
ဗယ်လာဒိုလစ်အသင်း၏ ပရိသတ်များသည် အသင်းပိုင်ရှင် ရော်နယ်လ်ဒိုကို အသင်းမှ ထွက်ခွာသွားရန် အလိုရှိနေကြောင်း သိရသည်။
ဘရာဇီးလ်လက်ရွေးစင်တိုက်စစ်မှူးဟောင်း ရော်နယ်လ်ဒို(၄၈ နှစ်)သည် ကစားသမားဘဝမှ အနားယူပြီးနောက် နည်းပြလောကသို့ ဝင်ရောက်ခြင်းမရှိဘဲ ၂၀၁၈ ခုနှစ်တွင် လာလီဂါကလပ် ဗယ်လာဒိုလစ်အသင်း၏ ရှယ်ယာများကို ဝယ်ယူခဲ့ခြင်းဖြစ်သည်။
၎င်းသည် ၂၀၁၈ ခုနှစ်တွင် ဗယ်လာဒိုလစ်အသင်းအား ထိန်းချုပ်စီမံခွင့်ရရှိမည့် ရှယ်ယာ(၅၁%)ကို ယူရိုသန်း (၃၀)ဖြင့် ဝယ်ယူခဲ့ခြင်းဖြစ်သည်။
လက်ရှိအချိန်တွင် ဗယ်လာဒိုလစ်အသင်းမှာ လာလီဂါပြိုင်ပွဲ၌ အမှတ်ပေးဇယားအောက်ဆုံးနေရာသို့ ရောက်ရှိနေသည့်အတွက် ပရိသတ်များက ၎င်းအား အသင်းမှ ထွက်ခွာသွားရန် တောင်းဆိုနေကြ ခြင်းဖြစ်ကြောင်း သိရသည်။
ရော်နယ်လ်ဒိုသည် ဘရာဇီးလ်ဘောလုံးအဖွဲ့ချုပ် ဥက္ကဋ္ဌရွေးကောက်ပွဲတွင် ဝင်ရောက်ယှဉ်ပြိုင်သွားမည်ဖြစ်ရာ ဗယ်လာဒိုလစ်အသင်းကို ပြန်လည်ရောင်းထုတ်ရန် စီစဉ်နေကြောင်းလည်း သိရသည်။
ရော်နယ်လ်ဒိုသည် ပြီးခဲ့သည့်ဧပြီလအတွင်းက ဘရာဇီးလ်ကလပ် ခရူဇီယိုအသင်း၏ ရှယ်ယာများကို ပြန်လည်ရောင်းထုတ်ခဲ့ကြောင်းလည်း သိရသည်။