Eleven Media Group

■ အန်ဇိုဖာနန်ဒက်ဇ်ကို  အငှားဖြင့်ခေါ်ယူရန် အက်သလက်တီကိုအသင်း စိတ်ဝင်စား

အက်သလက်တီကိုအသင်းသည် ချယ်လ်ဆီးအသင်းမှ အာဂျင်တီးနားကွင်းလယ်ကစားသမား အန်ဇိုဖာနန်ဒက်ဇ်ကို လာမည့် ဇန်နဝါရီအပြောင်းအရွှေ့ကာလတွင် အငှားဖြင့်ခေါ်ယူရန် စိတ်ဝင်စားနေကြောင်း သိရသည်။

အသက် (၂၃) နှစ်အရွယ်ရှိ အန်ဇိုဖာနန်ဒက်ဇ်သည် ၂၀၂၃ ဇန်နဝါရီအပြောင်းအရွှေ့ကာလတွင် ဘင်ဖီကာအသင်းမှ ချယ်လ်ဆီးအသင်းထံသို့ ပေါင် (၁၀၅)သန်း (ထိုစဉ်က ဗြိတိန်စံချိန်တင်ပြောင်းရွှေ့ကြေး)ဖြင့် ရောက်ရှိလာခဲ့သူဖြစ်သည်။

အန်ဇိုဖာနန်ဒက်ဇ်သည် ချယ်လ်ဆီးအသင်းသို့ စရောက်ချိန်တွင် ခြေစွမ်းပြနိုင်ခဲ့ပြီး အသင်း၏အဓိက ကစားသမားအဖြစ် ရပ်တည်ခဲ့သူဖြစ်သည်။

သို့သော် ၎င်းသည် နည်းပြ မာရက်စကာလက်ထက်တွင် ခြေစွမ်းပြနိုင်ရန် ရုန်းကန်နေရပြီး ပွဲထွက်လူစာရင်းမှာ မကြာခဏ ချန်လှပ်ခံခဲ့ရသည်။

အန်ဇိုဖာနန်ဒက်ဇ်အနေဖြင့် ချယ်လ်ဆီးအသင်းတွင် အမာခံကစားသမားအဖြစ် ရပ်တည်နိုင်ရန် ရုန်းကန်နေရသည့်အတွက် အက်သလက်တီကိုအသင်းက ၎င်းအား ခေါ်ယူရန် စိတ်ဝင်စားနေခြင်းဖြစ်ကြောင်း သိရသည်။

ထိပ်တန်းအသင်းများစွာ စိတ်ဝင်စားနေသည့် အန်ဇိုကို ချယ်လ်ဆီးအသင်းကလည်း ပေါင်သန်း(၁၀၀)ဟု တန်ဖိုးသတ်မှတ်ထားကြောင်း သိရသည်။

မူရင်းသတင်း — Eleven Media Group