Eleven Media Group

ဘာစီလိုနာတွင် ဆက်နေရန် လီဝန်ဒေါစကီး ဆန္ဒရှိ

Photo: X

ဘာစီလိုနာဝါရင့်တိုက်စစ်မှူး လီဝန်ဒေါစကီးသည် အသင်းတွင် ဆက်နေလိုသည်ဟု အသင်းတာဝန်ရှိသူများထံ အကြောင်းကြားထားကြောင်း သိရသည်။
ဘာစီလိုနာအသင်းနှင့် ချုပ်ဆိုထားသည့် လီဝန်ဒေါစကီး၏လက်ရှိစာချုပ်မှာ ၂၀၂၆ ခုနှစ်တွင် ကုန်ဆုံးမည်ဖြစ်ပြီး တစ်နှစ်ထပ်မံသက်တမ်းတိုးခွင့်ရှိသည့်အချက် ပါဝင်ကြောင်း သိရှိရသည်။
ယခုအခါ လီဝန်ဒေါစကီးက မိမိအနေဖြင့် အသင်းတွင် ဆက်နေရန်အသင့်ရှိနေကြောင်း အသင်းတာဝန်ရှိသူများထံ အကြောင်းကြားခဲ့ခြင်းဖြစ်ကြောင်း သိရှိရသည်။
အသက် (၃၆) နှစ်ကျော်ပြီဖြစ်သော်လည်း လီဝန်ဒေါစကီးသည် ယခုရာသီတွင် ဘာစီလိုနာအသင်းအတွက် ခြေစွမ်းပြကစားနေသူဖြစ်သည်။
လီဝန်ဒေါစကီးသည် ဟန်ဆီဖလစ်ခ်လက်ထက်တွင် ဘာစီလိုနာအသင်း၏ အဓိကကစားသမားအဖြစ် အသုံးတော်ခံနေပြီး ယခုရာသီ ပြိုင်ပွဲစုံ (၁၇) ပွဲတွင် (၁၉)ဂိုးသွင်းကာ ဂိုးဖန်တီးမှု (၂) ကြိမ် ပြုလုပ်ထားသည်။

မူရင်းသတင်း — Eleven Media Group