui Yong ဟာ မာရသွန်ပြိုင်ပွဲမှာ အားကစားဝတ်စုံနဲ့ မဟုတ်ဘဲ အနောက်တိုင်းဝတ်စုံအပြည့်နဲ့ ဝင်ရောက်ယှဉ်ပြိုင်ကာ အမြန်ဆုံးပြေးနိုင်ခဲ့တာကြောင့် ကမ္ဘာ့ဂင်းနစ်စံချိန်တင်ခဲ့ပါတယ်။ သူ ကမ္ဘာ့ဂင်းနစ်စံချိန်တင်ခဲ့တာကို ဧပြီ ၂၇ ရက်စွဲနဲ့ “ကမ္ဘာ့မှတ်တမ်းကိုင်ဆောင်သူ”ဆိုပြီး ပို့စ်တင်ခဲ့တာပါ။

ပို့စ်မှာ သူ့ကို ကမ္ဘာ့ဂင်းနစ်စံချိန်မှတ်တမ်းလက်မှတ် ချီးမြှင်ခံရတာကို တွေ့ရပါတယ်။ သူဟာ ၂ နာရီ ၃၉ မိနစ် ၅၇ စက္ကန့်အတွင်း အနောက်တိုင်းဝတ်စုံအပြည့်နဲ့ London Marathon ပြိုင်ပွဲကို ပြီးမြောက်ခဲ့တာပါ။ သူဟာ Boss ဖက်ရှင်အမှတ်တံဆိပ်ဝတ်စုံကို ဝတ်ဆင်ခဲ့တာပါ။

Soh ဟာ ပြင်သစ်နိုင်ငံက အီမန်နျူရယ် ဘွန်နီယား ကိုင်ဆောင်ခဲ့တဲ့ စံချိန်ကို ချိုးခဲ့တာပါ။ အီမန်နျူရယ်က အနောက်တိုင်းဝတ်စုံအပြည့်နဲ့ ၂ နာရီ ၄၀ မိနစ် ၅၂ စက္ကန့်အတွင်း မာရသွန်ပြိုင်ပွဲကို ပြီးမြောက်ခဲ့တာပါ။ အဲ့ဒီစံချိန်ကို ၂၀၂၃ ခုနှစ် စက်တင်ဘာ ၂၄ ရက်နေ့က ရရှိခဲ့တာပါ။

Soh ကတော့ နိုင်ငံအတွင်း စံချိန် ၁၂ ခု ချိုးခဲ့ပေမဲ့ ကမ္ဘာ့စံချိန်ချိုးတာကတော့ ဒါက ပထမဆုံးဖြစ်တယ်လို့ သိရပါတယ်။

Ref: S’porean Soh Rui Yong, 33, sets Guinness World Record for fastest marathon in full suit

WL (ရိုးရာလေး)

မူရင်းသတင်း — Yo Yar Lay