အောက်တိုဘာ - ၂၄ ( စနေနေ့ )
ရုရှားသမ္မတ ဗလာဒီမာပူတင်နဲ့ အမေရိကန်သမ္မတ ဒေါ်နယ်ထရမ့်တို့ရဲ့ သဘောတူညီချက်အရ ဒီဇယ်ဆီ သယ်ဆောင်လာတဲ့ သင်္ဘော သုံးစင်းကို အမေရိကန်ဘက်ကို စတင်စေလွှတ်လိုက်ပြီလို့ ရုရှား ဒုတိယ ဝန်ကြီးချုပ် အလက်ဇန်းဒါးနိုဗတ်က ကြေညာလိုက်ပါတယ်။
ဒီသင်္ဘောတွေဟာ အတ္တလန္တိတ်သမုဒ္ဒရာ အရှေ့ဘက်ကမ်းရိုးတန်းဆီကို ဦးတည်ပြီး ခုတ်မောင်းနေကြပြီ ဖြစ်ပြီး၊ အဲဒီ လောင်စာဆီ ထောက်ပံ့မှုအများစုဟာ ရုရှားစွမ်းအင်ကုမ္ပဏီကြီးဖြစ်တဲ့ ရော့စ်နက်ဖ် ကနေ လာနိုင်တယ်လို့ နိုဗတ်က သောကြာနေ့မှာ ပြောပါတယ်။
"ကမ္ဘာ့ဒီဇယ်ဈေးကွက်ကို ဖြည့်ဆည်းပေးဖို့ အရင်က ကြေညာထားခဲ့တဲ့ သဘောတူညီချက်တွေနဲ့အညီ၊ ရုရှားအနေနဲ့ ကမ္ဘာ့ဈေးကွက်တွေနဲ့ အမေရိကန်ပြည်ထောင်စုဆီကို ဒီဇယ်ဆီ ပိုမိုထောက်ပံ့ ပေးသွားမှာပါ" လို့ နိုဗတ်က ပြောကြားခဲ့ပါတယ်။
မော်စကိုဘက်က ဒီဇယ်တင်ပို့မှုအပေါ် ကန့်သတ်ချက်တွေကို လျှော့ချပေးခဲ့တာကြောင့် ရုရှားကုမ္ပဏီ တွေ အနေနဲ့ အောက်တိုဘာလအတွင်း နိုင်ငံတကာဈေးကွက်ကို ဒီဇယ်ဆီ တန်ချိန် ၅၀၀,၀၀၀ အထိ တင်ပို့ခွင့်ရရှိသွားမှာဖြစ်ပြီး ပြည်တွင်းလိုအပ်ချက်ကိုလည်း အပြည့်အဝ ဖြည့်ဆည်းပေးထားပါတယ်။ ဒီသင်္ဘောတင်ပို့မှုတွေကိုတော့ ပူတင်ရဲ့ စီးပွားရေးသံတမန် ကီရီ ဒီမီထရီယက်ဗ် ဦးဆောင်တဲ့ ရုရှားတိုက်ရိုက်ရင်းနှီးမြှုပ်နှံမှုရန်ပုံငွေအဖွဲ့ (RDIF) ရဲ့ အဓိကကူညီပံ့ပိုးမှုနဲ့ စီစဉ်ခဲ့တာ ဖြစ်ပါတယ်။
သမ္မတရုံး (ကရင်းမလင်း) ပြောခွင့်ရပုဂ္ဂိုလ် ဒီမီထရီ ပက်စ်ကော့ဖ်ကတော့ အဲဒီနေ့ အစောပိုင်းမှာပဲ အခုလို ဒီဇယ်ဆီတင်ပို့မှုတွေဟာ ပုံမှန်ဆက်လက် လုပ်ဆောင်သွားမှာဖြစ်ပြီး ပထမဆုံးသင်္ဘောကတော့ ဝယ်ယူသူတွေဆီကို ထွက်ခွာသွားပြီဖြစ်ကြောင်း အတည်ပြုပြောကြားခဲ့ပေမယ့် ဘယ်သင်္ဘောဖြစ်တယ် ဆိုတာကိုတော့ ထုတ်ဖော်ပြောဆိုခဲ့ခြင်း မရှိပါဘူး။
REF: RT
#News #Myanmar
