ပြင်သစ်နိုင်ငံတွင် အောက်တိုဘာ ၃၁ ရက် ဆန္ဒပြပွဲများအတွင်း လူ ၇၇၉ ဦး ဖမ်းဆီးခံရ
ပြင်သစ်နိုင်ငံတစ်ဝန်း စားဝတ်နေရေးစရိတ် မြင့်တက်လာမှုကို ဆန့်ကျင်သည့် အောက်တိုဘာ ၃၁ ရက်၌ အသစ်ဖြစ်ပွားသောဆန္ဒပြပွဲများအတွင်း လူ ၇၇၉ ဦး ဖမ်းဆီးခံခဲ့ရကြောင်း ပြည်ထဲရေးဝန်ကြီးဌာန၏ နိုဝင်ဘာ ၁ ရက် ထုတ်ပြန်ချက်ကို ကိုးကား၍ ပြင်သစ်ရုပ်သံလိုင်း BFM TV က သတင်းဖော်ပြခဲ့သည်။
ပြည်ထဲရေးဝန်ကြီးဌာန၏ အဆိုအရ အောက်တိုဘာ ၃၁ ရက်တွင် ပြင်သစ်နိုင်ငံတစ်ဝန်း ဆန္ဒပြသူဦးရေ ၃၂၀,၀၀၀ ခန့် ပါဝင်ခဲ့ကြောင်း ဝန်ကြီးဌာနထံမှ သိရသည်။ ပဲရစ်မြို့တွင်လည်း အောက်တိုဘာ ၃၁ ရက် ညနေ ၅ နာရီအထိ ဆန္ဒပြသူ ၇၀,၀၀၀ ခန့် ရှိခဲ့ကြောင်း ဝန်ကြီးဌာနက ဖော်ပြထားသည်။
ချီတက်ဆန္ဒပြမှုအများစုမှာ ငြိမ်းချမ်းစွာ ပြီးဆုံးခဲ့သော်လည်း ဆန္ဒပြသူများကို လူစုခွဲရာတွင် မြို့များစွာ၌ တင်းမာမှုများ ဖြစ်ပွားခဲ့သည်။ ပဲရစ်မြို့ ၁၂ ခရိုင်ရှိ Porte de Charenton အနီးတွင် အောက်တိုဘာ ၃၁ ရက်က လက်လုပ်ဖောက်ခွဲရေးပစ္စည်းတစ်ခု လုံခြုံရေးတပ်ဖွဲ့ဝင်တစ်ဦး၏ ခြေရင်း၌ ပေါက်ကွဲခဲ့ကာ ၎င်းမှာ အနည်းငယ် ဒဏ်ရာရရှိခဲ့သည်။
ဗြိတိန်ရေတပ်၊ လေတပ်နှင့် MI6 ကို “အကြမ်းဖက်၍ ရန်လိုသောအဖွဲ့အစည်းများ” အဖြစ် အီရန် သတ်မှတ်
ဗြိတိန်အစိုးရ၏ ယမန်နှစ်အတွင်း အီရန်အပေါ် ဆောင်ရွက်ခဲ့သည့် မူဝါဒများနှင့် လုပ်ရပ်များကြောင့် ဗြိတိန်နိုင်ငံ၏ တော်ဝင်ရေတပ်၊ တော်ဝင်လေတပ်နှင့် လျှို့ဝှက်ထောက်လှမ်းရေးဌာန (MI6) တို့ကို “အကြမ်းဖက်ပြီး ရန်လိုသောအဖွဲ့အစည်းများ” အဖြစ် သတ်မှတ်လိုက်ကြောင်း အီရန်နိုင်ငံခြားရေးဝန်ကြီးဌာနက နိုဝင်ဘာ ၁ ရက်တွင် ကြေညာခဲ့သည်။
အဆိုပါ ဆုံးဖြတ်ချက်သည် နိုဝင်ဘာ ၁ ရက်မှစ၍ အသက်ဝင်မည်ဖြစ်ပြီး အီရန်အမျိုးသားလုံခြုံရေးကောင်စီ၏ ဆုံးဖြတ်ချက်အပေါ် အခြေခံထားခြင်းဖြစ်ကြောင်း ဝန်ကြီးဌာန၏ ထုတ်ပြန်ချက်တွင် ဖော်ပြထားသည်။
ကုလသမဂ္ဂပဋိညာဉ်စာတမ်းနှင့် နိုင်ငံတကာဥပဒေပါ အခြေခံမူများ၊ အထူးသဖြင့် နိုင်ငံတစ်နိုင်ငံ၏ အချုပ်အခြာအာဏာကို လေးစားလိုက်နာရေးနှင့် အခြားနိုင်ငံများအပေါ် တရားမဝင်သော အရေးယူဆောင်ရွက်မှုများ မပြုလုပ်ရေး စသည်တို့ကို ဗြိတိန်အစိုးရ၏ အီရန်ဆန့်ကျင်ရေး မူဝါဒများနှင့် လုပ်ရပ်များက ချိုးဖောက်နေကြောင်း အီရန်နိုင်ငံခြားရေးဝန်ကြီးဌာနက ရှုတ်ချခဲ့သည်။
ထရမ့်က ဖလာဗီယို ဘော်ဆိုနာရိုအား အမေရိကန်တွင် “ဆန္ဒရှိသရွေ့ နေနိုင်” ဟု ဆို
အမေရိကန်သမ္မတ ဒေါ်နယ် ထရမ့်က ရွေးကောက်ပွဲရှုံးနိမ့်ခဲ့သော ဘရာဇီးသမ္မတလောင်း ဖလာဗီယို ဘော်ဆိုနာရိုနှင့် တွေ့ဆုံရန် အစီအစဉ်မရှိသော်လည်း ၎င်းအနေဖြင့် အမေရိကန်နိုင်ငံတွင် “ဆန္ဒရှိသရွေ့ နေနိုင်သည်” ဟု အောက်တိုဘာ ၃၁ ရက်တွင် ပြောကြားခဲ့သည်။
"တွေ့ဆုံဖို့ အစီအစဉ်မရှိပါဘူး၊ ဒါပေမဲ့ သူ့အပေါ် အလွန်ဆိုးရွားစွာ ဆက်ဆံခံခဲ့ရတယ်လို့ ကျွန်တော်ထင်ပါတယ်။ သူ ဒီမှာ ဆန္ဒရှိသရွေ့ နေနိုင်ပါတယ်... ဒီရွေးကောက်ပွဲကတော့ ရှက်စရာကောင်းလှပါတယ်" ဟု ထရမ့်က ဖလော်ရီဒါပြည်နယ်၊ ပမ်းဘိချ်မြို့ရှိ ၎င်း၏ မာအာလာဂိုကလပ်တွင် သတင်းထောက်များအား ပြောကြားခဲ့သည်။
အောက်တိုဘာ ၂၅ ရက်က ကျင်းပခဲ့သည့် ရွေးကောက်ပွဲဒုတိယအကျော့တွင် ရှုံးနိမ့်ခဲ့သော Liberal ပါတီမှ ကိုယ်စားလှယ်လောင်း ဘော်ဆိုနာရိုသည် အာဂျင်တီးနားမှ ထွက်ခွာလာပြီး အီကွေဒေါနိုင်ငံတွင် ခေတ္တရပ်နားခဲ့ကာ ၎င်း၏မိသားစုနှင့်အတူ ကိုယ်ပိုင်လေယာဉ်တစ်စင်းဖြင့် အမေရိကန်သို့ အောက်တိုဘာ ၂၈ ရက်က ရောက်ရှိလာခဲ့သည်။
