
အာဆင်နယ်အသင်းသည် ဘိုကာဂျူနီယာအသင်းမှ အာဂျင်တီးနားဂိုးသမား လီယန်ဒရိုဘရေးကို ခေါ်ယူရန် ချိန်ရွယ်နေကြောင်း သိရသည်။
လီယန်ဒရိုဘရေး(၂၂ နှစ်)သည် ပြီးခဲ့သည့်ပါရီအိုလံပစ်ပြိုင်ပွဲတွင် အာဂျင်တီးနားအသင်းနှင့်အတူ ယှဉ်ပြိုင်ခွင့်ရခဲ့သူဖြစ်ပြီး ဘိုကာဂျူနီယာအသင်းနှင့် ၂၀၂၇ ခုနှစ်အထိ စာချုပ်ချုပ်ဆိုထားသည်။
အာဆင်နယ်အသင်းက ၎င်းကို လာမည့်ဇန်နဝါရီအပြောင်းအရွှေ့ကာလတွင် ခေါ်ယူ၍ ဘိုကာဂျူနီယာထံ ရာသီကုန်အထိ အငှားပြန်ချထားမည်ဟု သိရသည်။
အာဆင်နယ်အသင်းသည် အသင်းအဓိကဂိုးသမားဖြစ်သူ ရာယာ၏ အရန်ဂိုးသမားနေရာအတွက် လီယန်ဒရိုဘရေးကို ခေါ်ယူလိုနေခြင်းဖြစ်သည်။
အာဆင်နယ်အသင်းသည် ပြီးခဲ့သည့်နွေတွင် အသင်း၏ဒုတိယဂိုးသမားဖြစ်သူ ရမ်းစ်ဒေးလ်ကို ရောင်းချပြီးနောက် အစားထိုးဂိုးသမား ခေါ်ယူခြင်းမရှိသေးပေ။