Realme ရဲ့ တန်ဖိုးနည်းဖုန်းမော်ဒယ်သစ် V50 နဲ့ V50s

    Realme ရဲ့ တန်ဖိုးနည်း ဖုန်းမော်ဒယ်သစ်နှစ်မျိုးဖြစ်တဲ့ V50 နဲ့ V50s ကို တရုတ်နိုင်ငံမှာ ဒီဇင်ဘာ ၁၂ ရက်က  စတင်မိတ်ဆက်ပြသခဲ့ပြီး သင့်တင့်တဲ့ဈေးနှုန်းနဲ့အတူ ကောင်းမွန်တဲ့စွမ်းဆောင်ရည်ပိုင်းကြောင့် မြန်မာနိုင်ငံတွင်း ဈေးကွက်မှာပါ သုံးစွဲသူတွေရဲ့ ကြိုတင်စိတ်ဝင်စား မှုရရှိနေပါတယ်။ ဖုန်းမော်ဒယ်နှစ်မျိုးဟာ ဟာ့ဒ်ဝဲပိုင်းစွမ်းဆောင်ရည် အများစုတူညီကြပြီး အဓိကကွာခြားချက်က ဆော့ဖ်ဝဲပိုင်းဖြစ်တဲ့ carrier-locked နဲ့ unlocked ပိုင်းမှာသာ ကွာခြားတာ တွေ့ရပါတယ်။ တရုတ်နိုင်ငံအတွင်း လာမယ့်နှစ် ဧပြီလဝန်းကျင်မှာ စရောင်းနိုင်ခြေရှိတဲ့ V50s ဖုန်းရဲ့အသေးစိတ် အချက်တွေကို ဖော်ပြလိုက်ပါတယ်။ မျက်နှာပြင်အရွယ်အစား - ၆ ဒသမ ၇၂ လက်မ မျက်နှာပြင်အမျိုးအစား - IPS LCD, 120Hz Resolution - 1080 x 2400 pixels အန်းဒရွိုက်ဗားရှင်းနဲ့ UI - Android 13, Realme UI 4.0 Chipset - Mediatek Dimensity 6100+ (6 nm) CPU - Octa-core (Cortex-A76 & A55) ပင်မကင်မရာ - 13 MP(wide) + 2 MP(depth) ဆယ်လ်ဖီကင်မရာ - 8 MP(wide) USB - USB Type-C 2.0 ဘက်ထရီ - 5000 mAh   ဈေးနှုန်းပိုင်းအနေနဲ့ လက်ရှိတရုတ်နိုင်ငံမှာ ကြေညာထားတဲ့ ဈေးနှုန်းအရ carrier-locked ဖြစ်တဲ့ V50 က 6GB+128GB ဗားရှင်းအတွက် ကျပ် ၃၅၀၀၀၀ ဝန်းကျင်၊ 8GB+256GB ဗားရှင်းအတွက် ကျပ် ၄၁၀၀၀၀ ဝန်းကျင် ကျသင့်နိုင်ပြီး carrier-unlocked ဖြစ်တဲ့ V50s က 6GB+128GB ဗားရှင်းအတွက် ကျပ် ၄၄၀၀၀၀ ဝန်းကျင်၊ 8GB+256GB ဗားရှင်းအတွက် ကျပ် ၅၃၀၀၀၀ ဝန်းကျင် ကျသင့်နိုင်ပြီး အပြောင်းအလဲရှိနိုင်ပါတယ်။   ကျော်ဇင်ဦး