ဘူလ်ဂေးရီးယားနိုင်ငံတွင် သမ္မတရွေးကောက်ပွဲ စတင်
ဘူလ်ဂေးရီးယားနိုင်ငံသားများသည် သမ္မတနှင့် ဒုတိယသမ္မတ ရွေးကောက်ပွဲ ဒုတိယအကျော့အတွက် နိုဝင်ဘာ ၁ ရက်တွင် ဆန္ဒမဲပေးခဲ့ကြသည်။
မဲပေးခွင့်ရှိသူ ၆.၆ သန်းခန့်သည် လက်ရှိသမ္မတ Iliana Iotova နှင့် ဒုတိယသမ္မတလောင်း Kiril Valchev တို့၏ မဲဆွယ်အဖွဲ့နှင့် သမ္မတလောင်း Andrey Gurov ၊ ဒုတိယသမ္မတလောင်း Georgi Kandev တို့၏ မဲဆွယ်အဖွဲ့တို့ကို ရွေးချယ်မဲပေးကြမည်ဖြစ်သည်။
Iotova-Valchev အတွဲသည် အာဏာရ Progressive Bulgaria ပါတီနှင့် ဘူလ်ဂေးရီးယား ဆိုရှယ်လစ်ပါတီ အပါအဝင် ပါတီများ၏ ထောက်ခံမှုကို ရရှိထားသလို အောက်တိုဘာ ၂၅ ရက်တွင် ကျင်းပခဲ့သည့် ပထမအကျော့ ရွေးကောက်ပွဲ၌ မဲအရေအတွက် ၃၄.၇၆ ရာခိုင်နှုန်းဖြင့် ထိပ်ဆုံးမှ ရပ်တည်နိုင်ခဲ့သည်။
အယ်လ်နီညိုဖြစ်စဉ်ကြောင့် ဘိုလီးဗီးယားတွင် အရေးပေါ်အခြေအနေ ကြေညာ
အယ်လ်နီညိုရာသီဥတုဖြစ်စဉ်၏ သက်ရောက်မှုများကို ကိုင်တွယ်ဖြေရှင်းရန် ဘိုလီးဗီးယားနိုင်ငံ သမ္မတ Rodrigo Paz က နိုင်ငံအဆင့် အရေးပေါ်အခြေအနေ ကြေညာသည့် အမိန့်အား အောက်တိုဘာ ၃၁ ရက်တွင် လက်မှတ်ရေးထိုးခဲ့သည်။
နိုင်ငံ၏ ဒေသအချို့တွင် မိုးခေါင်ရေရှားမှုများ ဖြစ်ပွားနေခြင်းနှင့် လာမည့်လများအတွင်း ရေကြီးရေလျှံမှုများ ဖြစ်ပေါ်လာနိုင်ခြေကို ကြိုတင်ပြင်ဆင်ရန် အဆိုပါအမိန့်ကို လက်မှတ်ရေးထိုးခဲ့ခြင်းဖြစ်ကြောင်း သမ္မတ Paz က ပြောကြားခဲ့သည်။
အဆိုပါ အရေးပေါ်အစီအမံသည် ဘဏ္ဍာရေးနှင့် လူ့စွမ်းအားအရင်းအမြစ်များ စုစည်းရန်၊ အစိုးရဌာနများအကြား ပူးပေါင်းဆောင်ရွက်မှုကို အားကောင်းစေရန်၊ ဘေးဒဏ်ခံရသော အိမ်ထောင်စုများကို အကူအညီပေးနိုင်ရေးအတွက် နိုင်ငံတကာ၏ ပူးပေါင်းကူညီမှုများ ရရှိရန်နှင့် ရာသီဥတုပြောင်းလဲမှုနှင့် ဆက်စပ်သည့် သဘာဝဘေးအန္တရာယ်များကြောင့် ပြည်သူများ၏ အသက်အိုးအိမ်စည်းစိမ်နှင့် စီးပွားရေးလုပ်ငန်းများအပေါ် သက်ရောက်မှုများကို လျှော့ချနိုင်ရန် ရည်ရွယ်ထားခြင်းဖြစ်ကြောင်း သမ္မတက ပြောကြားခဲ့သည်။ (Xinhua)
#France #ElNino #Bulgaria'sPresidential #Trump #ပြင်သစ် #အယ်လ်နီညိုဖြစ်စဉ် #ဘူလ်ဂေးရီးယားသမ္မတရွေးကောက်ပွဲ #ထရမ့်
………..
(English Version)
Daily World Briefing, Nov. 2
France records 779 arrests during Saturday protests
A total of 779 people were arrested across France during a new round of protests on Saturday against the rising cost of living, French television channel BFM TV reported Sunday, citing figures from the French Interior Ministry.
Around 320,000 people took part in a new round of protests across France on Saturday, according to the ministry. In Paris, the ministry put the number of demonstrators at 70,000 as of 5 p.m. (1600 GMT) on Saturday.
Although most marches passed off peacefully, the dispersal of protesters led to tensions in several cities. In Paris, a homemade explosive device detonated at the feet of a member of the security forces near Porte de Charenton in the 12th arrondissement on Saturday, leaving him slightly injured.
