
၂၀၂၄-၂၅ ရာသီ UEFA Nations League ပြိုင်ပွဲကတော့ အုပ်စုပွဲစဉ်တွေပြီးဆုံးဖို့ ရက်ပိုင်းသာလိုအပ်တော့ပြီး League (A) က ပြိုင်ပွဲရဲ့နောက် တစ်ဆင့်ကိုတက်လှမ်းနိုင်ခဲ့တဲ့အသင်းတွေ၊ League (B) ကိုတန်းဆင်းရတဲ့အသင်းတွေရာ နှုန်းပြည့်နီးပါး အဖြေထွက်ပေါ်နေပြီဖြစ်သလို၊ League (B) မှာလည်း League (A) ကိုတန်း တက်နိုင်ခဲ့တဲ့အသင်းတွေအဖြေထွက်ခဲ့ပြီဖြစ်ပါတယ်။ ဥရောပဘောလုံးအဖွဲ့ချုပ် (UEFA)ရဲ့ ငွေကြေးအကျိုးအမြတ်အတွက်အဓိကရည်ရွယ်ဖန်တီးခဲ့တဲ့ Nations League ပြိုင်ပွဲဟာ လက်ရှိမှာနည်းပြ၊ ကစားသမားတွေနဲ့ ပရိသတ်တွေရဲ့ဝေဖန်မှုများစွာကိုကြုံတွေ့နေရပေမယ့် တစ်ဖက်မှာလည်း ဥရောပထိပ်တန်းလက်ရွေးစင်အသင်းကြီးတွေရဲ့ စွမ်းဆောင်ရည်မှတ်တမ်းကောင်းတွေ၊ ချန်ပီယံဆုဖလားအတွက် အားပြိုင်ဖို့အသင့်ဖြစ်နေတဲ့ အခြေအနေတွေက စိတ်ဝင်စားစရာကောင်းနေပြန်ပါတယ်။