၁၇.၉.၂၀၂၅
Written by KL
ရန်ကုန်တိုင်းဒေသကြီး၊ ကြည့်မြင်တိုင်မြို့နယ်၊ မန်ကျည်းတန်းမြောက်အရှေ့ရပ်ကွက်၊ ကမ်းနားလမ်းပေါ်တွင် မော်တော်ယာဥ်တစ်စီး၏ ကားကြမ်းခင်းကို ဝရိန်ဆော်ရာမှ ဆီတိုင်ကီပေါ်မီးပွားကျ၍ မီးလောင်မှု ယနေ့ စက်တင်ဘာလ ၁၇ ရက် နံနက် ၁၁ နာရီ ၁၅ မိနစ်ခန့်က ဖြစ်ပွားခဲ့ကြောင်း မီးငြှိမ်းသတ်သူများထံမှ သိရသည်။
MAZDA BONGO အမျိုးအစား အဖြူရောင်မော်တော်ယာဥ် မီးလောင်မှုကြောင့် ကားနောက်အမိုးပိုင်း၊ ယာဥ်မောင်းထိုင်ခုံနှင့်ကူရှင်အနည်းငယ်၊ ဘတ္ထရီအိုးတို့ မီးလောင်ဆုံးရှုံးခဲ့ကြောင်း သိရသည်။
မီးလောင်မှုကို မီးငြှိမ်းသတ်ယာဥ် တစ်စီး၊ သန္ဓေအရန်မီးသတ်တပ်ဖွဲ့ဝင်များ ဝိုင်းဝန်းငြှိမ်းသတ်ခဲ့ရာ နံနက် ၁၁ နာရီ ၁၉ မိနစ်ခန့်တွင် မီးငြိမ်းခဲ့ကြောင်း သိရသည်။
မော်တော်ယာဥ်မီးလောင်မှုကြောင့် အသက် ၂၄ နှစ်အရွယ် အမျိုးသားကို ရာဇသတ်ကြီးပုဒ်မ ၂၈၅ ဖြင့် ကြည့်မြင်တိုင်မြို့မရဲစခန်းက အမှုဖွင့်အရေးယူထားကြောင်း သိရသည်။
