ကရင်ပြည်နယ် မြဝတီမြို့ နယ် သဃင်္န်းညီနောင်ကျေးရွာတွင် ဒေသတွင်း ဖြစ်ပွားခဲ့သော တိုက်ပွဲများကြောင့် ပျက်ဆီးဆုံးရှုံး မီးလောင်ကျွမ်းခဲ့သော နေအိမ်များ ပြန်လည်ထူထောင်ရေးအတွက် ပြည်နယ်အစိုးရအဖွဲ့၏ ၂၀၂၆/၂၀၂၇ ဘဏာရေးနှစ် ဖြည့်စွက်ခွင့်ပြုရံပုံငွေဖြင့် ထောက်ပံ့ပေးရန် လျာထားကြောင်း သိရသည်။
ဩဂုတ် ၁၈ ရက်က ကျင်းပခဲ့သည့် တတိယအကြိမ် ကရင်ပြည်နယ်လွှတ်တော် တတိယပုံမှန်အစည်းအဝေး၏ ဆဌမနေ့တွင် မြဝတီမြို့နယ်မဲဆန္ဒနယ်အမှတ်(၁)မှ ကရင်ပြည်နယ်လွှတ်တော် ဒုဥက္ကဌ ဦးအေးမင်းထွေးက တိုက်ပွဲကြောင့် ပျက်စီးခဲ့ရသည့် သဃ်န်းညီနောင်ရှိ နေအိမ်များ ပြန်လည်ထူထောင်းရေးအတွက် ပြည်နယ်အစိုးရမှ ထောက်ပံ့ပေးရန်အစီအစဉ် ရှိ/မရှိနှင့် စပ်လျဉ်းသော မေးမြန်းမှုအား ပြည်နယ်အစိုးရအဖွဲ့မှ ပြန်လည်ဖြေကြားခဲ့ခြင်းဖြစ်သည်။
ကရင်ပြည်နယ် အစိုးရအဖွဲ့ အနေဖြင့် အကောင်အထည်ဖော်နိုင်ရေးနှင့်စပ်လျဉ်း၍ သက်ဆိုင်ရာကော်မတီများ အဆင့်ဆင့်ဖွဲ့စည်းကာ ဆောင်ရွက်သွားရန် လိုအပ်ကြောင်း၊ ထိုကော်မတီများနှင့် လွှတ်တော်ကိုယ်စားလှယ်များ၊ ခရိုင်/မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီတို့မှ ပူးပေါင်းဆောင်ရွက်ပေးသွားရန်လိုအပ်ကြောင်းနှင့် ထောက်ပံ့နိုင်ရေးကို ၂၀၂၆/၂၀၂၇ ဘဏ္ဌာရေးနှစ် ဖြည့်စွက်ခွင့်ပြုရံပုံငွေတွင် လျာထားပါကြောင်း ကရင်ပြည်နယ်အစိုးရအဖွဲ့မှ ပြန်လည်ဖြေကြားခဲ့ကြောင်း သိရသည်။
စစ်ရေးပဋိပက္ခများကြောင့် သဃ်န်းညီနောင်ကျေးရွာအုပ်စုအတွင်း နေအိမ်စုစုပေါင်း ၁၇၉ လုံးပျက်စီးဆုံးရှုံးခဲ့ ကြောင်း။ စာရင်းပေးထားသူ အိမ်ထောင်စု ၆၃ စု မှ လူဦးရေ ၂၉၆ ဦးတို့အား နိုင်ငံတော်အကြီးအကဲ၏ လမ်းညွှန်ချက်ဖြင့် အမျိုးသားသဘာဝဘေးအန္တရာယ်ဆိုင်ရာစီမံခန့်ခွဲမှု ရံပုံငွေမှ တစ်ဦးလျှင် တစ်လ ငွေကျပ်(၂)သောင်းနှုန်းဖြင့် မြို့နယ်အဆင့်ပြန်လည်ထူထောင်ရေးကော်မတီဖွဲ့စည်း၍ ၂၀၂၅ ခုနှစ် ဇန်နဝါရီမှ ဒီဇင်ဘာလအထိ ထောက်ပံ့ပေးအပ်ခဲ့ ကြောင်းသိရသည်။
ထို့အပြင် ကရင်ပြည်နယ်အစိုးရအဖွဲ့မှလဲ ဆန်၊ဆီ၊ကြက်ဥနှင့်ခေါက်ဆွဲခြောက်များ အစရှိသည့် စားနပ်ရိက္ခာများကို အခါအားလျှော်စွာ ကူညီထောက်ပံ့ပေးလျှက်ရှိသည်။
လက်ရှိ သဃ်န်းညီနောင်ကျေးရွာ၌ နယ်မြေတည်ငြိမ်စ ပြုလာပြီဖြစ်၍ တစ်ချို့မှ ာပြန်လည်ဝင်ရောက်နေထိုင်ကြသော်လည်း အချို့မှာ ပြန်လာနေထိုင်ခြင်းမရှိသေး ကြောင်း သိရသည်။
နယ်မြေ အခြေအနေအရ ပြန်လည်ထူထောင်ရေးလုပ်ငန်းများဆောင်ရွက်နိုင်ရေးအတွက် မိုင်းရှင်းလင်းရေးနှင့် လုံခြုံရေးအားကောင်းစေရေးဆောင်ရွက်ရန် လိုအပ်နေဆဲဖြစ်သည်ဟု ဆိုသည်။
