Eleven Media Group

■ သီယိုဟာနန်ဒက်ဇ်အား ရီးယဲလ်နှင့် မန်ယူ စောင့်ကြည့်နေ

Photo: Getty Images

ရီးယဲလ်မက်ဒရစ်အသင်းနှင့် မန်ယူနိုက်တက်အသင်းတို့သည် အသင်းနည်းပြဖြစ်သူ ပေါ်လိုဖွန်ဆီကာနှင့် အဆင်မပြေ၊ တင်းမာနေသည့် အေစီမီလန်အသင်း၏ အဓိကနောက်ခံလူ သီယိုဟာနန်ဒက်ဇ်အား ခေါ်ယူရန်စောင့်ကြည့်လျက်ရှိကြောင်း သိရှိရသည်။
ပြင်သစ်လက်ရွေးစင်အသင်း၏ နောက်ခံလူတစ်ဦးဖြစ်သည့် သီယိုဟာနန်ဒက်ဇ်သည် ကမ္ဘာ့အကောင်းဆုံးစာရင်းဝင် နောက်ခံလူတစ်ဦးအ ဖြစ် သတ်မှတ်ခံထားသူဖြစ်သည်။

သို့သော် အေစီမီလန်အသင်းနည်းပြ ဖွန်ဆီကာက နောက်ပိုင်းပွဲစဉ်များတွင် ၎င်း၏ ခြေစွမ်းအပေါ် အားမရဖြစ်နေပြီး နောက်ဆုံးကစားခဲ့သည့် ပွဲစဉ်များ၌ အရန်ခုံတွင်သာ ထိုင်စေခဲ့သည်။
ထို့ပြင် သီယိုဟာနန်ဒက်ဇ်အား အဝတ်လဲခန်းအတွင်းတွင် ဆူပူမှုများ ပြုလုပ်ခဲ့ခြင်းကြောင့် သီယိုဟာနန်ဒက်ဇ်က ပြန်လည်တုံ့ပြန်ပြောဆိုခဲ့ပြီးနောက် တင်းမာမှုဖြစ်ပေါ်နေခြင်းလည်း ဖြစ်သည်။

ဖွန်ဆီကာက သီယိုဟာနန်ဒက်ဇ်သည် စီးရီးအေ၏ အကောင်းဆုံးနောက်ခံလူ (၃) ဦစာရင်းဝင်ဖြစ်သော်လည်း ယခုအချိန်တွင်လုံလောက်မှုမရှိဟု ဆိုထားသည်။

မူရင်းသတင်း — Eleven Media Group