
Data Science ဦးဆောင်ကုမ္ပဏီလို့ ဆိုရမယ့် Pinsent Masons အကြီးအကဲ ထရီဗာဝက်ကင်စ်က " ဒေတာနဲ့ လေ့လာဆန်းစစ်သူတွေရဲ့ တန်ဖိုးကို အတိအကျနားလည်ကြမှာမဟုတ်ဘူး။ ဘောလုံးအတွက်ဆိုရင် နိုင်ပွဲရဖို့အခွင့်အရေးတွေ မြင့်တက်လာအောင် Data Science သမားတွေ ကူညီနိုင်တယ်။ ဒီနေ့ခေတ်မှာ ကွင်းတွင်းစွမ်းဆောင်ရည်လိုပဲ ကွင်းပြင်ပအစီအမံဟာ သိပ်ပြီးအရေးပါလာတယ်။ ဒေတာတွေဟာ ဘယ်လောက်အရေးပါလဲဆိုတာ အာစင်ဝင်းဂါး ကြိုသိခဲ့ပြီး သူဟာဒေတာနဲ့ လေ့လာဆန်းစစ်သူတွေကို အရင်ဆုံးအသုံးပြုခဲ့တဲ့ စွန့်ဦးတိီထွင်သူပါ" လို့ ပြောပြတယ်။ အာဆင်နယ်က စွမ်းဆောင်ရည်၊ လေ့လာဆန်းစစ်သူ၊ Data Science သမား (၁၅)ဦးလောက်နဲ့ အလုပ်လုပ်နေပါတယ်။ လီဗာပူးလ်၊ ဘာစီလိုနာနဲ့ မန်စီးတီးတို့က ထိပ်တန်းအသင်းတွေထဲ Data Science သမားကို အားကိုးပြီး ခေတ်ရှေ့ပြေးနှင့်နေတယ်။ SciSports နဲ့ Metrica Sports တို့လို ကုမ္ပဏီတွေဟာ Data Science သမားတွေ ပိုပြီးမွေးထုတ်နိုင်အောင်၊ ပိုပြီးထက်မြက်သူတွေ ဘောလုံးလောကဆီ စေလွှတ်နိုင်အောင် စီစဉ်နေပါပြီ။