Iran designates Britain's navy, air force, MI6 as "terrorist, hostile" entities
The Iranian Foreign Ministry on Sunday announced that Tehran had designated Britain's Royal Navy, Royal Air Force and Secret Intelligence Service (MI6) as "terrorist and hostile" entities over the British government's anti-Iran actions over the past year.
The decision, effective Sunday, was based on a resolution adopted by Iran's Supreme National Security Council, the ministry said in a statement.
The ministry condemned the British government's anti-Iran policies and actions as contrary to the principles of the United Nations Charter and international law, particularly those concerning respect for national sovereignty and the prohibition of unlawful measures against other states.
Trump says Flavio Bolsonaro can stay in U.S. "as long as he wants"
U.S. President Donald Trump said on Saturday that he had no plans to meet defeated Brazilian presidential candidate Flavio Bolsonaro, but that he could stay in the United States "as long as he wants."
"No plans to meet, but I think he got treated very shabbily. He can stay here as long as he wants ... The election was a disgrace," Trump told reporters at his Mar-a-Lago club in Palm Beach, Florida.
Bolsonaro, the Liberal Party candidate who lost the runoff on Oct. 25, arrived in the United States with his family on Wednesday aboard a private plane that departed from Argentina and made a stopover in Ecuador.
Bulgaria's presidential runoff kicks off
Bulgarians go to the polls on Sunday to vote in the second round of the country's elections for president and vice president.
Nearly 6.6 million voters are eligible to choose between incumbent President Iliana Iotova, running with Kiril Valchev as her vice-presidential candidate, and Andrey Gurov, who is seeking the presidency with Georgi Kandev as his running mate.
The Iotova-Valchev ticket, backed by the ruling Progressive Bulgaria party and the Bulgarian Socialist Party, among others, came on top in the first round on Oct. 25 with 34.76 percent of the votes.
Bolivia declares state of emergency over El Nino
Bolivian President Rodrigo Paz signed a decree Saturday declaring a national state of emergency to address the impacts of El Nino.
Paz said he signed the decree to tackle drought affecting several regions of the country and prepare for potential flooding in the coming months.
The president said the measure aims to mobilize financial and human resources, strengthen coordination among government agencies and seek international cooperation to assist affected families and mitigate the impact of climate-related disasters on people's lives and economic activities.
