Eleven Media Group

■ အာနိုးလ်ကို ရီးယဲလ်နှင့်အပြိုင် ခေါ်ယူရန် ဘာစီလိုနာ ကြိုးပမ်း

ဘာစီလိုနာအသင်းသည် လီဗာပူးလ်နောက်ခံကစားသမား အာနိုးလ်ကို ရီးယဲလ်အသင်းနှင့်အပြိုင် ခေါ်ယူရန် ကြိုးပမ်းနေကြောင်း သိရသည်။

အသက် (၂၆) နှစ်အရွယ်ရှိ အင်္ဂလန်လက်ရွေးစင်နောက်ခံကစားသမား အာနိုးလ်သည် လီဗာပူးလ်အသင်းနှင့် ယခုရာသီကုန်တွင် စာချုပ်သက်တမ်းကုန်ဆုံးမည်ဖြစ်သည်။

လီဗာပူးလ်အသင်းသည် အာနိုးလ်အား စာချုပ်သက်တမ်းတိုးရန် ဆွေးနွေးနေသော်လည်း လက်ရှိအချိန်ထိ အဆင်မပြေသေးကြောင်း သိရှိရသည်။

လီဗာပူးလ်အသင်းအနေဖြင့် အာနိုးလ်အား ဒီဇင်ဘာလမကုန်ခင် စာချုပ်သက်တမ်းတိုးနိုင်ခြင်းမရှိလျှင် ကစားသမားအနေဖြင့် ၂၀၂၅ ဇန်နဝါရီ (၁) ရက်မှာ ပြည်ပကလပ်အသင်းများနှင့် အကြိုသဘောတူစာချုပ် ချုပ်ဆိုနိုင်မည်ဖြစ်ကြောင်း သိရသည်။

ထို့ကြောင့် ပြောင်းရွှေ့ကြေးအလွတ်ဖြင့် ရရှိနိုင်မည့် အာနိုးလ်ကို ရီးယဲလ်အသင်းက ပစ်မှတ်ထားနေပြီး ယခုအခါ ဘာစီလိုနာအသင်းကလည်း ရီးယဲလ်နှင့်အပြိုင် ကြိုးပမ်းရန် စီစဉ်နေကြောင်း သတင်းထွက်လာခြင်းဖြစ်သည်။

လီဗာပူးလ်အသင်းတာဝန်ရှိသူများကမူ အသင်းငယ်မွေးခြံပေါက် အာနိုးလ်အနေဖြင့် အသင်းနှင့်စာချုပ်သက်တမ်းတိုးမည်ဟု ယုံကြည်နေကြောင်း သိရသည်။

မူရင်းသတင်း — Eleven Media Group