တွန်းဇံ၊ ဩဂုတ် ၂၈
ချင်းပြည်နယ်တွန်းဇံမြို့၌ အကြမ်းဖက်တိုက်ဖျက်မှုကြောင့် တစိစိတ်တစ်ပိုင်းပျက်စီးခဲ့သည့် ဌာနဆိုင်ရာအဆောက်အဦများ ပြုပြင်ခြင်းလုပ်ငန်းဆောက်ရွက်လျက်ရှိရာ မြို့နယ်ပြန်လည်ထူထောင်ရေးနှင့် ပြန်လည်တည်ဆောက်ရေးကော်မတီ အတွင်းရေးမှူး (မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ)ဦးသိန်းအောင်နှင့် အဖွဲ့ဝင်များသည် ဩဂုတ် (၂၆) ရက် နံနက် (၉) နာရံအချိန်က ဌာနာဆိုင်ရာ အဆောက်အဦများ ပြုပြင်ခြင်းများအား ကွင်းဆင်းကြည့်ရှုစစ်ဆေးခဲ့ကြောင်း သိရသည်။
ထိုသို့လုပ်ငန်း ဆောင်ရွက်မှုများ ကွင်းဆင်းကြည့်ရှုစစ်ဆေးရာတွင် Philips Kham&Family ကုမ္ပဏီမှ ရန်ပုံငွေ (၂၈၇.၈၂၂)သန်းဖြင့် ဆောင်ရွက်သည့် မြို့နယ်အထွေထွေအုပ်ချုပ်ရေးဦးစီးဌာန၏ ရုံးအသစ်ပြုပြင်ခြင်း (၄၀%)၊ ALGD Family ကုမ္ပဏီမှ ခွင့်ပြုရန်ပုံငွေ ကျပ်(၂၇.၈၁၅)သန်းဖြင့်ဆောင်ရွက်သည့် အထွေထွေအုပ်ချုပ်ရေးဦးစီးဌာန၏ (၂)ခန်းတွဲဝန်ထမ်းအိမ်ရာ၊ နံကပ်(၁)ထပ်ပြုပြင်ခြင်း(၂၅%)၊ Tung Tuang ကုမပဏီမှ ရန်ပုံငွေကျပ်(၁၁.၉၂၁) သန်းဖြင့်ဆောင်ရွက်သည့် မြိုနယ်လျှပ်စစ်မီးစက်အဆောင်အမှတ်(၁) ပြုပြင်ခြင်း(၄၀%)၊ Cope Family ကုမ္ပဏီမှရန်ပုံငွေကျပ် (၂၂၄.၀၇၄)သန်းဖြင့် ဆောင်ရွက်သည့် လမ်းဦးစီးဧည့်ရိပ်သာ ပြုပြင်ခြင်း(၂၅%)များအားကွင်းဆင်း ကြည့်ရှုစစ်ဆေးခဲ့ကြောင်း သိရသည်။
အဆိုပါ မြို့နယ်ပြန်လည်ထူထောင်ရေးနှင့် ပြန်လည်တည်ဆောက်ရေး အတွင်းရေးမှူးနှင့် အဖွဲ့သည် လုပ်ငန်းဆောင်ရွက်မှုများ ကွင်းဆင်းစစ်ဆေးရာ၌ တွန်းဇံမြို့တွင် တစ်စိတ်တစ်ပိုင်းပျက်စီးသည့် ဌာနဆိုင်ရာအဆောက်အဦများအနက် (၄၂)လုံးကို ဒေသခံကုမ္ပဏီ(၁၆)ခုက တာဝန်ယူဆောင်ရွက်ခြင်းဖြစ်ပြီး၊ ယနေ့အချိန်တွင် လုပ်ငန်းဆောင်ရွက်ပြီးစီးမှု (၃၆.၄၃%) ပြီးစီးပြီဖြစ်ကြောင်း သတ်မှတ်ကာလအတွင်း လုပ်ငန်းပြီးစီးရေး၊ စံချိန်စံညွှန်းနှင့် အညီဖြစ်စေရေးမှာကြားပြီး လိုအပ်သည်များ ပေါင်းစပ်ညှိနှိုင်း ဆောင်ရွက်ခဲ့ကြကြောင်း သိရသည်။
#News #Myanmar
