
အဲဗာတန်အသင်း၏ ဂိုးသမား ပစ်ဖို့ဒ်သည် အသင်းအတွက် ပရီးမီးယားလိဂ်တွင် (၇)ကြိမ်မြောက် ပယ်နယ်တီကာကွယ်နိုင်ခဲ့ကြောင်း သိရသည်။
ပစ်ဖို့ဒ်သည် ကြာသပတေးနေ့က ယှဉ်ပြိုင်ကစားခဲ့သည့် မန်စီးတီးနှင့်ပွဲတွင် နော်ဝေတိုက်စစ်မှူး ဟာလန်း၏ ပယ်နယ်တီကန်ချက်ကို ကာကွယ်နိုင်ခဲ့ခြင်းဖြစ်သည်။
ထို့ကြောင့် ပရီးမီးယားလိဂ်တွင်ကလပ်အသင်းတစ်သင်းအတွက် ပယ်နယ်တီကာကွယ်နိုင်မှု တတိယအများဆုံးဂိုးသမားအဖြစ်လည်း မှတ်တမ်းဝင်ခဲ့သည်။
အများဆုံးကာကွယ်နိုင်သူမှာ ဘလက်ဘန်းဂိုးသမားဟောင်း ဖရီဒယ်လ်(၁၀)ကြိမ်ဖြစ်ပြီး ဒုတိယအများဆုံးမှာ ဘော်လ်တန်ဂိုးသမားဟောင်း ဂျက်စကယ်လိုင်နန်(၉)ကြိမ်ဖြစ်ကြောင်း သိရသည်။