ဘယ်လ်ဂျီယံနိုင်ငံမှ ပါရမီရှင်တစ်ဦးဟာ အသက် ၁၅ နှစ်အရွယ်မှာပဲ ကွမ်တမ်ရူပဗေဒ (Quantum Physics) နဲ့ ပါရဂူဘွဲ့ ရရှိခဲ့ပါတယ်။
လောရင့်ဆိုင်မွန်(Laurent Simons) ဟာ ၂၀၂၅ ခုနှစ် နိုဝင်ဘာလတုန်းက အန့်တွပ်ပ်တက္ကသိုလ်မှာ သူ့ရဲ့ ပါရဂူဘွဲ့ကျမ်းကို အောင်မြင်စွာ တင်သွင်းပြီး ကမ္ဘာ့သမိုင်းတလျှောက် အသက်အငယ်ဆုံး ပါရဂူဘွဲ့ ရရှိသူတစ်ယောက် ဖြစ်လာခဲ့ပါတယ်။
လောရင့်ဆိုင်မွန်ဟာ အသက် ၈ နှစ်မှာတင် အထက်တန်းပညာရေး ပြီးမြောက်ခဲ့ပြီး အသက် ၁၂ နှစ်မှာ ရူပဗေဒဘွဲ့ ရခဲ့ပါတယ်။ ကျောင်းသား/သူ အများစု အထက်တန်းမပြီးမြောက်သေးတဲ့ အသက် ၁၅ နှစ်အရွယ်မှာတော့ သူက ပညာရေးမှာ အမြင့်ဆုံးအောင်မြင်မှု ရရှိသွားခဲ့တာပါ။
လောရင့်ဆိုင်မွန်ရဲ့ ပါရဂူဘွဲ့ သုတေသနစာတမ်းဟာ အဆင့်မြင့် ကွမ်တမ်သိပ္ပံပညာရပ်ပိုင်းကို အဓိကထား ပြုစုခဲ့တာဖြစ်ပြီး၊ အလွန်အေးစက်တဲ့ ပတ်ဝန်းကျင်အခြေအနေမှာ အမှုန်တွေရဲ့ ပြုမူလှုပ်ရှားပုံအကြောင်း၊”ဘို့စ်-အိုင်းစတိုင်း ကွန်ဒန်ဆိတ်” (Bose-Einstein condensates – စကြာဝဠာထဲမှာ ရှိသမျှ အရာဝတ္ထုတွေရဲ့ ပဉ္စမမြောက် ဒြပ်သဏ္ဌာန်) တွေအကြောင်းကို အဓိက သုတေသနပြုခဲ့တာပါ။
ကွမ်တမ်တွင်းနက်ကြီးတွေနဲ့ သိပ်သည်းဒြပ်ဝတ္ထုစနစ်တွေကြားက အလားသဏ္ဍာန်တူညီမှုတွေကို ရှာဖွေဖော်ထုတ်ခဲ့ပြီး၊ ဒီပညာရပ်နယ်ပယ်အတွက် အမြင်သစ်တွေကို ဖော်ထုတ်ပေးနိုင်ခဲ့တာပါ။
Ref:At 16, Belgian prodigy Laurent Simons has a PhD
NZ (ရိုးရာလေး)
