Eleven Media Group

ကင်မစ်ချ်၏အခြေအနေကို ရီးယဲလ်အသင်း စောင့်ကြည့်နေ

Photo: X

ရီးယဲလ်မက်ဒရစ်အသင်းသည် ဘိုင်ယန်မြူးနစ်စွယ်စုံရကစားသမား ကင်မစ်ချ်အား ခေါ်ယူရန် အခြေအနေကို စောင့်ကြည့်နေကြောင်း သိရှိရသည်။
အသက် (၂၉) နှစ်အရွယ်ရှိ ကင်မစ်ချ်သည် ယခုရာသီကုန်တွင် ဘိုင်ယန်မြူးနစ်အသင်းနှင့် စာချုပ်သက်တမ်းကုန်ဆုံးမည်ဖြစ်ပြီး လာမည့် ၂၀၂၅ နွေတွင် ပြောင်းရွှေ့ကြေးအလွတ်ဖြင့် ပြောင်းရွှေ့နိုင်မည်ဖြစ်သည်။
ဘိုင်ယန်မြူးနစ်အသင်းသည် ကင်မစ်ချ်အား စာချုပ်သစ်ချုပ်ဆိုရန် ကြိုးပမ်းနေသော်လည်း ၎င်း၏တစ်နှစ်လစာ ယူရိုသန်း (၂၀) ကို လျှော့ယူရန် တောင်းဆိုထားရာ သဘောတူညီမှုမရဖြစ်နေကြောင်း သိရသည်။
ရီးယဲလ်အသင်းသည် ဘိုင်ယန်မြူးနစ်နှင့် ကင်မစ်ချ်တို့၏ အခြေအနေကို စောင့်ကြည့်နေပြီး ဇန်နဝါရီကတည်းက သဘောတူညီမှု ကြိုတင်ရယူထားရန် ဆန္ဒရှိနေကြောင်း သိရှိရသည်။
ကင်မစ်ချ်အား ခေါ်ယူရန် ရီးယဲလ်အပါအဝင် မန်စီးတီး၊ လီဗာပူးလ်၊ PSG နှင့် ဥရောပထိပ်တန်းအသင်းများစွာက စိတ်ဝင်စားနေကြောင်း သိရသည်။

မူရင်းသတင်း — Eleven Media Group